نوت (( قصائد رائعة))

القصيده الاولى للشاعر الكويتي / أحمد الخياط وأسندها لناصر الفراعنه

أزهم نوت يالفراعنه


تغطلس حاكم القطبين بين المـارد وعفريـت=حكم له شيخ له في كل قطب صـروح مبنيـه
غزاهم في ظلامٍ والسبب من ولعةٍ فـي ليـت=ركب من فوق سبعينٍ على الالفين مع ميـه
ثمان سنين ياناصر تجرع سـم مـع حلتيـت=طحن له حبةٍ زرقا بجـوف الـداب والحيـه
تغشّاه العرق بارد ولاهو حـي لاهـو ميـت=وقف له مـن تميـم الفيـن جنـيٍ وجنيـه
قراله نوتةٍ من نوت وقالت نوت ليـت وليـت=ليامنـك كشفـت ارقامهـا تقطـع بجنبـيـه
وانا من قبلها في زاد مسلم قالـط وسميـت=وقبل الـزاد فنجـالٍ قدوعـه حالـي شويـه
الا يانوت شفت الموت فوق الضلع باني بيـت=وحدر الضلع ياناصـر ثمـان الاف عفريـه
يسرحها يضويها مـع الـوادي ليـا مريـت=رفع رايه على جبال اليمـن ماهـي يمانيـه
وانا لولا جذبني نور في نورٍ ترى ما اضويـت=على وادي سماه بليل من غيمـه صحاويـه
اناظر في قدم رجلي علـى هونـي ولازليـت=ولاحت لي بيارق سود شـرقٍ مـع شماليـه
سمعت الصوت يزهمني وانا في يمته ناديـت=ورد الصوت مـن غـربٍ ونادانـي جنوبيـه
لقيت العبد الادريسـي ينـادي ياهـلا حييـت=على ضلعٍ تراجف فيـه ديّـه عقبهـا ديّـه
تلقيتـه بوجـهٍ منـه مرتـاحٍ ولا صـديـت=ولكن كل مخلوقٍ ابـه حسنـه وابـه سيـه
دخلت لمجلسٍ عامر وحاكم راعيٍ بـه هيـت=عليه الشامه السودا بـراس المتـن ماريـه
انا سويت وش سويت لو سويـت ماسويـت=وجتني نـوت بكتـابٍ عرفـت العلـم تاليّـه
على ناصر ولد فارس تراك اخطيت ثم اخطيت=الك نيه ولـه نيـه وانـا يانـوت لـي نيـه
تهلي بك ثلاث الاف لامن رحت ولامن جيـت=على جبال الجزيره للصـدى روحـاتٍ وجيـه
ولكن ناصر لحالـه يسريهـا وانـا سريّـت=ثلاث الاف عفريـتٍ علـى وضحـا عمانيـه
اسل السيف الاجرد واحسب اللي فيه كم ادميت=قلوبٍ سود في بشرة حمـاره بنـت شاميـه
ملوك الجن بالمغرب معك وترد لي لاامسيـت=تفرعّـن حاكـم الـوادي بقاصيـه ودانـيـه
تكفيت العنا ما بك قصورٍ في عنـاك اكفيـت=تعلمت الصبر من وقت قاسـي مـاش حنيّـه
تفرعن ناصر بشعره كسب له سمعةٍ مع صيت=اقولـه والكـلام لنـوت ياخـيٍ مـدح خيّـه
وواريته ثرى مـن قبلهـا تكبيـره وصليـت=بقى قبره اثر من فوق ضلـع ونـوت تحتيـه
شهدتي له وانا شاهد ولوني بامدحه ما اوفيت=ابوفارس لحـق عهـد الزناتـي والهلاليـه
تزوبع زوبعه والروس الاربع قرنها خرتيـت=جنوبيـه شمالـيـه وشرقـيـه وغربـيـه
على ميمون ماطافت علوم وفاالامور اخفيـت=جرى دمه بعرق وكبـده مـن الغـل مرويّـه
ابوديباجه ان حاشك بسـوط مشّـوكٍ غنيـت=صدى صوته وصلني لـو يجـره فالسعوديـه
شطائيلٍ مع شيخٍ كبيـرن لا وصلـك اغفيـت=ولامن مات شيخـه ماكفـاه الفيـن مرثيـه
تناسينا ولا ننسى على برقـان كـان الفيـت=تبي تضحك على العالم مـع هـاذي وهاذيـه
ملوك الجن جنّت من عقل صاحي ولا جنيّـت=وتبقى الحبه الزرقـا عـن الحسـاد مخفيّـه
نهايتها ياناصـر اسلـم وسلّـم ليـا رديـت=عرفت العلم من نـوت الرزينـه والهواويـه



