سلام واهل السوق يوم ارودهم صدري وسيع= ارتاح يوم اشوفهم قدام عيني في نعيم

الليله انا جيت في سوق الغلا واشري وابيع= واللي معه عمله يجي والله رزاق كريم

يامرحبابك ياوسيع الصدر مقدارك رفيع= الناس تمضي في تطور وانت بالعصر القديم
الموت قبلك وانتبه قدام يالفهمي تضيع= ان طعت شوري ياسند قبل وفاتك تستقيم

عمالقه محاوره لله دركما واصلا الابداع وانا متابع للجزاله

اهلا وسهلا بسيادة المشرف الموقر ماعليك زود يالغالي

والك البقا من راس قاسي في مواجيبه سريع= بعد الكبر هذا تبالك سمن ياراع اليديم

هات الطعام اللي نحبه لاتجيب من الضريع= والموت حق ولايخوف مايخاف الا الحريم

اهلا بك ياخال ولايهون سند لكم اغلى وارق تحيه

مشرفنا الطيب غمرتن بمروك عافاك الله

وين البعير اللي منول جرته مع كل ريع= اخذه حرامي من فهم رجل(ن) يسمونه فهيم
شده على وسق السفينه والبحر يلمع لميع= تشهد عليه من القبايل حضرة مطير وسليم

مبدع ياخال وصح لسانك واصل الابداع لله درك

الابداع مرورك ومتابعتك الله يعطيك العافيه

ماني مكلف بالجمل ولا مكلف بالقطيع= يااللي تنشد ضاع خمنك بين غنام وغنيم

بندقك هس عيارها ماهي من النوع الطليع= اقيس انك يوم ترمي جوكم غاشيه غيم

علمي سنع مير انت غرتك الكاعه يالكيع= والبينه ما غر منه غير رجال غشيم
رميت رميه راكده واثر سند مايستطيع = يرمي مع القناصه اللي فكرهم ماهو سقيم

وين الشجاعه يوم حد السيف يالراس الشجيع= هذا كلام الفهمي اللي مضربه وسط الصميم

واحد من البغلان لو يلتافكم رحتو مزيع= حنا عمى الغاوين ونسد النحر لاكبر خصيم

الصبح ماهو ببعيد استئذنك وعلى الخير والطيب نجتمع فمان الله ومشكور والخاتمه عندك

تصبح علي خير والقادم احلا الله يستر عليك

يامستمع بث الاذاعه وش فهمت من المذيع= خل الشجاعه لهلها والله غفار(ن) رحيم
اللي كبر سنه وعقله كنه الطفل الرضيع = لو تفتخربه حضرة امه تعتبر حرمه عقيم

الله الله


مصافق تال الليل


صحت الالسن والقلوب لا غالب ولا مغلوب

يا سلام يا سلام


مقادح تال الليل


صحت السنكم مدد ماهو عدد


بنتظار طاروق اخر بينكم