السلام عليكم ورحمة الله وبركاته
هذي حداه للشيخ الشاعر/فهد بن محمد بن ريف السليفي المقاطي العتيبي بأسم قبيله عتيبه الهيلا على قبايل هذيل في زواج ابن الشيخ الدكتور/فهد المعطاني في قصر السلام في مكه المكرمه بعد ماأجمعوا مشايخ وشعراء قبيلة عتيبه على هذه الحداه ويقول فيها ابن ريف:

الاوله سلام منا يا قبايل=عداد ماتمطر هماليل المخايل

رديت(ن)تنصاك ياشيخ الفصايل=يالعزوه ألي باسهم باس(ن)شديد

والثانيه حنا ليا جات الصمايل=أعتيبه الهيلا عريبين السلايل

ذباحه الحايل ونلطم كل عايل=في حال ملينا وحال(ن)من حديد

والثالثه وش رجل فالمبدى مخايل=رجل(ن)مسوي فكثر العالم جمايل

يوخذ منه بعض الفوايد والدلايل=مازون جسمه لايقل ولا يزيد

والرابعه وش بنت ياعيال الحمايل=بنت(ن)عنوس(ن)عمرها ولها جدايل

وليا تغير طبعها جات الهوايل=والله يدبر مايحب ومايريد

وسلامتكم وترا قبيله هذيل ردت على الحداه والله ماتحضرني ولكن لم يحلوا الأغاز الاثنين وترا الغز مطروح يشعار المنتدى ولكم جزيل الشكر..
التوقيع :

مشكور على الطرح الراقي

والنعم بالجميع


ويمكن يجي من يحل اللغز

صح السان الشيخ فهد بن ريف ومشكور على النقل الله يعطيك العافيه
بالنسبه حل اللغز الاول اعتقد نجم الجدي والله اعلم
اما بالنسبه للبنت ياخذها ابن هليل والا راع الصدق ههههههههه

الله يعطيكم العافيه وشكرآآ على المرور واما الغز منت بعيد قريب ِ

صح لسان الشاعر والناقل


عثمان راح للجدي وخلا البنت لراع الصدق


لكن أعتقد انها اذا طلعت من مشرقها جات الهوايل

قال تعالى:(هُوَ الَّذِي جَعَلَ الشَّمْسَ ضِيَاءً وَالْقَمَرَ نُوراً وَقَدَّرَهُ مَنَازِلَ لِتَعْلَمُوا عَدَدَ السِّنِينَ وَالْحِسَابَ مَا خَلَقَ اللَّهُ ذَلِكَ إِلَّا بِالْحَقِّ يُفَصِّلُ الْآياتِ لِقَوْمٍ يَعْلَمُونَ)

الحل للغزين بالأية والله اعلم

لاهنت يابو البراء ولاهان الشاعر عثمان والشاعر ابن هليل والاخوان الذين مروا واعتقد ان حل اللغزالاول كما قال الشاعر عثمان نجم الجدي وابن هليل اورد الشمس والقمر فاالاية الكريمه واعتقد انه اقرب للحل والله اعلم لكم منا كل التقدير والشكر

تسلم أخوي أبو البرأء على الطرح الممتاز

الله لايهينكم جميعا وصح الله بدنك يابن هليل وبيض الله وجهك رمعه طيبه ويارع الصدق جزاك الله خير اخوي عثمان يمكن 50%والرمعه واضحه

والثالثه وش رجل فالمبدى مخايل=رجل(ن)مسوي فكثر العالم جمايل

يوخذ منه بعض الفوايد والدلايل=مازون جسمه لايقل ولا يزيد





مع احترامي للجميع الا ان اللغز ماله حل الا نجم الجدي ومن اوله على القمر غلطان وبيت الشاعر الاخير يوكد ذلك (مازون جسمه لايقل ولايزيد) هل هذا الوصف ينطبق على القمر طبعا لا القمر يطلع هلال ولايكاد يشاف ويكتمل بدر وينقص فلا ينطبق قول الشاعر عليه اما الجدي فجميع بيوت الشاعر مطابقه له

هذا مجرد راي وليس معارضه وكل وله رايه واحترم جميع الاراء

صح لسان الشاعر / فهد بن محمد

اللغز الاول

حله نجم سهيل

كان قريب من حله اخي عثمان

اللغز الثاني

الشمس
حله ابن هليل

تقبل مروري

أولاً : صح الله لساااااااااااااان الشاعر / فهد بن محمد المقاطي على الحداه الجميله

ثانياً : اللغز الاول لقد حله الاخ أبو راكان ( نجم سهيل )

أما اللغز الثاني لقد حله إبن هليل ( الشمس )

بيض الله وجيهكم يابو راكان انت والذيب ورمعاتكم طيبه وشكرآآآ على المرور