يتبع رد ناصر الفراعنة

رد الشاعر / ناصر الفراعنه السبيعي
>>> ذكر مناسبة القصيده من كلامه >>>>
بسم الله
والصلاة والسلام على رسول الله
في رحلة شعرية طلب مني الشاعر الكويتي : احمد الخياط
تفسير بعض الرموز التي اردّدها دوماً كـ (اليتيمة) و (نوت) و (الإدريسي) وغيرها
في قصيدة له اسمها ( إزهم نوت يالفراعنة)
وكان هذا جوابي على استفساراته.
وما أشكل على البعض فهمه فليعتبره هذيان مني

الشاعر / ناصر الفراعنه السبيعي

( نــوت )


على قبر اليتيمه نـوت ثوبـي بالخـلا شقّيـت=ذكرت الله وشبّت في ضلوعـي حـربٍ أهليّـة
عقب وِتْر السبع والخمس والتسبيح والتسميـت=طيور الما على سلمى تغنّـي (طـاق طاقيّـة)
على باقي عرَق ساقي زجاجة كاهـنٍ شمّيـت=على قِرْنة حجاجـه نجمـة السِبْـط اليهوديّـة
على الجنب التهامي لبّسوني خرقةٍ فـي زيـت=تلالى مثل واري جمرةٍ فـي حـوض صفريّـة
على ساقة ملوكٍ من بـلاد الرافديـن أضحيـت=أركّب سنّ واقلـع سـنّ لـو مالـه ولا ليّـه
وفي ريشة جناحٍ من حمام الأخشبيـن ادويـت=امّذْرِع شان واقـرع شـنّ وآبرقـع نصيريّـة
وعلى ظهر النعامة سافروا بي سبعةٍ من هيـت=إلى أعتى شعـوب الأرض الادنيّـه والاقصيّـة
ذبحت العبد الادريسي ونِجْـل الطاغية:حِبْرِيـت=بأرض المغرب الأقصى طبخت من اللحـم نيّـة
على تابوت نوت احيا واموت افنيت مـا ابقيـت=ضربت الطار واجتاحـت عبيـد الـزار كونيّـة
على قبر اليتيمة نوت أجـدّد حسرتـي لا جيـت=وأقبّـل ضاحكـات المـوت تحتيّـة وفوقـيّـة
على شانك ينوت اعميت خطلان البشوت اعميت=أقـارع كـل ذو سِـدْنٍ وذو خِـدْنٍ وكوفـيّـة
على شانك ينوت ادميت روس الخاينين ادميـت=أسرّج مِرْج أمـرّج سِـرْج علويّـة وسفليّـة
على شانك ينوت اضرب بحدّ مْصقّـلٍ إصليـت=وكدنـا ننتهـي لـولا خيانـة عيـد الألفـيّـة
خبيثٍ من بني قومي سقاني حامـض الكبريـت=قرَت وسطه عجوزٍ من ذوي حضـرم ظفاريّـة
وبسم اللي لهول اسمه تزلزل منبـر السوفيـت=نحَرها اعلـى ظهرهـا جُبّـةٍ بالسـمّ مطليّـة
ثلاث دهور اصارع نافثات الـزرو مـا ذلّيـت=أغيّب شمس وادفن رمْـس والأصنـام مرميّـة
ثلاث ازمان أداقش مسرجات الجانّ في تكريـت=ثلاث ازمان تمْرخ لي ملـوك الجـانّ رجليّـة
ثلاث سنين اعافـر نافخـات الطيـن ماولّيـت=ثـلاث سنيـن أكفّـن قاريـات التيـن بيديّـه
وثلاث شهور ألاعي نازلات الطور مـا ملّيـت=اجاوب جنب خيمـة ضاربـات الطنـب طبليّـة
وثلاث ايّام تنعاني سرايـا يـام ليـن اصغيـت=أقدّم كوع اوخّـر كـوع يـا بيّـي ويـا بيّـه
لذي الفيروز سادن معبـد النيـروز مـا لبّيـت=لغير الواحـد المعبـود مـا أبديـت مـا فيّـه
بوادي برْك طارت بي حراير تُرْك يـوم امسيـت=أعاشر ليـل عاشـر كـل ذي حمـراً نميريّـة
طباين سبْك تدبْك دبّك ساع اقبلت سـاع اقفيـت=لسرْدٍ شرْد جـرْد مـرْد اصيّـح كـل قيسيّـة
ببطن القِرْش اعشّي حايمات العـرش ماغدّيـت=وحرْش الطرْش اورّدها قليب الهرش عصريّـة
بوجه الحوت جلّ اللي خلقنـي ضيغـمٌ صنتيـت=هِزَبْرٍ ما تحـرّك منـه ساكـن ألـف سكنيّـة
ورب البيت ما خلّيت منهـم بيـت مـا هدّيـت=أهـدّم دور وابـنـي دور والآيــات متلـيّـة
هل المزمار عبّـادة لسـان النـار والباكيـت=بني الإفْرَنْج قومٌ مـن فـروج الزنْـج مبليّـة
بكى سابور ذو الأكتاف في قصر الملك بلْهيـت=على نَيْكـل سقيفـة عابـد الهيكـل ضحاويّـة
تغطرس بِطرس النقرس وجينا له على التوقيـت=من ارض الفرس وارض الروم جبنا القوم منهيّة
بعمّا والنبا والخمس من سـورة سبـأ شدّيـت=بقوّة مـا تواتـر فـي الليـال العشْـر مكيّـة
أقمنا دولـة الأيتـام مـن حِلّـي إلـى حِلّيـت=وآخـر عهدنـا مـا أورَدَتْ ليلـى الأخيلـيّـة
وانا ما هاضني فيما على بيض الورَق خطّيـت=شجـاعٍ لقّبـوه :أحمد.ولـه شلفـا وشبريّـة
أعرف أحمد إلى جاء جاء وانا لا شلت ما حطّيت=تحامينا علـى وضـح النقـا والأرض محميّـة


