اقرب يابو مشعل نبا تحليل كامل للحدث= من شان يعرف ساكن الديره بكل اخبارها

العقرب ام ذنيب جت ياصاحبي خلف الشبث= واما قضينا فوقها هلكت بشر فديارها

اقرب وتلقى شاعر(ن) عن واجبه ماقط لث=والله يبارك في رجال(ن) ما تطفي نارها
النارتوقد من شرر والذئب ماهرول عبث= عند الحرايب كل فرقة تعتزي بانصارها

طيب طيب ياخال واستلم


الموقف الغصاب يجبرنا نحث السير حث= وانته كفو لكن حث الخيل في مضمارها

حنا هل الثوب الجديد ولا لبسنا ثوب رث= وام الكباير يارفيق الجنب نلعن عارها

اشره على اللي كل ماعاهدك بعهوده نكث=اهل المدينه ياسعد مايهدمون اسوارها
دار الدهر ياصاحبي محد بواديها مكث= دامك حزامي ماحسبت صغارها وكبارها

اللي نكث عهده يبا يلقى الجزى يوم البعث= واهل المدينه نايمين ولا دروا عن فارها

ابليس الاعور حول نار البدو يشعثها شعث= ليا خبت نار البدو زاد الحطب بوجارها

اللي توفى ويش عقب للوريث اللي ورث= من امس اشوفك تضرب الارض ويطير غبارها
خالك ليا منه قرا ورده على الغاوي نفث= والبندق اللي في يده ماقط فل عيارها

اللي توفى راح واللي حي غث الكبد غث= والحب من بذره ولاتشره على بذارها

قرايتك والنفث ماتجدي على كوم الجثث= مير الجنايز مالها الا يافتى قبارها

ياسلام ياسلام

على الابداع والتألق محاوره في قمة

الاثاره والتميز

لكم التحيه والتقدير

ابو ماجد مرورك شرف وتاج على الراس ياالغالي لك منا كل التقدير والاحترام

لو فكر الزراع بالمخسار يمكن ما حرث= ولا زرع واسقى بذور(ن)ماتفيد اثمارها
كوم الجنائز منهو اللي في مقابرها نبث=الظاهر اهل الحي ما تطرب على مزمارها

هذا من ذوقك الراقي يابن عميش تسلم يالغالي عساك ذخر

ترى النحل ماشتته من مسكنه غار العثث= تدخل عليه وتستحل الغار كنه غارها

المشكله فاللي ليا هديتها قام وشرث= اللي ليا حول على الحزمه يفك صرارها

خالي العزيز تشرفت بلقائك ومجاراتك والاستفاده من خبراتك فانت معلمنا الاول في الشعر ولسان قبيلتنا اشكرك على اجابة الدعوه وهذا من نبل اخلاقك وطيبة معدنك

غط البيوت وتصبح على خير انت ومن معنا في المتصفح والى لقاء ان شاء الله قريب

الله الله صح لسانك مبدع

لاتستفز اللي بكل اللي تشوفه ما اكترث= ماتفسد الليمونه الا من فعل عصارها
زال المحطه ياسعد تنقل بالاخبار وتبث= تبا تغير منهج الناس وتحوس افكارها

انا الذي تشرفت بلقاء شاعرعلى قدر كبيرمن العلم والثقافه اتمنا لك التوفيق دايما لك كل الشكروالتقدير تصبح على خير يا استاذ سعد

مبدعين يالاد ثابت ايه هذي المحاورات والابلاش