قصيدة من القصائد الخالدة للشاعر فيصل الرياحي رحمه الله



ابتديـت بذكـر مـولاي خيـر المبـتـدا=مـن يرانـا حيـث كنـا وحنـا مانـراه
كـل مافالكـون كلـه يبـا يذهـب سـدا=غير من في قدرته كـون الكـون وبنـاه
والكـلام اللـي نقولـه خسـاره ماعـدا=كلمة فـي الحـق يلفـت اليهـا الأنتبـاه
حام في رأسي هواجيـس وأرقتنـي شـدا=والسحاب المرتفع طوحت بـي مـن وراه
كني أسمع فالسماء السابعه صـوت ونـدا=والسماء الدنيا تردد على سمعـي صـداه
الخيال يروح بي فـي مـداه أبعـد مـدا=كني مسافر من أرض الله أعانـق سمـاه
تشتعـل جـذوة خيالـي وبالكـاد تـهـدا=حين تستمطرويمطر عليهـا الشعـر مـاه
حنـا للشعـر الحقيقـي مراجـع وسيـدا=فـي مجالسنـا يفاخـر ومرفـوع لـواه
وكـل ربعـي فالمحاضرشيـوخ وعقـدا=ليا هـدر هـدار الأيـام خضـاض اللهاه
وأنـا معهـم ماتهيـب مياديـن الـفـدا=من عتيق ومن مهل حافظ ذيـك الوصـاه
كم عديـت بصلـدم عسـر مافيـه معـدا=أعسفه وأشق به درب وأقضقض حصـاه
وأدري الدنيـا يسمونهـا قـلـع مـحـدا=كل ماعديـت ضلـع زمـى ضلـع وراه
الحيـاه معانـديـه ومقطـوعـة جــدا=حبهـا ماينتجمـع لـيـا دارت رحــاه
عـادة الدنيـا تقلـب خطـاء ولا قــدا=منهو اللي خذ عن ذنوبهـا صـك البـراه
والبشـر لاشـك فيهـم حزانـا وسعـدا=تمشي خطاهم على الأرض في كل اتجـاه
والحضيض اللي يجنب عن دروب الـردا=لو زمانـه يمخشـه بالمخالـب ويحـداه
أهل الخير عضدا وأهـل الشـر عضـدا=كل شبـه مـع شبيهـه وياطـا ماوطـاه
يامسافـات البنـادق ليـا طـال الـمـدا=كان ماجبنا الهدف ماعلـى الدنيـا طـراه
لايـزال الجـو صافـي وشوفـي ماغـدا=بين شارات على البعـد عافوهـا الرمـاه
أعشق العسرات وأبـذل لهـا كـل جهـدا=وأترك الهيـن يعـود عليـه اللـي يبـاه
ولابتي قـوم عـوارف وبالـرأي رشـدا=مجدهم في عيني أكبر من جبـال السـراه
اليا تعزوى بأخته أبـن الذليـل الريعـدا=أتعـزوى بالرجـال الصناديـد الـدهـاه
وأستشير الطيب اللي على أسـراري بـدا=مايخيب اللي خذ أشوار ربعـه وأصدقـاه
الصديـق اللـي برايـه وشـوره يقتـدا=يوم بعض الأصدقاء قلب عنز وعين شـاه
قلـت يالمريـخ يالمشتـري قالـو فــدا=والقمـر نـور طريقـي وناسبنـي سنـاه
مير أنا محتار فـي لايـح جالـه صـدا=فيه رجع الصوت لاقلت هاه يقـول هـاه
غلطتي جيت الكـداد ولقيـت بـه الكـدا=أخرط أشواكه وأدور بـه أكسيـر الحيـاه
هكـذا مديـت حبـل الحبـال الــوردا=وأكتشفت أن الشتا عصره أطول من ضحاه
ان ربطنا الحبـل قالـت مشاعرنـا بـد=وان قطعنا الحبل صكت جباه فـي جبـاه
وأصبحت في المجلس الأحمـدي والمنتـدا=ناحـرت للكـذب والصـدق لقاهـا قفـاه
وعلقوهـا فـي رقـاب النعـام الشـردا=كنها بيـض الصعـو يذكـر ولحـد لقـاه
والدهـر فيـه الخيانـه وحـب الأعتـدا=مثل حب السيطـره فالطواغيـت الطغـاه
والقضايـا حبلـهـا ممـسـد ماتنـسـدا=وأمرها متروك للمعتلـي قـاض القضـاه
كل مـا صبـح تجلـى ومـا ليـل هـدا=أرجي اللي من ترجـاه مايقطـع رجـاه
وأعرف الأبيض من الأحمـرا والأسـودا=وأتصرف مـع فقـارا زمانـي وأغنيـاه
وأعرف الطيب وأعرف الرخوم الحسـدا=وأعرف اللي لانخيتـه تعصينـي عصـاه
وأتوجه صـوب وجـهٍ ليـا جيتـه نـدا=ما توجه صوب وجه صفـاة مـن صفـاه
همنـا ماهـوب هـم العشـاء ولا الغـدا=همنـا مـن هـم وقـت كفانـا الله بـلاه
في صراع الخير والشر كـم راح شهـدا=والمدن مركز فتن شيبـت روس الدعـاه
ليتنـي فالبـر كـان أبركالـي وأسعـدا=فالبراري سلوة الـروح وحبـال النجـاه
أنتقل بالبيت مـن صيهـدا فـي صيهـدا=وأتمتـع بالعصيـري ليـا ذعـذع هـواه
ابـدويـا يتـبـع البـارقـات الـرعـدا=كل ماطاح المطر سج رجلـه فـي ثـراه
مارقد خلـف الستايـر وبـاب موصـدا=الفراش الرمـل والقبـه الزرقـاء غطـاه
القصور البيـض للنـاس سجـن موبـدا=ليه سموها القصور اسمها قبـور الحيـاه
عزتـي للعالـم أهـل القلـوب البـلـدا=فالبلد مثـل الدواجـن ماتركبهـا الزكـاه
ذا كلام الشاعر اللي علـى المعنـى بـدا=مايجامل فـي كلامـه هـذاك ولا هـذاه
فيـه نصـح وفيـه نقـد وكـلام موكـدا=يفهمه من يفهمـه والعمـاوي فـي عمـاه
ماني ناطور على من عصى ومن أهتـدى=يا بشر كـل يـذب الطريـق اللـي يبـاه
ماعلـى الدنياحسايـف ولـو كـلٍ عـدا=ليت رأس المال مصحف وسجادة صـلاه
واختتمناهـا بذكـر العظـيـم الأوحــدا=ربنـا جـل وعـلا مالنـا رب ســواه
يامصلي صـل علـى الرسـول محمـدا=شافع الأمـه ليـا صفـوا حفـاة عـراه

صدق انها مدوخة




شكرا لك

رحم الله الرياحي




مشكور على النقل

رحم الله الرياحي



صحيح انها مدوخة ولكنها رائعة

صح لسانك



والله يرحم الشاعر ويغفر له

الله يرحمه



صحيح انها مدوخة

رحمة الله

قصيدة من قصائدة الرائعة ..

و يعطيك العافية

جد قصيدو مدوخة



طويلة هذي معلقة