سعد ( راع الصدق )

مبتدايه بالسلام وكيف بن اصبه
للرجال ومن يذوقه طار عنه عماسه

صاحبي نايف غيابه طال ويش السبه
لايقع فوقه صخون ويلحق المياسه



نايف حمدان الجازي



مرحبا بااللي عزيزه جيته ونحبه
ودنا ناخذ علومه كلها من راسه

هات مايطري ببالك والمقدر كبه
لو يطول العمر انا واياك نشرب كاسه

سعد (راع الصدق)


البقا ياراعي الترحيب راع الشبه
يارفيق بالوفا مامل انا مجلاسه
مر في سيف البحر ومرار وسط الغبه
واثر ابو عرام عنده فالبحور سياسه


نايف حمدان الجازي

ياسعد لن شفت موج البحر عالي كبه
لاتفكر بالخطر يقلب رجاه لياسه
كان عندك كرت رابح جربه والعب به
والليالي درسها خبره بدون دراسه


سعد (راع الصدق)


البحر ماهمني سباح له واطبه
حاسب حسابي لعمقه ماجهلت قياسه
لاتوصي صاحبك دام الذهب في عبه
وانت قدوتنا الشجاع اللي قوي(ن) باسه



نايف حمدان الجازي


الفخر تاجك مسوي فوق راسك قبه
يالعميل اللي قريب وساسنا من ساسه
كيف خاويت الطيور اللي براس التبه
طبعها ماهو بطبعك ناعمه حساسه

سعد ( راع الصدق )

الفخر بوجود ربعي لابسين الجبه
الذهب معدن نفيس وعازلين نحاسه
الصقر يبقى على اسمه ماتغير لبه
وانت تعرفها ضعيفه صيدة الفراسه

نايف حمدان الجازي


من يطرف عن ذراه الذاريات تهبه
وان تمايل من يرد النود عن نسناسه
سنبله في عودها ماطاح منها حبه
لين يبست بالجرين وجولها الدواسه


سعد(راع الصدق)

وش تسوي فالجبل لو تضرب المرزبه
والشواوي للجبل ماعنده الا فاسه
قالوا ان الكي ناجع في علاج الصبه
والقران يشافي اللي متعبه وسواسه


نايف حمدان الجازي


لن لقيته ياسعد بين المجنن هبه
وعز ابوه اللي تعب في ربوته ثم واسه
وانت عادي لن مدحته وان بغيت تسبه
يحسب انك تعزف الجمله على مرواسه

صحت الالسن



محاورة رائعة لله درهما

دليل القوافل مرورك عطر المتصفح لك تقديري

بيض الله وجهك يالبناخي انت وابن حمدان ابدعتوا في هذه المحاوره الذهبيه

محاوره رائعه ومميزه

الله يعطيكم الف عافيه

لكم التحيه والتقدير

شعراء عمالقه بما تعنيه الكلمه

الله يبض وجيهكم

محاوره راقيه برقي شعرائها جزيل الشكر لكم

إيه وأنا أشهد إن عليكم بيآض الوجه

وماقصرتم .../ وفآلكم التوفيق والسعادهـ يآرب

مودتي الصآدقة يسبقهآ إحترامي للجميع




أَخُـوْكُمْ ..~
:g6:قَلَمْ يَكْتُبْ أَلَمْ:g6:

صحــت ألاسنتـــــكم ..
جميـل ماقــرات لكـــم أحتــرامـــي