يابن هليل ياصباح الخير واعطينا العلوم = من بعد ماطول غيابك يامدير المنتدى


وانا اشهد انك من رياجيل(ن) يسدون اللزوم = يوم(ن ) ان بعض الناس مايوفي ولا عنده جدى

صح لسانك ياعبد الرحمن

الليل كود

والطاروق مدري اني عرفته او لا

لكن لو ماهو هو علمني


الله يصبحكم بخير وحبةٍ(ن)فوق الخشوم=من غاب عن وقت العشا يجي على وقت الغدا
ما فيه زودٍ(ن)عنكم ربعٍ(ن)طحاطيح قروم=ربع وعواني ما خبرنا في عوانينا ردى



جرى التعديل وما ادري عن طاروقك غنيته بلحن وعدلته على لحن

صح بدنك يابن هليل واللحن ليس هو المطلوب
فقط الشطر الثاني من البيت الاول صحيح ( ومن يغيب عن العشاء يجي على وقت الغداى)

ياالا لالالا لالالاه ياالا لالالا لالالاه

جينا على وضحى النقى حسب العوايد والسلوم = لكن ليا ناديت بعض الناس ماجاب الندى

والناس يابن الناس احد معطى واحد صار محروم = ربعي هل الوقفات فاالميقاف وتصد العدى

جيتوا على وضح النقا قومٍ(ن)عديتوا فوق قوم=واللي يعرف بسكته الدرب عنه ما حدى
الله مقسم للعقول أخذت قسمك بالقسوم=النفس من طاوع هواها يافتى ضاع وغدى

شعار مافيكم حيله لكم تقديري واعجابي