هب يالحظ الردي جعل منته راس مال = اعتزيبك وانت بارك كما الثلب الحرون
لامتى صبري معك بالزمان اول وتال = يالله اني طالب(ن) منك في عوني تكون
كم سالت وكم بالفكر كررت السوال = والاجابه ضايعه في متاهات الضنون
والضروف اللي حدتني على ميل وعدال = قاسيه بالحيل والمجتمع ما برحمون
كل ماهبت عواصيفها من كل جال = دورتني واعتنتني بترديد الطعون
واتحمل جورها ما اعطي الشامت مجال = وان سالني عاذلي قلت اله مافي لون
استعن بالله واصبر على جور الليال = عز نفسي محتفضبه يكون اللي يكون
الشدايد بلوة(ن) ماتصيب الا الرجال = والرجال اذا ابتلوا بالشدايد يصبرون
في ضروف الوقت والا بساحات القتال = كل ماصعبت عليها النشاما يقدمون
التجلد طبعهم والصبر في كل حال = بالمشاكل والرخا يحمدون ويشكرون
كل مازاد التعب زاد معه الاحتمال = يعلم الله حالهم والعرب مايعلمون
الرجل لو راس ماله شماغه والعقال = لا نخيته باذن رب الخلايق ماتهون
يفزع بجاهه ويزبن على ميسور حال = غالي المقدار واللي يبا فوقه يمون
ثم يقضي حاجتك من كريمين السبال = الرجال اللي لوضع الرجال يقدرون
يبهجون الضيف بالكيف من صفر الدلال = وحايل(ن) تذبح ويدفع شحمها بالصحون
وارثين المرجله من عمام ومن خوال = والرجال الطيبه ماتخيب للضنون
ماربوا فوق الترف والنعومه والدلال =صنعت اللي كل موضه بها يتاثرون
الشباب التالي اللي عن العادات مال = بعضهم والا بعضهم عساهم يسلمون
الخبول اللي تقلد خبيثين العمال = بالتمكيج والحلاقه وترسيم العيون
همهم وش جاء جديد(ن) بادوات الجمال= لوسعره غالي بزود لازم يشترون
والثمن من جيب شايب تعب لجل العيال = ويترجا من عياله عساهم ينفعون
عن لهيب الحر بالشمس مايلقى ظلال = يقدح ويشقى وواجد سواته يتعبون
كل مايخطر بباله سوالات و جدال = قال ابا اتعب واتريح بعد يتخرجون
ياحسافه صار حلمه خيال(ن) في خيال= بعد ضلا يرجي الخير كله بالبنون
ضاع كل اللي من اجله بذل جهد(ن) ومال= حسبه الله فوقكم يامخيبت الظنون
تمت وصلوا على الهادي احسن مايقال = كلكم ياللي لقولي تعون وتسمعون

صح لسانك وبيض الله وجهك



جزلة من جزل


ودي وتقديري

صح لسانك واعتلا شانك

رائعة من الروائع

صح لسانك مليون ولا يكفون



جزلة من شاعر جزل

عثمان الثبيتي.,.

صح السانك على الدره الثمينه والمميزه.,
تقبل مروري

صح لسانك يا بو مشعل


جزلة من شاعر جزل بيض الله وجهك


تقبل خالص تحيتي

قصيده واقعيه في مضمونها وهذا هو واقع حال الشباب هداهم الله لذلك اتت هذه الدره المميزه لتعالج وتحكي واقع هولاء لله
در شاعرها المميز دائما والمتألق في سماء الابداع شكرا ياابا مشعل وانا معجب بها كل الاعجاب وبكل ماتخطه يمينك تقبل تقديري وشكري

صح لسانك


قصيدة تستحق الوقوف امامها كثيرا لما تحمله من معاني وجزالة


تقبل التحية

اشكركم جميع كل باسمه على مروركم واشادكم بيض الله وجيهكم

صح لسانك


قصيدة تستحق الاشادة


جزالة ومعاني راقية

صح لسانك



الله يكفينا شرها حوالينا ولا علينا

صح لسانك



قصيدة شامخة مبنى ومعنى بيض الله وجهك

وجهك ابيض يالمستشار الف شكر والشكر موصول لجميع من قام بالمرور