السلام عليكم هذي قصيدة اتمنى تنال رضاكم واتمنى تنسيق القصيدة
من المشرفين


البارحة والفكر مثل الرحى دار= ودورة رحى فكري بوسط السريرة
دار وخذا لفة على كل مشوار= وقامت علي تطري علومن كثيرة
مشحون هم وضيق ومتذوق امرار= وطرتلي الافكار ذكرى مريرة
قمت التفت وانظر يمين ويسار= اخاف زول يشوف دمع البصيرة
غدتلي الدنيا مثل شق مسمار =وغدى علي الصدر كبر الشعيرة
ماغير اهوجس واضرب اليد بجدار=واقول ياربي من الهم خيره
ومن عادتي مابوح للناس الاسرار=لو ان تالع في خفوقي سعيرة
مايبري العلة يكود رب الابرار=والا ابن ادم من يجيب الضريرة
لاتشتكي ياقلب من جور الاقدار=ذي سنة الدنيا مامنها مغيرة
اركد وهد النبض لاتزيد الاضرار=يكفي من الدنيا دروبي قصيرة
الحمد للوالي خلق قدمك اسوار=من شان لاتعلن عليا الهجيرة
اصبر وانا بصبر عسى اللي لنا صار=درسن يجنبنا دروبن عسيرة
وياهاجسي وقف ورى طرد الافكار=اخاف قولة مات سبت ضميرة

الله لافض فوك

لله درك اخوي والله يحقق امانيك
تحياتي وتقديري واعجابي بما دونت

..........................



صح لسانك


صح

مافهت قصدك لكن لاهنت على مرورك

صح لسانك مددد



تقبل اعجابي بما سطرت

صح لسانك وفقك الله


رائعة من روائع فكرك


تقبل التحية

صح لسانك مليون ولا يكفون رائعة لا هنت واصل الابداع

صح لسانك



ابدعت لا هنت


تقبل تقديري

صح احساسك ونبض قلبك

فكر قلمك ينزف ابداع جميل ..

عسى ماتفارق حياتك ..

بنتظار كل جديدكـ ..

يعطيك العافية

لاهنتــ ..




لك ودي وأحترامي ..

لك تقديري واعجابي بدون منازع

أنا اثرت في القصيده ومشاعري حساسه وبكيت

والله مدري وش اكتبلك لكن صدقني ما اتشرف بتعليقك
واتمنى من المشرفين حذف تعليقات العضو

صحت ابدانكم جميع ولاهنتم على مروركم الطيب