أسعد الله لياليكم وأيامكم


وين الشعار صيفوا والا وش العلم



هلا يا مرحبا في مرحبا يا شمعة الشعار=يا راع الصدق وينك مختفي من دونك البيبان
يقولون العرب سعد على الطرفه يشب النار=وأنا مخبره شب النار لا راضي ولا زعلان

صح لسانك



بدع رايع وبنتظار رد راع الصدق

المعذره يابن هليل ظروف ومشاغل مثلك عارف واستلم


يدوم الك البقا ياشيخنا الغالي ياحام الدار= انا قلبي علاكم مانسيت الربع والخلان

انا خابرك ماتسمع كلام الواشي الغدار= لكنك لاتجيب علوم لين تحضر البرهان

حياك الله وصبحك الله بالخير



علومٍ(ن)ثابته ومثبته ما تقبل الإنكار=علاكم شاهدين عدول ما نحتاج منك أيمان
منول أحسب إنك شيخ مصلح وأثرك المكار=مثل عملة هل المغرب لها ياصاحبي وجهان

صحت السنكم




شعار ما فيكم حيله

الله يصبحك بالخير


تعرضت الدعاوي والدعاوي سيفها بتار= تصيح وتدعي بالفارغه والزور والبهتان

اشوفك شايل المسحاه تمشي من ورى القبار= ومن يمشي ورى القبار بكره يسرق الاكفان

صحت الالست والقلوب



ابداع واصلوا

يقولون العرب مآرب محارب سدها هالفأر=يبا يهدمه ما همه جنانه لابستها جنان
لقينا جرته بالسوق ينخش عيشة القصار=الا يافكرتي من فأر قام يماحش النيران

ترى عقلك بتال الوقت عود مثل عقل الكار= وضلع طويق ثابت ماتهزه نطحة الثيران

ترى حيلتك هذي ما تمشيها على الشطار= وانا ماهمني لو قالت الصوران والعوران

صحت الالسن




شعار ما فيكم حيله

أنا عقلي رزين وعلم جبته عن ثقاه كبار=وأنا عندي يقين ولا بها نارٍ بلا دخان
نباك تعلم الجهال وأثرك تلعب المقطار=ترى الجنة بعيدة يا سعد عن واشي وفتان

علومك ياوسيع المعرفه مصدارها من ثار= ولو عندك يقين تقرر الوزنه على الميزان

ترى من بعد هذيه نبا نلفت لك الانظار= وعلم الغيب في حكم المهيمن ربنا الرحمن

الله الله وش القصف النووي
صحت اللسنكم يالاد ثابت واصلوا متابعين