بغيت أرحب بالمقاطي في محل الطيبين= واثر المقاطي خالكم يا ثبيت بالبرهانيه

اللي على سلم العرب يمشي على مذهب ودين = واللي يخالف مذهب الاسلام كالشيطانيه

صح السانك والسان خالي وتحلم ان اكون في صفك

انا في صف خالي الليل

الحين يجي طراد ويمسك صفي انا متاكد واقعد انت وخالك

اعوذ بالله كل ما نمسي ،، من أبليس اللعين = وأقلط على ثامر بعد سميت بالرحمانيه

يا ثامر انه لا يسار ولا انته من أهل اليمين = عيبٍ عليك ان كان تصغي كفة الميزانية

حياك الله يا عثمان

وشاكر لك وقفتك وأزهل ثامر والله الليلة ليجي علووم......

بــغــيــت أرحــــــب بـالـمـقـاطــي فـــــــي مـــحــــل الـطـيـبــيــن
واثــــــــر الــمــقــاطــي خــالـــكـــم يــــــــا ثـــبـــيـــت بـالـبـرهــانــيــه



الله الله الله الله

صحت الالسن والقلوب

والصف مع ثامر توني متصالح معه

ههههههههههه

حنا ترانا ملسمين ونعبد الله كل حين = الله يعز الدين والمسلم على النصرانيه

الحمدالله ما غدالي مع رجال العرف دين = واهل المعرفه ما تحب العود ابو دخانيه

الله الله


يا صباح الابداع


فتل ونقض كايف


بيض الله وجيهكم


متااااااااااااابع

الله يحييك يا بن هليل


شرفتنا طال عمرك

وصح بدنك

الله الله

شعراء مبدعين . صح السان كل من الشاعرين ..!

تحياتي لكم ...!

حنا فحصنا قلبك الميت بإشاعاات الرنين = وإلياك مالك طب يا كافي ونفسك فانيه
لو انهم يقلون ما دون الحلوق الا اليدين = حرام ما اناصيك وانت مكتف الذرعانيه

منصور هلابك

وصح بدنك يالغالي

حياك الله يابن هليّل في محلك..

صح بدنك يا منصوور ولا هنت

لكن انت في صف من؟؟

اكيد في صفيـــــ


يبي يحطم ثااامر.

لو انهم يقلـون مـا دون الحلـوق الا اليديـن=حــرام مــا اناصـيـك وانــت مكـتـف الذرعانـيـه

مبدع شب عليه النار لاترحمه ههههههههههههههه

مالك هم يابو مشعل والله ليرجع محله اللي جا منه مير انا هناك قدامه بعد

هههههههههههههههههههههههههههههههههههه

في صـــفك طبعاً ...

ولآ يهووون شاعرنا ثا مر

عليكم الرحمه يا قوم في المقابر ميتين = يالله وانا طالبك في عفوك وفي الغفرانيه

يا ربعنا ما اذمكم وانتم اهل معزى وظين =الخيل من خيالها والقوم في الميدانيه

عليكم الرحمه يا قومٍ ميتين أوعايشين = ما فيكم اللي من حزامه يرمي العدوانيه

وانا بعد ما أذمكم يالباعة المتجولين = ما أنتم سوات الحضرمي ما يترك الدكانيه

الله يصبحكم بالخير جميعا وش ذا الابداع بسم الله ماشاء الله تقديري للجميع

حياااك الله يابو فوااز الأبداع مروورك طال عمررك..

ترى الغنايم يالمقاطي في عصور الاولين = ياللي وردت العد لا تصدر منه ضميانيه

عز الله انك حضرمي في وسط دكانك دوين = بضاعتك فيها من الاشكال والالوانيه

فعلا ابدعتوا واتحفتونا واصلوا لله دركم بس ماني بصفك ياثامر هههههههههه

الله يبقيك ويطول مهاليك انت والسامعين

مبدعين لله دركم واصلوا ونحن متابعون للفائده

"أبـنشدك وش فعلكم في بدر والا في حنين = يوم التقى الفرسان في الميدان بالفرسانيه

ترى العلوم تسند الريعاان وأنتم منتحين = الله يعافيكم من البلوى ولا يبلانيه

مبدع ياثامر بكل المقاييس لله درك تقبل اعجابي بما تكتب

ياالربع سعيد الليله وينه ماله حس ولارس ههههههههههههههه

ان كان تنشدنا ترانا نجعل القاسي يلين = واقفاتنا ما تنجهل ... ماعلمك عثمانيه؟

توك ولد مالك خلف ولالك سلف والله يعين = لكن انا الدكتور واعالجك يالمرضانيه

ياالربع سعيد الليله وينه ماله حس ولارس ههههههههههههههه


يقولون تهاوش مع شيباني وأكلها هوى في الحارة اللي جنبنا ههههههههههه

شمّر عن كمومك لعلك تاجد الكنز الدفين = واليا لقيته علم الهذلان والعتبانيه

كم مرةٍ قلت الله يسامحك رب العالمين = لكن تعاندني وأنا بأعطيك فرصه ثانيه

صح لساااااااااااااااانك

وبيض الله وجهك شاعر ولا فيك حيلة

وشكرا لمن شرفنا كل بإسمه