أسعدكم الله جميعا

وجدت قصيدة من الشاعر : الشيخ فارس

موجهة لي على الرابط التالي

http://www.alqwafel.com/vb/showthread.php?t=18609

فكان هذا ردي المتواضع على عجل والمعذرة من القصور

حي الجواب وحي ذربين الايمان=ما هي غريبة من مذاخر عتيبه
الله يحييكم محبة وصفطان=الأصل ثابت ما بها من غريبه
يالعزوة اللي مجدها طول الأزمان=الطفل منهم باللقا نعتزيبه
ظفران لا من قيل ياحي ظفران=من يومهم ما يعرفون الغليبه
ورعانهم وقت اللوازيم فرسان=ما يضيع للعتبان حق وسليبه
بالساعة اللي غيرهم صار ورعان=ربعي عتيبة اهل شيمة وهيبه
ذباحة الحايل ولو غليت أثمان=لطامة العايل بوقت الحريبه
الله وهبهم عز وشموخ وإيمان=رفع مكانتهم بنزال طيبه
أرفع شرف نالوه من فضل رحمن=والحمد لله والمذاخر رهيبه
عز الخوي والجار وإكرام ضيفان=أهل النقا ما يتبعون المعيبه
مثل الشوامخ ثابته فوق سيسان=ما تشتكي من برد وإلا شبيبه
بنيان ما ينهز لا عز بنيان=ذرى الدخبل وظل ناسٍ(ن)قريبه
ماهي مجرد حكي ولحون قيفان=الفعل ثابت والشواهد عجيبه
المدح في بعض المواقيف حقران=والذم في بعض المواقف مصيبه
ياما شعلنا للمواجيب نيران=وياما طفينا نار قوم لهيبه
واليوم بعد الوقت يا صاحبي زان=بعض العرب نسي يواصل صحيبه
الكل منهم صار لاهي وبطران=مشغول فكره بالجنب والجليبه
من غرته دنياه ماهو بكسبان=والعرف يبقى للعقول النجيبه
ما فادت الدنيا لجابر بدسمان=رحل وقصره بعد عزه خريبه
إلا أنا كسبان ماني بخسران=ربعي عتيبة للصعيبة طبيبه
يامرحبا بفلان وفلان وفلان=ما أخص واحد من كهول وشبيبه
ربع وبني عمٍ(ن)وخالٍ(ن)وعمان=البيت مبني كلنا نذتريبه
الله يحييكم معارف وخلان=ومن جالنا لا من دعانا نجيبه
حي الجواب وحي ذربين الايمان=ما هي غريبة من مذاخر عتيبه

وافي يابن هليل حفظكم الله ورعاكم وبارك جهودكم ووجودكم

صحت الالسن والقلوب

وادام الله عز عتيبة وهلها

لكم اسمى الود والتقدير

صح لسانك مليون ولا يكفون



موفق

صح لسانك وبيض الله وجهك




تقبل التحية

صح لسانك وبيض الله وجهك



شاعر ما فيك حيلة

صح لسانك مليون ولا يكفون



والنعم بدون قصور بباقي الرجال والقبائل

صح لسانك مدد ماهو عدد



ابدعت وامتعت بيض الله وجهك

بيض الله وجهك



يستاهل من رحبت به


تقبل مروري والتحية

صح لسانك مليون ولا يكفون موفق

صح لسانك واعتلا شانك




وفيت وكفيت

صح السانك ياراع الاوله واكيد راع الاوله
ما يلحق الله يجملنا معك ومع الرجال شرواك