أسعدكم الله جميعا

لي صديق عزيز جدا علي اتصل بي قبل فترة وقال بنجيكم فرحبت به

وطلبت منه ابلاغي عند وصوله فقال إن شاء الله

ولكن الأخ جاء وقضا لزومه ورجع ما اعطاني خبر

ثم اتصل بي يقول وين ضيفتنا جينا وما شفناكم

فكانت هذه الأبيات

للعلم بلغته بها قبل طرحها بين ايديكم

وأنتظر رده



ياللي تطالبيني بحق الضيافه=وأنته بعد ما زرتني في محلي
لن جئتني أبشر ولا من كلافه=أول مواجيبك برحب وأهلي
ثلاثه أيامٍ(ن)بليا حسافه=حقك على راع المحل ما يملي
تبشر بعزٍ(ن)قبل ماحي شافه=طيب وكرم وفراش في جوف ظلي
ماني من اللي لن بدا في ضعافه=ولاني من اللي عن لزومه يذلي
وإن كان مطلوبك مشلا لقافه=راع اللقافه عن نحانا يولي
ترى الحقيقة تختلف عن خرافه=الصدق ينجي والتكيذب يعلي
السيف ساطي لو يعاب بنحافه=والضيف أميرٍ(ن)لين حقه يزلي
ما يلحقه جوف المحل من خلافه=وفوقه حقوقٍ(ن)للمحل والمهلي
أنقد علومه مثل نقد الصرافه=أخذ جميل العلم والشين أخلي
ماني بشيخٍ(ن)ينقصه ما يعافه=النجم يبقا نجم فوق متعلي
ولاني بمن يمشي وعينه خلافه=اليا لزمت الدرب بمشيه كلي
ليا صار دربي عدل ليش إنحرافه=من تاه بدروب الهقاوي يظلي
الجد جد ولو دخل به طرافه=قلبي نظيف ولا دخل فيه غلي
ما يدخل بقلبي هجوس وخيافه=إلا لربي وأشكره ثم أصلي
يالله ياربي عليك الريافه=تغفر لي الزلات جد وتسلي

مصافحة اولى لهذه الدرة



صح لسانك يا راع الجزلة



تقبل التحية

ثلاثـه أيامٍ(ن)بلـيـا حسـافـه
حقك على راع المحل مـا يملـي

صح لسانك للرضا

قانون ضيافة اصيل

صح لسانك مدد



وفيت وكفيت بيض الله وجهك

صــــح لسانك يـ بن هليل ..

صح لسانك مدد ماهو عدد




ابدعت لله درك

صح لسانك واعتلا شانك



ابدعت لا هنت



تقبل التحية

صح لسانك


والنعم باهل الكرم والضيافة

صح لسانك واعتلا شانك



وفيت وكفيت لله درك

صح لسانك مليون ولا يكفون ابداع شاعر يعطيك العافية

صح لسانك واعتلا شانك



رائعة من الروائع



تحمل مكارم الاخلاق بالضيافة العربية