بتال يا بتال كانك قريب حضر واستلم

الليلة ليلك ليل


وكيلك الله مالك وكيل





بتال قرب كان ودك تكمل الطرقه معي=واما ذبحنا للجمل والا ذبحنا للطلي
ودي اعلمك لحساب الضرب والا تجمعي=اللي اعزه يشهد الله احسبه حسبة هلي

مبدا كايف سلمت يمينك ياابا حازم وننتظر بتال الاقرع ليكتمل الابداع لكم تقديري

المعذرة ما كنت متوقع احد بيطلبني

كعادتي مريت للاستطلاع

ولكن ابشر بسعدك



هات السوالف هاتها يالحنبلي يالأصمعي=ودك بنقض حبالها والا تبينا نفتلي
العلم واسع مير بعض علومكم ما تنفعي=قرب لحبك قربه بطحنه وأنته تنخلي

صحت الالسن واقلوب



موفقين

حياك الله يابتال


بتال والله ما تحمل ربع دفه باصبعي=مادام معرف مذهبك هو شافعي هو حنبلي
ياليتني أعرف دواك بطب والا مطوعي=علتك علة ما عرفنا وش علاج المبتلي

الله يخارجني منك

شوي لا هنت واجيك معود طاري طرا


محال تقربني وأنا قلبي محصن بأضلعي=خل المذاهب خلها وأنا على دين الولي
ما أنته برب الناس تعلم صحتي والا وجعي=أنا سليم المشكلة بالشيخ قام يولولي

ماعندك مشكلة اقض لزومك لكن لا تأخر عن الساعة 12

ترى بعدها تقفل محطاتي الكبر شين والليلة جمعة وجبة فضيلة

هههههههههه


أنا سمعت إنك تنقل من ربيع لمربعي=كل مانزل بتال في منزل رحل ماطولي
نشدت عنك وقالوا العربان راح ويرجعي=ودك تعلا بالشوامخ مار جيت محولي

الله الله على هالطاووق ناري

صحت قلوبكم وما شاء الله عليكم اثنينكم

في غاية القوة والابداع

تقبلا مروري

المعذرة تأخرت اذا موجود تحب نكمل



علم سمعته شائعة ما للسوالف مرجعي=وش حدك تراقب عباد الله ماأنت مخولي
إن رحت والا جيت ماعندك حياه ومصرعي=وليا نويت ارقا المعالي بالوكاد الاولي

هلا بك

لا بأس شوي وبطلع ولا عليك أمر


كشفت سرك لو مالي من وراكم مطمعي=مهما يطول الليل لابده بصبحٍ(ن)ينجلي
ماني بعارف وش سبب راع الذلول مقنعي=من خوف والا طبع لكن فوقنا ماتنطلي

الله الله

طاروق ياستاهل المتابع بتال انا ضدك تعرف الدنيا مصالح هههههه

انا مع صف المخضرم ابو احزام من دون قاصر فيك يابتال

تراني مثله بعد الساعه ١٢ مانقدر نتاااابع الكبر شين والسهر مرض ههههه

حياك الله يا طارق

وحياك الله يا سنجار

الله يخارجني منه السلامة منه غنيمة


وابرك انه ما يحب السهر



ما أنته بعلام الغيوب ولا أنت عارف بسنعي=هون على روحك ترى كثر المديح يهولي
لا تشتقي ياصاحب بالنار جمر مولعي=السيف تعرف سلته ماله شبيه ولا حلي

ههههههه


تحمدوا الله إني ما أسري عليكم الليل كله والا كان ما أخد منكم راح لشغله

لكن لا تطول بالرد ترى العيون قامت مثل عيون الذيب ليا فتحت عين غمضت الثانية


ماني بعلام الغيوب وكل طير يوقعي=والشمس قالو بالمثل ما تنستر بالمنخلي
البحر ما يرفض سمك اللي يجي له يبلعي=مايرفض الا ميته على الشواطي ينطلي

ههههه والله ما نتخارج منك لو تغمض بالثنتين



كذا علومك طيبة ياللي من أول تدعي=إن السما ماهو سما الحاض غاض ويمتلي
حاسب من أمواج البحر لا جاك موجه مسرعي=ماينفعك من بعدها ترضا عليه وتزعلي

بيض الله وجهك

والله ان الطاروق ماشاب توه طري لكن النوم غلاب غط وخير الكلام ماقل ودل


ياحوت ياللي بالبحر في كل سبتٍ(ن)شرعي=بتال واقف لك على شط البحر بالمخملي
الصاحب اللي مايميز حايلة من مرضعي=الله يستر حالته ما اكثر ذنوبٍ(ن)يحملي

الله الله

صح لسانك يَ أبو حازم

و صح لسانك يَ بتال

و الصف صف المدير و لا يهون بتال

تقديري لكم ..

استاذ نتعلم منك وجهك ابيض


ياحوت ياللي بالبحر في كل يومٍ تصرعي=ابن هليل ينتظر لك بالمكان مهللي
الصاحب اللي فوق صاجه زيت حوت يطرطعي=ياصاحبي ماكل حوته فوق صاجك تنقلي

هلابك يابندر تشرفنا بحضورك لكن الشيخ الظاهر غادر

صح السانك يابن هليل وصح السانك يا بتال

ودي اعلمك لحساب الضرب والا تجمعي=اللي اعزه يشهد الله احسبه حسبـة هلـي
ياحوت ياللي بالبحر في كل سبتٍ(ن)شرعي=بتـال واقـف لـك علـى شـط البحـر بالمخمـلـي












هذا المدير خطير
لاتامنونه ياشعار
هههههههههههههههههههه

صحت السنتكم
طاروق رهيب

مراد جزل ولاعليه كلام بين شاعران لهم وزنهم في مقارعة الشعر وميدانه

صحت اللالسن جميع ..وبيض الله وجيهكم..





تقديري لكم...