سلام ردية وفا على رجال المنتدى= ياطيبها في حلة الاجواد من راس سلمي

نادوا على شاعر فهم والوقت لايذهب سدى= وليا حضر يسمع علومي كلبوها من فمي

حياك الله يامخلف الهقوات وصح لسانك وننتظر شاعر فهم ليكتمل الابداع

صح لسانك يا شاعر سليم المبدع

وننتظر الرد من شاعر فهم المميز

لكم التحيه والتقدير

مخلف الهقوات والله اني انبسط من اللعب مع شرواك وعندما وصلتني الرساله جيت واستلم


يامرحبا بك بالنيابه عن بعيدين المدى= ياحلوها دام انها مصدارها راس فهمي

هات الخبر يااللي تنادي بعد ماراح الغدى= على نداك اسرعت للميدان دمي محتمي

ابن عميش حياك الله على الشحم والطيب

انته تباها سامري والا على طرق الحدى= اختار لاتحتار فالثنتين ياهذا السمي

سليم فالميدان ماترحم ليا لقيت عدى= وانا اعرف انك عود ماتقدر على صد الرمي

هذا والله العلم سليم وش بلاهاههههه


اللي تباها هاتها والطيب خار من الردى= وان ادري انك ماتجيب الا من كبار العمي

الشجره ام الفرع ماتحسب لقطرات الندى= والعود عود وفاالملاقا دوم ناره تشعمي

يافكرتي كيف البدوا طمعت تبا راس الهدى= ماكنها شافت على راس الجبل رف علمي

لكن عود مالكم فالسالفه هذي جدى= اخذ العصا وارعى غنمكم مانت راعي مغنمي

هذا المكان اللي نزلته منزلي ياالمبعدى= ماانت وكيل ادم ولاانته للاوادم تقسمي

اقولها واطولها وان قلت لا قلنا بدى= خلك حوال رعيتك ماانته مكلف بغنمي

اهب ياها العود الاقشرماتقادي للقدى= اثر طبوعك مثل طبع المنعمي والمكرمي

ان قلت عان الدرب قعمص ياجماعه واحتدى= لكن ياعود الفهوم اطرش عما ماتفهمي

ياسليم فيكم طبع والمقرود دايم يقردى= من جاور العجمان يعجم ياهذاه الاعجمي

انته ليا ذلحين ترطن مثل ذاك الامردى= اللي لضباط السريه يوم داقش يخدمي

من داخن القرشه وجاه العود بااللون اسودا= ومسلسل الغليون عسكر داخنه ياالمجرمي

مااخبر فهم قادت غزيه فالزمان الابعدا= واليوم في ظل الرجال اللي كرمها يكرمي

مهنه شريفه ساتره للرجل ماهو يشحدى= والا سليم الله يعافينا حوال المطعمي

وقت الحروب سليم واحدهم ترى كبش الفدا= وليا سمع طاري فهم شردان ذب المخرمي

لله دركم شعار مافيكم حيله واصلوا الابداع مع خالص تحيتي

الله الله


مقادح مع الظهرية


صحت السنكم يا سليم وفهم اهل وفا وعلم غانم


بيض الله وجيهكم


واصلوا لا هنتم

يا سلام يا سلام


صحت الالسن والقلوب