يتبع مجاراة فهد اليامي

مجاراة للشاعر الفراعنه رد عليه فهد فريك اليامي بهذه القصيده:-
فهد فريك الصقور اليامي ( شاعر النجمة السداسية والزئبق الازرق)

مع مراعاة بعض الابيات باللغه العبريه !! والعربيه الفصحى!!


( النجمة السداسية والزئبق الازرق )

بوجـه الله وأنـواره زبرجـد خاتمـي سمـيـت=على درب(ن) بـه الآثـام لـه الأطـوار ملويـه
ببرج إمن البحر حوت(ن) وطالع قوس أنا قد جيت=بسلمـى هوبـر وهوجـل طوالقهـا سمـاويـه
بقبر بحضرموت وسدره(ن) دمهـا كمـا الكبريـت=سواده فـي حمـاره فـي زراقـه نـار مصليـه
بعلم إمن الصحن هاروت وشيوخ(ن) لها جمشيـت=عقايقهـا ذماريـه بطـوق أهــرام مصـريـه
من إقصور الصحاري في جنوب الخاليـه بلهيـت=من المغرب من الساق الغرابـي جـات مرضيـه
من السدره من البلقاء من الدلهي مـن أم بشيـت=من المشرق من الغردق فحيـح الجـن وحشيـه
من إقصور آل سلمى من جزر قلزم بحور الميـت=من إدروب إبـن خـدام الرمـاح بمـاس مبريـه
من الوادي بنأ مـن وادي السـردد مـن البلقيـت=من المارب من الزرقاء مـن إسلـوس التهاميـه
من الفيلق من الشرشق ومن شوذ(ن) ومن تصنيت=من أبناء الصلاطـم مـن هبيـد إبـن اليهوديـه
من إستبرق من الخندق رعوم ومن خيـام الخيـت=من السفاح إبن رقراق مـن أحـزاب المجوسيـه
سلام الله وأمـان العقـل بأنـواره مـع التوقيـت=بإنجيـلـه وتـوراتـه وفـرقـان الـزبـوريـه
أمـان إمبردخـا توشـا هشيـك الله والتشتـيـت=بـزردا هردقيـل إيمـان شـاكـو دو الإلهـيـه
أولوا هاتي بدريـا جنقـل إستـارا جهـو درنيـت=سمندر داتشـي سانـب شترمـرغ إنصولوغيـه
بهـارا أونـت ريقستـان دارا نـي نهـي قنديـت=بهـو تـاره جهـودري نـرش نرمينـا بـداريـه
بجرنص ماهتاكـوا جلدشيـر الجنجنـق كمتيـت=قدومـا رنفديـن أنجـي مـن اللهجـات عبريـه
سرت روحي معا برق(ن) تلالا بالسماء وإحييـت=على ظهـر الظليـم إللـي هقـل بديـار روميـه
خطامه من جديل أشمط وله مرخي ولا قـد ريـت=مثل ذاك الـذي الأرضيـن تحتـه جـات مطويـه
صحبني مسحل السكران إبن جنـدل ولـه حييـت=ومدرك إبن واغـم مـن شيـوخ الجـن الأزديـه
ولافـظ إبـن لاحـظ بالنظـر لـدد ولـه لديـت=وهـاذر إبـن ماهـر مزمـر إلسـان الهلاليـه
بحـق الله وبوجـه بحـق أوجيـه أهـل البيـت=قتلـت إمـن الهياكـل سبعـه وسبعيـن مبنيـه
من إللي حبها فيني كمـا نـار(ن) عليهـا زيـت=مـن الـوادي لجـب تنعـا وعزوتهـا بيامـيـه
من إللـي تشلـع بقلبـي لهـا لاينبغـي التثبيـت=عطيبـات الشلـوع بكيـه(ن) مـن فوقهـا كيـه
