بعد فترة غياب احييكم من جديد ايها الانقياااء

بلا مقدمات بلا رتوش .....


ياللي تعينون الزمان ف بلاويــــه

ماأنـــتــم قرابه لـــــو تقولو قرابه

وقت الرخا كل ٍ ف قربك مماشيه

و وقت الشدايد ما فتح حد بابــه

حتى الحبيب اللي نحبّه و نغليه

ضيّعت عمري في متابع سرابــه

يا هيه ماني بهيه لو قلت يا هبه

لا بو غرام ٍ حـــد فـ الـــــقلب نابه

بعض الغلا من يدهل ف صدر غاليه

ينعاف كله من سيايــب عـــذابه

اثر الهوى يسعود بـأيـــذل راعيه

و ايعيـّـشــه بين الحزن و الكآبه

واللي اخذ قلبي و روحي باياديه

للحين اصد اسهامه بـــكل رحابه

تبختري يا جروح قلبي بــمحانيه

والله مااشكي لغير رب ٍ نــهــابــه

و اللي لاجل جنسيتي قال مابيه

لابــوه لابـــــو مــن لهم قيل لابه

من الهم قلبي فيه عمر ٍ يكفّيــه

وش لي بناس ٍ ما تعرف الذرابه

انا ابدوي و افخر باصلي و اعلّيه

و اهيم بالصحراء و اعشق الربابه

الــيا نــدهت الطيب ايــقول لـبّـيه

واسمي نقشته بالذهب في كتابه

و اليا حضرت الشعر زانت قوافيــــه

و الــجــزل شعره حاضرٍ في غيابـــه

و اللي طعن فيني اباضحك و اخلّيه

جاهل و صمتي عنه عز و مهابــــه

اصاحب الوافي و اقدّمه و اغليــــه

و احطّه ف عيني و اقـــدّر جنابــه

و محبوب قلبي لا زعل منّي ارضيه

و اعيش ذيب ٍ حيث هالوقت غابه

و اللي يظن بعده يذلّن فلا اجيــــه

شامخ و رمــيــاتــه تـــزيدن صلابه


عايد مرزوق العويس ـ المانيا

الله الله



صح لسانك مليون


ابدعت وامتعت جميل ما دونت


تقبل الاعجاب والتحية

الله عليك يا عايد



قصيدة راقية برقي فكرك وشاعريتك


صح لسانك للرضا

لله درك



قصيدة وافية صح لسانك

ما اروع الشعر الراقي يجبر القاري الى التمعن


لقد ابدعت في النص بما حواه من معايير الرجولة والشهامة وتصوير حال الرجال

الشاعر عايد العويس


صح لسانك مدد ماهو عدد


ابدعت وامتعت

لك خالص تحيتي

لله درك



قصيدة راقية تستحق الاشادة


وفقك الله

صح نبضك والقلم ابدعت لا هنت



لك صادق الود