هذي مجاراه بيني وبين الشاعر:فهد بن مقبل بن ثعلي العضياني

ويقول فيها.



انا يالقبوري والله اني طويل شبوح
==========امد النظر قدام والنيه النيه
امد النظر واخايل البرق يوم يلوح
==========وانا هاجسي يشعاه تسعين جنيه
حلالاه يا مسراً يقرب وليف الروح
==========يقرب وليفٍ ماسكن فـالسعوديه
وليف يداوي علة الهايم المجروح
==========يداوي محبٍ بيح الحب خافيه
محبٍِ يبا قربه وشوفه بدون اشحوح
==========يضمه على صدره ونار الغلا حيه
وعطر المحبه بين بيض القلوب يفوح
==========ولا تسمع الا كله هرجه بحنيه
هذي والله اللي عقبها خاطري مشروح
==========والاوضاع تصبح كلها ميه الميه
والاياحمام الورق ياللي تجر النوح
==========تجره طرب ولا تجره لاعانيه
اليا قمت تعزف صوتك الهادي المبحوح
==========تحرك همومٍِ داخل القلب منسيه
ابي ان كان تم الوصل من خلي المملوح
==========تغني وتزعج باللحون الغراميه
ولن كان ماتمم وزاد الجروح جروح
==========تجر اللحن وتجر فالقلب مرثيه

وهذي مجاراتي لــه


الا يالعضياني زمنا عيونه لوح
==========له اسنين شاين يلحق الكيه الكيه
وانا مثلك اشكي من فراق الغضي وانوح
==========واغني عسى عقب البطا تقرب الجيه
فراقه على حالي مبين بكل وضوح
==========والانظار ترقب جيته كل عصريه
ترا يالغضي مالك ورا كيتي مصلوح
==========ولالك مصاليح على الصد موليه
والا ياحمام جر الالحان فوق الدوح
==========لحونك تنزل دمعتي فوق خديه
اليا قمت ترثي فالعضياني المجروح
==========اسايلك بالله جر مرثيته فيه


وسلامتكم,,

الله الله


صح لسانك ولسانه


صوت وصدى

صحت الالسن والقوب




ابداع من الشاعرين

رائع




صوت وصدى متجانس


صحت الالسن والقلوب

صح لسانك مدد




ابعت لا هنت



تقبل اعجابي

صح لسانك مليون ولا يكفون




ابداع شاعري

الجميع صحت ارواحكم وابدانكم


ولاخــلا و لاعـــدم

صحت السنكم




صوت وصدى



تقبل مروري

قوي البخت

صح كلك

ولاخلا ولاعدم