السلام عليكم ورحمة الله وبركاته

مشرف القسم راع الصدق

قرب جاي بتسلى معك شوي



ياراعي الصدق هات الصدق لا تذخره=وإن كان جنبت ماني قايلٍ(ن)ياكذوب
الحج قرب وش اللي ناويٍ(ن)بعشره=الموت مقبل وعندك فرصةٍ(ن)توب توب

الله الله


صح لسانك يا بتال



وبنتظار راع الصدق


الليل الليل


متابع

صح لسانك




بنتظار راع الصدق




لك التحية

صح لسانك



بدع كايف وين قبيلك

وعليكم السلام ورحمة الله وبركاته

حياك الله يابتال وابرك الحزات مجيك وبدعتك واستلم


جيتك يابتال راع الطيب مانحقره= وانا من اهل الوفا والصدق فخذ الغروب

نويت صوم العشر وضحيتي ببقره= والله سميع مجيب وغافر(ن) للذنوب

خير واستلم

يامرحبا بعد جيت الطيب لا تنثره=منته براسٍ(ن)فخذ والسر جوف القلوب
أخاف صومك ما يقبل ياوليد المره=والا يجيلك عذر تأخذك بعض الدروب

طيب طيب يابتال ابشر بالرد

الطيب نعرف هله والجمر للمجمره= والنار من قدحة زنودي تزايد شبوب

لولا ثمار الشجر ماشفت فيه شجره= لكن نظارة الاطمش وراها عيوب

يا كافي يا كافي



صحت الالسن والقلوب


واصلوا الابداع

ابن هليل


شرفنا مرورك لا هنت


لك التقدير

استلم والليله نكمل اذا شاء الله



إقدح زنودك و ولع نار للمبخرة=لا تحسبنك تبا تفج بنفخ الذروب
والناس ما تحذف الا شجرةٍ مثمره=لكن ماضرها حذف الحصا والهبوب

يا سلام على الابداع

مصامخ ماهو بسهل شدو الحيل

والى الامام بيض الله وجيهكم

لكم التحيه والتقدير

الله بغيثه يغيث ديارك المدهره= من غر الامزان وبله فوق دارك صبوب


الكسر لن جاه جبار الكسور اجبره= والحب يطحن ليا دارت رحاة الحبوب

صحت الالسن والقلوب



متابع

الله الله

غط وجاء ما كفا بيض الله وجهك



أنا أحمد الله دياري ماهي بمصحره=ياراعي الناقة اللي درها مايروب
أخر مرد البشر للدفن بالمقبره=الدرب ماشي ويومك بالليال محسوب

ردك يابتال غطا وبيض الله وجهك تقبل عذري وتقديري