من إللي بالألف واللام ميـم وصـاد أنـا فزيـت=من إللي سـورة الأعـراف فـي هلهـا ثبوتيـه
ثلاثيـن الليالـي لحقهـا عشـر(ن) إذا عـديـت=عددهـا بإثنتـي عشـره بأسـبـاط العبـوديـه
دعاء موسى دعاء هارون يامـن للهدى صديـت=بـأن الـرب واحـد وأرسـل الطوفـان بعثـيـه
جهنم والحطب ناس(ن) تمنـى ليـت ثـم ياليـت=إليـن إنـه يلـج ذاك الجمـل سـم الخياطـيـه
طرائق في قـدد ذيـا بهـا حـي(ن) وذيـا ميـت=وقـد كانـوا لبـد متراكمـه وآيــات متلـيـه
يصيح إمن النمل صايح ومن هدهد ومن عفريـت=ومن صرح(ن) ممرد مـن قواريـر(ن) زجاجيـه
شربت إمن اللبن قدحان سبعـه بالظمـأ وإرويـت=من إللي قرها مثل الحـدج مـن فيـض رمليـه
وأخذت من النظر عين اليمامه صايب(ن) ماأخطيت=مثل نقش الحروف إللي علـى صمـان صخريـه
ومن شوك السلم نجني عناقيـد العنـب شكليـت=ومـن داء السمـوم إجلودنـا بالزيـت محمـيـه
رجمت إللي شياطين(ن) بلا رؤس(ن) ولين أعميت=قوافـل وسمهـا الحيـه بكـرعـان الصليبـيـه
تلاحقني عصـاء بقعـاء وجـرة ساقهـا جريـت=إليـن إنـي قريـت آيـه بهـا الأرواح مكفـيـه
وريت إللي عصاه إعظام جـده يـوم بـه مريـت=جنـت الأبنـاء ذنـب أبآءهـا سبعيـن مسنيـه
ويوم إني لعجت الصـوت خـرت لـي ولا خريـت=مداغيـش الرمـاح إللـي لفعـل الخيـر منهيـه
وجيت الكاهن إللي بالعمـر عمـرد ولـه سريـت=إللى أين الاسود تمـت ودار(ن) منـك منسيـه??
ألا إما وكم قرن(ن) تصارع بـك وكـم أرديـت??=وأي الفـلـك تسبحـهـا وأي أدوار مرعـيـه??
وعمر(ن) أنت تحمله ينـادي شيبـه التصويـت!!=إلـى أيـن ومتـى هـل كيـف نبـدأ الإنتهائيـه
فقال: إن كربلاء بيشل جنته قبور فـي تكريـت!!=وتوحيـد الإلوهيـه لـه أسـمـاء وربوبـيـه!!
فقلت: إلا رعـاك الله أخبرنـي عـن الحلتيـت??=فخـر يبـكـي بالـدمـوع إلـلـي كبوتـيـه!!
فصاحت والرمـاح بهـا بقيـد الحـزن والتكفيـت=بعكفـان الضلـوع إللـي بهـا قطفيـن مثنـيـه
ولينه يابري حالي من إللـي شفـت بـه حنيـت=كـلاء أبنـاءه السبعـه وعـاش بـدون ذريــه
بكاء الميلق تخاريص الثيـاب إللـي لهـا رديـت=علـى رؤس الغراميلـي بتابـوت الجحـوديـه!!
مليت المجندة بسهوم برق(ن) بالنضـاء وأغليـت=بجاثوم(ن) على جلحـوف سـدر وريـف مرويـه
وشفت إللي بكاء قافه رمانـي بالنظـر وأخطيـت=على كبد الغـراب إيصـوم يـوم بليـل شهريـه
تدق الطـار والمزمـار صيـرف دندنـه جريـت=على بنـت السليـل الجرهمـي الأعمـال بالنيـه
وأنا أدري من بناء تدمر صفاح ومن عمد وإلقيـت=قبيله مذهـب بتسعـه عـروج الـذود حوشيـه!!
