اسمعوا من صاغ بالشعر احتجاجه=
وافهموها يامفسرة المعاني
لو سمو الصبر مالي فيه حاجه=
كان جبت العيد قدام رمضاني
ما سكت الا تجنب للمواجه =
بيني و بين السفيه اللي عناني
يامعرفت التبجح والسذاجه =
بعد ماربي بنشدكم بلاني
في نظركم ويش تعريف الهماجه=
الله يكرم عن الزله لساني
ابحثوا في دارة العلم ودراجه =
يمكن اتفسر على مدلول ثاني
في كتاب الترمذي والا ابن ماجه =
اوكتاب الاصفهاني بالاغاني
الظلام ليا انطفت شمعة سراجه =
ماعرفنا الاسود من العقرباني
والصباح يبين نوره وانبلاجه =
واحسبوها بالدقايق والثواني
وكل رجالً يحسب وش خراجه =
في متاهات الطريق المهماني
واحدً بيته مصمم من زجاجه =
مستحيل يحذف ثابتت المباني
يزعل الرجال ويكدر مزاجه =
كلمة من لدن هيسً مسنحاني
لو رفع الصوت واسلوب اللجاجه =
ماتنقص قدرطلقين اليماني
اكره اهل السوق من ضجة حراجه =
والغلا عن مابغيته ماحداني
والرقاب اللي بها طول وعواجه =
ماعدلها غيرضرب الخيزراني
والمريض ان كان مايوجد علاجه =
ماله الا كيةً بين الاذاني
ياصقور الضلع مدري يادجاجه=
انتهوا قدام خافيكم يباني
قبل صفو الجو يجتاحه عجاجه =
وقبل راع العشر ينقصها ثماني
اسمعوا من صاغ بالشعر اتحجاجه =
واستروها يامفسرة المعاني

فعلا قصيده طاولت بهامتها عنان السماء كل حرف بها يكتب بماء الذهب لافض فوك ياابا مشعل لله درك على ماكتبت ونهنيك على الاسلوب المتميز الغير مستغرب على شاعر في حجمك هذا هو الشعر لمن يريد الشعر ومن يريد غيره فلا عموما رائعه واعجبت بها لك تقديري

سوف تنزل بلحن يتناسب مع القصيده ان شاء الله

يا سلام عليك


ابداع يستحق الاشادة


صح لسانك

صح لسانك واعتلا شانك



ابداع فعلا

صح لسانك يابو مشعل قصيده طيبه بالحيل وتحمل في طياتها معاني ورموز . عساها حولنا ولا هي علينا ههههههه لله درك يابو مشعل شهاتي فيك مجروحه.











تقديري واحترامي لك..+تقييمي,,,

الله الله


ابدعت نسجت من المعاني ما يعجز عنه كثير من الشعراء

درة بكل ما تحمل

صح لسانك


تقديري

صح السانك يابو مشعل وابيات غايه في الروعه والابداع

لك تقديري واحتراااااااامي

صح منطوقك ابدعت وامتعت لله درك تقديري لك

لله درك ياابومشعل
صح لساااااااااااااااااااااااااااانك

الله الله الله

القصيد اللي يجي من زعل ولا من فرح لابد يعجب الاذن

صح السانك يابو مشعل

انا ادري انك تقصد رباح بس ماني معلمه هههههههههههههه تراه ماعنده سالفه

ذكي يابو معتوق تلقطها وهي طايره لله درك لكن انا اللي ابعلمه هههههههههههههههههههههههه

ذكي يابو معتوق تلقطها وهي طايره لله درك لكن انا اللي ابعلمه هههههههههههههههههههههههه

تكفا يابوفواز لا تعلمه خل الامر بيني وبينك ههههههههههه مانبا الناس يكثر هرجها

مااااااااااشاء الله وصح لسانك ولا هنت

صنعت من الحروف نجوم مضيأه في سماء الابداع

كلمات راقيه وساميه من رقيك وعلو سموك الكـــريــــم

دمت بخير ودمت كما انت شاعرنا مبدع كساه الابداع والجمال