عسى السحاب اللّي عصير مراديف=• اشوفها في مشرق الشمس عني

• لماي برقه مثل لمي الخطاطيف=• لكن مااسمع صوت رعده يدني

• يسقيك يا ذيك الجبال المشاريف=• الّي هواها يبري الوجد مني

• ويسوقها الرحمن لأرض المراغيف=• لين الحيا في نجــد يصبح مثنــي

• هذيك صعبات وهذى مواليف=• وهذيك ترزم والحوير يحني

• وهذيك خلفات ترازم معاطيف=• حلاّبهن في شدته ما يوني

• ليا اقبلن بالعصر مثل الصفاصيف=• يجلن هما بالحشا مستكني

• وان عسمن يجي لهن زفازيف=• ظلت قدور العطف غيظ وتثني

• دارت زباد الخير فوق المعاريف=• ظلى الزبد فوق الزبادي مبني

• وصوت النجر جاله عويل وغطاريف=• كسر سكون الليل ما يرجهني

• والضو شب يماحشونه طفاطيف=• والكيف مخلوط(ن) بهيل وبني

• ودارت علوم مصرفات تصاريف=• شي أستمعه وشي مذكور مني

• بالديره الّي تكرم الجار والضيف=• أهل الشريعة مذهب القوم سني

• ذباحة الأكباش حمالة السيف=• حماية الاوطان من كل جني

• ما جالهم بالغي والله تصانيف=• علم وكاد ما تخيله ظني

• ولا حرفوا بالدين اقل تحريف=• ولا غيروا بالخلق مقدار بني

• الله يحمى ديرتي من الصواريف=• ويعزها بالحق ماني متجني

• ويبعد الانذال قوم ملاقيف=• أهل الردا من كل مذهب يدني

• رديت من بالي لبالي محاريف=• بالقاهرة وأنا لحالي أغني

• ويا علها راقت لغيري التواصيف=• والا أنا ماني غشيم بفني

• أقلب الهوجاس مابه تحاسيف=• الا الخواطر جات وابها ارني

• بالقاهرة ما احتاج عمدة وتعريف=• معي جوازي وكل مصري يهني

• عسى السحاب الّلي عصير مراديف=• اشوفها في مشرق الشمس عني

• تسقيك يا ذيك الجبال المشاريف=• اللّي هواها يبري الوجد مني

• لماي برقه مثل لمي الخطاطيف
• لكن مااسمع صوت رعده يدني

قصيدة جميلة فيها صور شعرية ممتازة

لك

تحيااااااااااااااااااااااتي

صح السانك والله يعطيك الف عافية على القصيدة الجميلة



تــــــقـــــ مرووووووووووووووووري ــــــبــــــل



صقـر عتيبـة

مشكور على هذه الرائعة

دائما تفأجئنا بالقصائد الاصيلة

لك

تحياااااااااتي

صح لسانك وعلا شأنك

راااااااااائعة

لك

تحياااااااااااااااتي

صح لسانك وطوّل الله في عمرك


دائماً


ابداع × ابداع

http://www.l6l6.net//uploads/596752b141.gif (http://www.l6l6.net//)


تحياااااااااتي لك

صح الله الساااانك وبيض الله وجهك

لك خالص التحية

صح لسانك

ما قصرت بيض الله وجهك

لك

تحيتي

الف شكر لكم جميعا

ردكم اسعدني

لكم تحيتي

صح لسانك قصيدة جزلة بيض الله وجهك

صح لسانك جزلة من شاعر جزل بيض الله وجهك

صح لسانك وافية وجزلة قصيدة اصيلة