سلام مدري مرحبا يامرحبا مدري سلام= انا لمن ارد تسليمه واقدم مرحبا
المنتدا مدري هله صاحين ابه والا نيام= اللي يبا طاروق يقرب جاي وبليس يهبا

يامرحبا دام البقا ادخل مع باب السلام= تلقى الرجال الوافيه واقلط على طيب النبا

لاوالله الا كلهم صاحين ياذخر الكرام= امر تدلل قول ياعثمان بالله وش تبا

انا احسب انك ياسلمي نايم على ريش النعام= اثرك تزهب بندقك واتثور في وسط الخبا
هذا الطبيعه فيك دايم شهم وتشد الحزام= وان شفتني تجفل كما تجفل من النمر الضبا

الحمد لله في نعيم وفضل من رب الانام= والبندق ليا ازهبتها ثورتها فالاشهبا

مانته بلا مطلق ولا مستور ياهذا الغلام= ابن حلال مانت داري وش يجيك مع الغبا

الله الله الله طيب طيب
لا
لا والله الامطلق ذراع وعليه بالحرام = ماتسري الا والحمل على ظهرك مصلبا
حيثك جمل مافيك شك ومشكلتك بلا سنام= فيك الجلاده لو دمك فيه فيروس الوبا

عثمان فار الدم في عرقه وجاه الانفصام= يحلف يمين ومخلف الهقوات يضحك معجبا

دام الجمل جالك تلزم في شعافه والخطام= وان كان معجبك الجمل دوك اركبه ثم اشعبا

اخر الليل تجيك الدواهي

الله يعطيكم العافيه محاوره رائعه

وقويه صحت الالسن ...لكم التحيه

والتقــــــــــــــــــــــــديـــــــــــر

يادافع البلا من هذه المحاوره القويه صحت الالسن وعساكم على القوه ولااوصيك ياخال مع احترامي للسلمي

يامرحبا ياسيادة المشرف العزيز والاستاذ بن عميش

جامعك من ربعك سليم الفين واحد قبل عام= قطعانهم ياكثرها تقول حنان الدبا
جملك ميسمنا خرق لحمه ووقع بالعظام= وانته نبا ناسمك لنك تاكل عروض الربا غط البيوت ترا الفجر اذن وسامحني وانت مسموح

وانته بعد جامعك واحد لايلوم ولايلام= اليا لقيته قلت ياعثمان هذا المطلبا

ميسمك فعله في غنمك الصمع يامال العدام= واما جملنا ماينوخ للمياسم مصعبا

لوجنبك الايسر متين وجنبك الايمن تمام= ايات منها اللي تمنا واله نفسك ترغبا
خابرك تسجدسجدة(ن)ياطولها وسط الظلام=ماتحترك لوان داب الارض مع جسمك حبا

مسموح ولاحصل الا الطيب والدعوه مزوح وتسلي وتصبح على خير وعافيه

الله يكثر من امثالك هذا شعر قايم على المزوح وحلاوته بالتمريرات والمعنا والافتزازات وابد في مجال الشعر قل ما شئت اتقبلها بكل صدر رحب وارجو ان تكون انته كذلك لك كل الاحترام والتقدير شكرا

الله الله


مقادح تال الليل


صحت الالسن

يا سلام يا سلام


محاورة تستحق الاشادة لكن ما درينا عنها


صحت السنكم يا مبدعين

محاوره تستحق المتابعه لكن مادرينا عنها وخارها في غارها والحقيقه الشاعر مخلف ابدع والشاعر عثمان ابدع وزياده

صحت الالسن محاوره مميزه

الله الله


صحت السنكم جميعا بدع ورد كايف

بيض الله وجيهكم


تابعوا الابداع ليكتمل الامتاع


لكم خالص تحيتي

محاوره تستحق المتابعه لكن مادرينا عنها وخارها في غارها والحقيقه الشاعر مخلف ابدع والشاعر عثمان ابدع وزياده
لك يوم يالفهمي خل رمضان ينتهي ههههههههههههههههههه