أسعد الله اوقاتكم بالخير والمسرات

الشاعر عثمان الثبيتي نبي طاروق خفيف كان ما عندك ارتباط استلم


وين عثمان المسمى بسم عثمان الخليفه=مير ماهو مثل عثمان الخليفه والصحابي
العيون المبصره ماهي مثل عين الكفيفه=مرحبا يا ذيب لو جيته رميته ما صحابي

الزمان اللي مضى كل(ن) حكم عصره بكيفه= الخلافه عصرنا الحاضر لها حضرة جنابي
منته براع الشداد ولا انت ياجابر رديفه=البقا يا جار ذيب(ن) منزله بالحيل غابي

السحابة خيلت والوبل غطا للمنيفه=فوقكم مدري وراكم بارق ورعد وسحابي
يالله الطف بالضعوف اللي تذريهم سقيفه=من سيول(ن)حادره والضلع يرمي بالدرابي

ههههه حسبي الله عليك

ارعدت بخيال كنه ماله ثعول(ن) كثيفه = لو ترشرش ما تبلل كم واحد من ثيابي
صايح(ن) لم العرب والذئب ماحصل خطيفه= ماش هوشه تحمل انسل المهند والجنابي

يارفيقي لا تداحم بالجنوب اللي صخيفه=سل سكينك ودق شعيل لا حد النصابي
الذيابه يالثبيتي ما تكود بالطريفه=وص رعيانك تحرص من مخاتلت الذيابي

الله الله


صحت الالسن


مصامخ تال الليل

تدري ان الغرب يفعل بالقتال ان سل سيفه= لو نصبح دار قوم امست منازلهم خرابي
مير اسد الخشم بشماغي ليا حصلت جيفه= وادري ان اللون الابيض ماهو بلون الغرابي

ابن هليل -ابومشعل
صحت الالسن طاروق ممتاز ومتابعين

هلا وغلا يابو فهد والاخوه المتابعين

أدري إن الغرب دايم ما يحبك يالخفيفه=مير أنا ما شفت فعلك يوم تتعب للركابي
ليا وصلك الريح ما تنفعك غترتك النظيفه=كود تدفنها وتردم فوقها صخر وترابي

يا سلام يا سلام



بدع ورد كايف بيض الله وجيهكم

الليل انا بالصف

انت عايش في ذرانا يوم دنياك المخيفه= مير ذلحينه بامان وقمت ياجابر تبابي
الشرف منا وفينا وانته امثالك شريفه= كرم الله لحيتي ماني سروق ولا مرابي

في غناة الله ولاني بحاجة لمدة لطيفة=من يدينك يالجياع اللي تطرد بالسرابي
جيتك بمثل طويق وجيتني بملا قفيفه=ما تعشي للحضور وشنبقي للغيابي

انت قوماني تقول المال الي فيه النصيفه= لو نطيعك مالقينا لاطعام ولاشرابي
السمينه كيف نعطيها بدل شقفة رغيفه = ماني بحاسب حسابك لين تحسبلي حسابي

صح لسانك وبيض الله وجهك تسلينا والصبح أصبح

غط البيت وتصبح على خير

ليا بلشت بجاهل(ن)بعطه من حقي وأعيفه=السلامة طيبة والمال يفدا للرقابي
قالت الأمثال ما تبلش مع رجالٍ(ن)عريفه=ما يغثك مثل ناسٍ(ن)ما تميز للصوابي

كيف تعطي وانت بالحقه وشارعكم رصيفه= نخلته ماتت ضما والجو غطاه الضبابي
التهامي ماع سمنه من حرارة شمس صيفه= اشهدوا يامن حضرماعاد للدوه مخابي

تصبح على خير امتعتنا وتعلمنا منك الشي الكثير فمثلك مكسب لي ان احاوره واقراء افكاره واحاول اجاريه قدر الامكان اتمنا اني قدمت معك مايحوز على رضاء المتصفحين فهم يهمونك ويهمونني لاشك في ذلك

محاورة في قمة التميز والروعه

لقد اتحفتونا وسريتوا النواظر بالتألق

لكم اجمل تحيه وتقدير

محاورة تستحق الاشادة بيض الله وجيهكم لكم التحية والاحترام

صحت السنكم شعار ما فيكم حيلة

يا سلام يا سلام



مقادح عمالقة


صحت الالسن

لله دركم في هذه المحاوره الممتعه والحقيقه شعار مافيكم حيله ياالاد ثابت الله يقويكم تقبلوا متابعتي واعجابي الشديد بهذا الطاروق الممتع

ياسلام على هالمحاوره التي راقت لي مقادح شعار وعباقره تسلم السنتكم وافكاركم

صحت السنتكم وسلمت قريحتكم شعار من الدرجه الاولى وافر التحيه لكم

صحت السنتكم يا (بن هليل pinhlail)و(عثمان الثبيتي)