أسعدكم الله


سمعت طاروق أعجبني حبيت أطرحه لكم

واللي يحب اللعب عليه الله يحييه

اللحن باليوتيوب

http://www.youtube.com/watch?gl=SA&v=m9CNWPotFj4



مرحبا بالنشاما وبيت القصيد السوالف هدف والمعاني هدف=قلتها من هجوسي وأكمل وجوب مرحبا بالنشاما وبيت القصيد
الليالي تسابق بعلمٍ(ن)جديد يالله إنك عليهم بخير تخلف=ماتفيد النوايا بجوف القلوب الليالي تسابق بعلمٍ(ن)جديد

البقى يالمرحب وهات النشيد خابرك محترف صاحبك محترف ** والهبايب ترا جات من كل صوب يالمرحب تفضل وهات النشيد

انت عمرك نقص والليالي تزيد لا تدرو سلف منت لاقي سلف ** وانت رجل المواقف تراك امحسوب انت عمرك نقص والليالي تزيد

يابو احزام انت موجود ولا طلعت خابرك ماتحب اللعب بعد الساعه ١٢


تراني اول مره اللعب على هذا الطاروق عسنا مغلطنا

حياك الله يا سنجار



جاني المري اللي مكانه بعيد يحذف القوم والاجودي منحذف=لا تثقل لروحك بحمل الذنوب جاني المري اللي مكانه بعيد
ماأنت ناقص حسابي كثير الصيد تغرف البحر يتعبك وأنت تغرف=لا تقرب لنارٍ(ن)لهبها شبوب ماأنت ناقص حسابي كثير الرصيد

صباح الخير . سنجار . والله مدري وين راح ابو حازم طلعت للتموينات وهو موجود رجعت مالقيته

لا تجابه قوي لا تعاند عنيد والحقيقه ترا معرفتكم شرف ** خل بعض السوالف ياليتك تتوب لا تجابه قوي لا تعاند عنيد

الرسايل ترا جاتكم فالبريد احتفظ فالملف لا يضيع الملف ** شمسك انتحت ياولد للغروب الرسايل ترا جاتكم فالبريد

الله الله ياسلام ياسلام
صحت السنتكم

ودي اتابعكم ميرابا ارقد وغدا اطلع على الطاروق ان شاء الله

جعلك سالم يارباح والله لايهينك العود موجود والله يكافنا شره هههه

صباح الخير , للجميع وش عند الشيبان مسمهرين اعترفوا ههههههههههه

ارحب ارحب يابومشعل مرورك هذا شرف لي

راعي الدوحة اللي يلم الجريد ابتلش بالسعف والبلا بالسعف=وش يقرب شمال البلد للجنوب راعي الدوحة اللي يلم الجريد
النتيجة ترى ماش شيءٍ(ن)مفيد الملف مختلف الملف مختلف=شمسنا عالية والحساب محسوب النتيجة ترى ماش شيءٍ(ن)مفيد

رباح الله يسامح تراني ماني ابشيبه توني شباب بس عمري حول ٦٠ والقلب اخضر

صحت السنتكم . عسف ومدري وش معه هههه
واثرك مثلي يا سنجار شباب

راعي الدوحة اللي يلم الجريد ابتلش بالسعف والبلا بالسعف=وش يقرب شمال البلد للجنوب راعي الدوحة اللي يلم الجريد
النتيجة ترى ماش شيءٍ(ن)مفيد الملف مختلف الملف مختلف=شمسنا عالية والحساب محسوب النتيجة ترى ماش شيءٍ(ن)مفيد


ضلعنا ياطويل العمر من حديد يوم بعض العرب جالسا فالطرف ** مايهاب المواقف ورجل امحبوب ضلعنا ياطويل العمر من حديد
النتيجه ترا القوم ساروا عبيد والقوي ياوسيع المعرفه ضعف ** ودكم بس ماعاد تلقى ركوب النتيجه ترا القوم ساروا عبيد

ضلعنا ياطويل العمر من حديد يوم بعض العرب جالسا فالطرف ** مايهاب المواقف ورجل امحبوب ضلعنا ياطويل العمر من حديد
النتيجه ترا القوم ساروا عبيد والقوي ياوسيع المعرفه ضعف ** ودكم بس ماعاد تلقى ركوب النتيجه ترا القوم ساروا عبيد

النوم غلاب


غط واذا تبي نكمل بكرة



خرب الشام والشام كان الفريد لا تقل لي صدف ماتجي بالصدف=وده يصير سيد ولو بغصوب خرب الشام والشام كان الفريد
من تربع بظهره بليس المريد يدخل المنعطف يدخل المنعطف=طول عمره معنا بشب الحروب من تربع بظهر بليس المريد

صح بدنك واللي ودك وانا والله مثلك الاكن شد انتباهي الطاروق واللعب معى شرواك

وتصبح على خير

شعار كبار وطاروق ممتع لله دركم لكم تقديري واعجابي

مرحبا يامشرفنا تراحيب المطر ومشكور على المرور اللي اكثر من رايع

صحت السنتكم اطربتمونا بجميل اشعاركم وحسن حواركم

ودي وتقديري