وقالوا: جللت من حوشنـا ببكاركـم فـي عيـت=إبل من عسجدي وإبـل(ن) بعيـدي ثـم عمانيـه
وقال: إللي ظلم: طاعون عمواس الذي قـد فيـت=رماح الجـن شنـت حـرب بالمسمـوم مسقيـه
غسق ليلـي وأعنـان الشياطيـن التـي قزيـت=من أعطان الإبل فإحذر صلاة أعطـان الأرضيـه!!
وموج(ن) والزبد الأسود جزر موجه وأنـا مديـت=ولينـه تنكويـر أعظـم ملـوك الجـن هنـديـه
فقلت: أعطي جواب(ن) صادق(ن) فينا إذا رديـت!!=من أعظم جـن والوجهـات بالتحديـد شاميـه??
فقال: إنه يسمـى دركـازاب الشـام ماسميـت!!=تسمى مـن طلاسـم كاهنـة الإغريـق طوكيـه
هي إللـي حسبتهـا بالمنـادل والنجـم وإغبيـت=ومنهـا صـار جبروتـه مشاذيـب الدمشقـيـه
ومن أعوانه الشنقناق بـن عملـوق ذو الجرنيـت=يليـه الشيصبـان إللـي عميـق بـروج مائيـه
فقلت: أجسادكم: جاوب من النار السمـوم إحميـت=خلقنا مارج(ن) مـن نـار ودار الإنـس مغويـه
وتدعيني عجوز(ن) من يريـم وجيتهـا وإسهيـت=مـن إللـي عينهـا فـي راس نهديهـا حقيقيـه
فقلت: أعوذ بالله منش قالت: ويش بـك سويـت??=تعـوذ خلقنـا ولا مــن الأعـمـار الألفـيـه!!
حن إللي بالعمر الألفـي طغينـا يافهـد وإغويـت=قبايل حن سعالـي حـن قطاريـب(ن) وغوليـه!!
وإنسـان(ن) فجنيـه فأتـراب(ن) بهـا صبـيـت=فعملـوق(ن) تسمـى مـن نتيجـة الإختلاطـيـه
وجاني شايب(ن) يرغي ويوم إنه رغـى فأوحيـت=شماريخ القصيـد إللـي علـى عرجـون برنيـه
وشيطان الرقي شعر(ن) يجارينـي ولـه جاريـت=بـوادي عبقـر المنطـوق بالمجمـول شعـريـه
كمـا جهنـام والخطـار والطيـع فـلا حاكيـت!!=تفاصيل الجواب إللـي بلاغـه صـرف نحويـه!!
وهي نجمه سداسيه عطونـي علمهـا وأحصيـت=رموز الكون في علـم الفلـك ماقبـل الإنسيـه??
ودلوني على الشيخ الجليـل أولـه ظليـم أهديـت=علـى قمـة جبـال السرنديـب العلـم مـاريـه
فعلمني من المقعد من الحاسر وقـال أصغيـت??=وعلمنـي مـن الأعمـى وقلعـة الأندولوسيـه!!
وعلمني من الشاقي مـن الأشقـى وقـد أشقيـت=وعلمنـي عـن السـد العظـيـم الإحتوائـيـه!!
وعلمنـي عـن الإمـلاء عـن الأمـال مامليـت=وعلمني عـن السبـع العقـول إللـي رئيسيـه!!
وعلمني عن أضرار الضرر والمستضر إحضيـت!!=وعلمني عن الضـراء وعـروض الضروريـه!!
وعلمني عن الهرمس وعقد الصلح ليـن إقويـت=مابيـن الإنـس هـم والجـن والأحقـاد كفريـه
وكان المشكله نمرود بـن جبـار يـوم أرسيـت=بدلو المـاء مجانيـق الحجـج بالحـق مقضيـه
وإضطر بن مايان بـن كيـوان وغـرور الهيـت=ردعها علم آصف: في غضون إغضاض طرفيـه!!
