أسعدكم الله


الليلة ناوي أسري على المطوع




المطوع ياجماعة قام يقصر في صلاته=أربعه ثنتين والثنتين رجعها لوحده
مشتقي بالوقت والدنيا منسيته مماته=علموني وش يسوي لا قعد بالبيت وحده

صح لسانك بدعة كايفة



وين قبيلك

حياك الله يابو حازم وانا كنت في طرقه ولارجعت الا متأ خر والقابله ان احيانا الله تعالى نبدا الطاروق لك مني كل التقدير والاحترام

صح لسانك



بانتظار الرد

صح لسانك وفي انتظار ابوفواز

الله الله


صح لسانك قصر الصلاة يمكن له ما يبرره ننتظر رد قبيلك

للضروره حكمها وامامنافيه التفاته= والامام الرسمي غيابه مؤثر لونسده

الحيا متبوع وبنادم بحكم الله وفاته= والديار المدهره مالي لها شوفه ولده

حياك الله يا أبا فواز


لا تحجج من يغير كل ليلة في مباته=وش بلاه يحك فوق الصخر يامخلوق جلده
الحيا لا من تقافا طارده بالرجل فاته=ومن تعرض للكفوف تجيه طسه فوق خده

البقا ياابا حازم


الجماعه كل واحد قام يكتب في وصاته= الله اعلم ويش جاهم مير عد الصدق عده

ياجماعة خير جابر دوب مادارت رحاته= مير ابا اطحن حبه اللي خازنه من عهد جده

المعذرة عن التأخر بالرد



أحد يكتب في وصاته وأحد يقذعك بعصاته=والمطوع لن عجز عن واجبه لازم نمده
من قديم الوقت جدي حاطكم تحت عباته=ياعرب هذا الوليدة واجبٍ(ن)بطحه وجلده

ههههههههههههههههههههه هذا والله المصامخ اللي ماهو بسيط اهيه هذا هو شعر المحاوره
صحت السنتكم مبدعين

المحاوره صارت تقسيط يابو حازم ان جيت انا ماجيت انت والعكس لكن استلم


كل شاعر ياعريف المنطقه عينه مراته= مار ضلع طويق مرسي وانت ياابن الناس قده

جدك الله يرحمه روح ببره وحسناته= وانثلم سيفه لكن السيف قلي من يحده

نشكر كل من مر على المتصفح واشاد وشكر خاص لشاعرنا القدير الخال ابو مشعل

الله الله



مقادح واصلوا

الله الله

استلم وغط وبيض الله وجهك



البعير ليا هدر حاذر تقرط في لهاته=شيل حمله بالغصب والا رضا من غير عده
وسيف جدي ما إنثلم قرب وبالمسك بشباته=السلاح ليا انطلق يابن حميد ما تصده

قال المثل(يهدركحيل-و-----------------------)


كيف يهدر والبعير شعيل يبحث عن نجاته= شايل حمله موسق ثم هد الحيل هده

قاضبك في ليل اظلم قضبة الاعمى لشاته= انت ياراع المسام ابعد عن اصحاب الاشده

صحت الالسن والقلوب جميعا

محاورة قوية ورائعة

يعطيكم الف عافية

تقبل مروري

شكرا جزيلا لمن مر واشاد وشكر خاص لطارق العبيدي تقبلوا تقديري

الحقيقه اتحفتونا واثريتوا هذا القسم

باقوى المحاورات المميزه والقويه

الله يعطيكم الف عافيه

والى الامام يامبدعين

لكم التحيه والتقدير