ابن هليل رجل واضع خطته للمنتدى= ليا فقد عضو من الاعضا تكدر خاطره

الله يثيبه بعمله ياجعل مايذهب سدى= عداد نو(ن) لاح براقه ويسقي ماطره

الله الله

صح لسانك ما تخلي عنك المطبات


ابن حميد حامل لهم العرب عشا غدا=حتى جنوب افريقيا الهم فيها شاطره
الله يرزقه بولد يعدي ليا منه عدا=يالله توسع له برزقه ضيق حاله فاطره

ما ني بحامل غيرهم الدين من غدر العدا= والا انت حامل هم شعرك كيف بيت الخاطره

ولدك حطه في يمينك لاضعف منك الجدى= ينفعك لامن صار طيب واله سيره عاطره

الله الله


ما أنت بوكيل الله على دينه ولا نبي هدى=مربوط يا راع الصدق بالغصب تال القاطره
خلك على ماكنت يار راع العلوم ملبدا=اكل من النعمة وقاطر من تحب تقاطره

الليل الليل


صحت الالسن والقلوب


من زمان عن المحاورات

مادام هذي نظرتك احبطت دور المرشدا= متبلد الاحساس ماانت من العقول الشاطره

مايلبد الا الثعلب المكار في وكر الردى= لكن كف الدمعه اللي من عيونك قاطره

الليل الليل قافيك الشقر


عقلي يقديني ولاني طالبٍ(ن)منك قدا=أعرف دروبي ما سلكتك يادروب مخاطره
أثرك مصيبة بالمجارير ومصيبة بالحدا=الليل توك كل راعي هجن يشعب فاطره

الله الله

حوار شاعري جزل

صحت الالسن والابدان

تقبلوا مروري

ماقلت في عقلك خلل لكن تمشي وتحدا= مايبطر النعمه يكود اهل النفوس الباطره

ياجابر الشيطان مايضحك على مثلي بدا= واللي تحدوى ياولد يصحيه منهو صاطره

شيخنا الفاضل اشكرك على اجابة الدعوه واكتساب الخبره الشعريه من شرواك الله يعطيك العافيه كما اشكر من مر على المتصفح واشاد لك تحياتي وتقديري

جاك العلم



لو قلتها ماني بسامع ما تقوله اهجدا=انا احمد الله ثابتٍ(ن)عقلي وسيرة عاطره
ياصاحبي لا تعرض عيونك لكحل المرودا=ترى العوائد كل راعي بيت يكرم خاطره

الله يسعدك يا بو فواز


سعدت بحضورك وقافك الطيب

بارك الله فيك وبكل من شرفنا بالحضور

العذر والسموحة

على ماذا ياابا حازم والله العظيم انني مستر بوجودك اثابك الله والدعوه مزوح وتسلي والعذر فالتقصير يوفي والمعزه فالقلوب دمت بحفظ الله انت ومن يسمع

الله الله الله

ياسلام على هذه المحاوره الجزله

من شعرائنا الجزلين المميزين

بيض الله وجيهكم والله امتعتونا

تقبلوا تحيتي وتقديري

صحت السنكم واصلوا و وين بقية الشعار

وين سند الفهمي وشاعر سليم وغيرهم