وقال: إن الحكيم إسمه يسمـى بيرسـات إعليـت=ملقـب شـاه مـردان العلـم بـآيـات قدسـيـه
وداره مملكه مردان فـي البحـر الخضـر زليـت=جزيـره وإسمهـا صاغـون خـط الإستوائيـه!!
وريـت البختـري نبتـه زماليـق(ن) ولا عديـت=نجوم(ن) تلتطم عرض السماء شظـف وعموديـه
فألا رد البراء يإللـي تعاكـس وجهتـي وأشفيـت=دوانيـق الخشـب والمـوج يلطمهـا شمالـيـه
وجيت إللي على برخـوص هايـل دعوتـه لبيـت=يـدق إمـن الثنـادي دقـه المكسـور قهـريـه
وجـر البيشنـه جـره قتيـل(ن) منهـا ضجيـت=كمـا جـر الـزراف إسلالهـا وطعـون جنبيـه
وقال: الفارعـه والهرمـزان أقفـوا ولا ماليـت=بشابور(ن) وإبن سابـور وقتـل الحـر عمديـه!!
وأنا إللي حالف(ن) والثار يقضـى كاننـي لاقيـت=جيوش(ن) عيشها فينـي بوجهـي عـار مطليـه
فقلت: إصبر وذي الدنيا تدارج بالرحاء وإرحيـت!!=ومطحون الحزن تنسف هبـوب الريـح فوقيـه!!
فقال: البندريه فـي طـرف جـدي ولـه داريـت=وقلـت: الدايـم الله والحيـاء فـتـره زمانـيـه
فقال: البئس للدنيـا وحـال(ن) فيـه قـد أفنيـت=بمـا فيـه إختلافـات الزمـانـات المكانـيـه!!
وقد كنا بعلم(ن) في السماء ندري ببعض الويـت!!=ونعطيهـا بنـو الإنسـان والقـربـان سحـريـه
فسحق(ن) معشر الإنسان من إللي بي بلاء وإبليت=كسحـق الزئبـق الأزرق لجبـروت المجنـيـه!!
فقلت: إنا بني همـدان لا تجهـل فقـد وافيـت??=سيـوف(ن) ترفـع الحجـه وتثبتهـا أكيـديـه!!
تجاهلنا وحن نجـم(ن) تراقـي بـه وإذا راقيـت=فلا ترقـى وإذا ترقـى فراقـي الشهـب رصديـه
نصيحه خل روحك جاثمه وإنسـى وإذا سجيـت??=فدور(ن) ينتهـي وقتـه وصبـر(ن) لا إتكاليـه!!
وعلـم الله والرحمـه لا تحصـى وإذا أحصـيـت=فأنـت الجاهـل إللـي زاد عقلـه كـم جهليـه!!
تقول: إن الشديد الله وأقول: إيـوه معـك ماشيـت=وأقول: إنه لـك أقـرب مـن لبـن الأم الحنونيـه
فخـل الله نصـب العيـن وزبـدة ماأنـا نصيـت=إلاهـي لاتكلنـي نفـسـي الـضـراء لحظـيـه
وجيت إللي على جابوح سيناء بالجـدى وأجديـت=وحتـى إنـي وصلتـه دون مركوبـي برجلـيـه
فقال: إتشوف ذا الجرجوب في قاعي وأنـا شكيـت=بـأن الشـق فـوق الأرض يعنينـي خصوصيـه
فقلت: البيت طين وتنقله وأبطاء معـك وأبطيـت!!=تجمرش وأنصدع والقاع فـي شـره عموميـه!!
فقـال: إلا صدقـت بعلـم طوقتـه وبـه كميـت=تجاوب حسبمـا منهـج علومـات الجيولوجيـه!!
فقال: الفيض في وادي سماوه عن أبـي قصيـت!!=وفاضـت بـه بحيـره سـاوه إبمـدات موجيـه
وليلن(ن) وإخمدت به نار فـارس مالهـا طفيـت=ورؤيا الموبذان إبـلا(ن) صعـاب وخيـل دجليـه
