سلام رديه على اهل الفعايل * من شاعر يبدع جزيل المثايل
والنار شبت فوق حشم الفتايل * هذا الصحيح وقولي الي تقولون

حنا حضرنا والعلوم اعلـــوم ** سحابتنا هلت مخايلها
راس العرب نايم عليه اللوم ** نار العرب شبت فتايلها

صح السانك .ياسنجار . وراس العرب الله يجبر عزاه كانه اللي على بالي

صح بدنك والله يجبر عزا كل مسلم

ابن هليل اظن عنده عزا اليوم علمني عثمان انا فاقده لي كم يوم

وصح السانك

احسن الله عزاه في فقيده والله يقمد روحه الجنه يارب العالمين وهذي حال الدنيا

واللي ياعرف تلفون ابن هليل يطرش علي علشان اكلمه واتطمن عليه

المعذرو انشغلت شوي

والله اني مريت الصبح ما اخذت بالي من بدعك

لكن العذر والسموحة


يامرحبا والرد بالحال جاهز=من هاجسٍ ماهو عن الشعر عاجز
ليا شبت النيران حط المراكز=قلت الصحيح وخلوا اللي تقولون



سنجار وش به مايجيه النوم=سحايبه سالت مسايلها
راس العرب من حشمتك بيقوم=ياناقل الهرجة وقايلها

والله مادري ياولد ويش حاصل * والرقم هاته ياولد بـــــــنتواصل
موجز من الاخبار مافـيه فاصل * قلت الحقيقه والعرب ويش يقولون

الله يرحم شــــــيخ قوم القوم ** اهل الوفي تـــــــبقى فعايلها

راس العرب ياصاحبنا محشوم ** عان العرب بثت رســايلها

صح الله السانك وبيض الله وجهك

والله يحسن عزاكم في فقيدكم

صح بدنك ولا هنت

والله يجزاك خير

الرقم موجود بالمنتدى بجوار الحقوق

لكن يتطلب ارسال رسالة تعريف اولا

ليتم الاتصال بك

وشكرا لك

ياربعنا سنجار طلاب ترقيم=والله كبيرة ياالرجال الشغاميم
أخاف من منقود والا تعاميم=قلت الصحيح وقولوا اللي تقولون



مافيه حيٍ(ن)بالحياة يدوم=كل نفس حكم الموت طايلها
عساك سالم والسلوم سلوم=والناس تحصد في عمايلها

ايش فيك يابوزيد خايف ومـنحاس * ماني من الشله ولاني ببلاس

انا البديوي وفعلنا يرفع الراس * هذا الصيحيح وقولو الي تقولون

خلك على الدنيا قوي اعزوم** تنبيـــك عنها ذكر اويلها

المشكله ثارت على اهل الروم ** الله يستر من تحايلها

صحت السنتكم.......... بن هليل .. قلبها عليك قضية ياسنجار هههههههههههههههه

المعذرة لتأخري بالرد


يالله تكافينا شرور النخابيس=اللي على العالم موظفهم ابليس
ما باقي الا يطلقون المحابيس=قلت الصحيح وقولوا اللي تقولون



أبشر بعزك وقت فرك خشوم=نفرك لخشمٍ تاق عايلها
الروم من عهد الرسول تزوم=لا تأخذ المري حبايلها

رباح


حيااااااااك

خلك محضر خير طال عمرك

محاوره قيمه لكما تقديري واعجابي

ياصاحبي ويش فيك منته برايق * مادام منت بسارق ولانت بايق
اسبـــــح بحر لا تفتكر فالخلايق * هذا الصيحيح وقولي اللي تقولون

والعز يبقى والرخوم ارخوم ** والثانيه دور بدايــــــلها

الروم قامت تهجوا المعصوم ** لا تاخذك كثرت جمايلها

يا رباح الله يكافينا شره وانت جزالك الله خير تزيد النار حطب ههههههه

مرحبا ياسعد تراحيب المطر ولي الشرف بمرورك يالقرم

أنا على ظهر الذلول بشدادي=لن عودت للجد والا عنادي
الحلق مادونه ياكود الأيادي=قلت الصحيح وقولوا اللي تقولون



سيفي شطير وسيفهم مثلوم=الحقد بعض الخلق غايلها
الحر ما ضره نعيق البوم=والقوم تعرف من حمايلها

اسف على التاخير جاوني اضيوف ولهيت معهم يابو احازم والخاتمه عندك

عزالله انك ذخر ياحامل الســــــــيف * في حزت الميقاف مالك مواقيف

وناس ثارت وانت جالس على السِيف * هذا الصيحيح وقولي اللي تقولون

سيفك شطير ولا نفع مظيوم ** وناس ماتت من هوايلها
حاكم لاكنه ياربع محـــــكوم ** وبنت الهوا هلت جدايلها

صح لسانك والمعذرة ترى الدعوة مزوح



سنجار يسر للبعير الطريقي=شاعر بني مرة يدينه طليقي
هذا رفيق القوم ماهو رفيقي=قلت الصحيح وقولوا اللي تقولون


سنجار بات برزقك المقسوم=حملة شعيل شعيل شايلها
رمحي بكبده غارزه مسموم=بنت الهوى ينهي تمايلها

صحت السنتكم ...... وماش سنجار ....... اجودي مايبي المشاكل ..... ههههههههههههههههه