وكان الإرتجاس إللي رجـس الإيـوان ماراويـت=نزول الحق فـي رؤيـا ملـك ساسـان كليـه??
وكان الإرتجاس إللي رجـس الإيـوان ماراويـت=نزول الحق فـي رؤيـا ملـك ساسـان كليـه??
وألا ياجبل قزويـن علـم(ن) بـه عليـك إفتيـت=تذلل ياجبـل وإخضـع مسيـرة جيـش كوفيـه??
تذكر معركه صفين والحـرب الضـروس الصيـت=ورايـات الجمـوح إللـي تـرفـرف بالعقيـديـه
وقمت أجري على البيداء تعبت من الجري وإحميت=وصيحات القبور ألعـن علـي مـن طلـق ليبيـه
ولين إني على الحد الجنوبي طايـح(ن) وإغشيـت=مـن جيـوش(ن) عمايمهـا تخاضرهـا يمانيـه
وقال: إللي معي قص الخطاء بعـدي ولا حسيـت=تشوف الجيوش إللي تغطـي الشمـس حربيـه??
ثمان إميـه ثمـان إميـه يملينـي بهـا وإمليـت=وضربهـا علـى ألـف ألـف وتدبلهـا جماعيـه
يجيك من العدد جيش(ن) تباهـا باللـواء وإبهيـت=وهو ذا جيش مـن قـاده مـن الأنسـاب مهديـه
على دار(ن) عبقها بالنسـم فرضـي وإذا صليـت=تخـر ودمعتـي الأخـدود تمسحهـا الحصينـيـه
وألا لله درك ياقصـيـد(ن) بالحـشـاء كنـيـت=يسابقنـي علـى خـط القلـم ويجيـك تحتيـه!!
وألا أدري هل خطيت الوقت ولا هو خطاء وأقديت??=ولا أدري عقلـي الأمـي أو الدمعـات الأميـه??
وحبري هو المحيط الأطلسي يـوم إننـي داويـت=بريشـة طيـري الطـاؤوس الأقـلام العنيـديـه
وطرسي من جلود(ن) بالقرض تدبـغ وإذا خطيـت=فعقلـي فيلسـوف وفكرتـي دبـلـوم نفسـيـه
وشعـري جامعـة وبهـا تلاميـذ القلـم لفيـت=وقولـي منهـج التعليـم وفصـول(ن) دراسيـه
حياتي والممات بذا الزمـن شينـي بهـا ساويـت=ولا زد همنـي فرصـه أخـيـره أو مصيـريـه
وليلي لندلج جريـت صوتـي بـه وليـن أبكيـت=طواهيـش الغـداري والوحـش والبـوم والحيـه
وأدرقـل لاحنـي محـزون وأجـره وإذا جريـت=كسوا الألحـان كلمـات(ن) عظيمـه وإرتجاليـه
تعلمنـي وأعلمهـا تسامرنـي وإذا خصـيـت??=سؤالـي جاوبـت: مـادل فـي صيغـه بلاغيـه
تزعلنـي وأزعلهـا وترضيـنـي وإذا راضـيـت=بكت لي وأستبـاح الفـرع بالوجهـات الأصليـه
وهي ثنتين: وحـده تضحيـه وأخـرى إذا شليـت=فهي صيب ونصيب وحسرتـي بالجـاش جوفيـه
صدى صيحاتها قلبـي وأنـا فـي بيرهـا دليـت=وألا ويلاه ياقصه زمـان(ن) جيـت فـي طيـه!!
وهي مثل الكفن للميت يـوم إنـي لهـا حبيـت??=وأنـا مثـل السجيـن لحبهـا والحلـم حـريـه


هكذا جنون الشعر وإلا فلا

يالله لا تبلانا


ساعة وانا اقرأ بهذه القصائد


معهم جن تعلمهم

مشكور اخوي


هذي معلقات مو بقصائد


تقبل التحية

مشكور



قصائد عمالقة



تقبل التحية