السلام عليكم ورحمة الله وبركاته

الأبيات التي طرحها المشرف راع الصدق
بعنوان هدية قيمة

على الرابط
http://www.alqwafel.com/vb/showthread.php?t=16583
والرد على الهدية على الرابط
http://www.alqwafel.com/vb/showthread.php?t=16584

علقت في حينها على الرد على الهدية ببعض الأبيات وها أنا الأن أطرحها بين أيديكم
بعد أن تجاوزت الحد الأدنى لمسمى القصيدة المتعارف عليه وهو 7 أبيات بعد أن أضفت لها أبيات أخرى

علها تروق لكم


نعمين يالأثنين والمدة على قد الحصيل=الشبل منسبه الأسد والفتل يحكم للمراس
نوٍ(ن)ليا خيل يسيل ونو يسقي ما يسيل=والنار تحرق في طمون الأرض والا بالطعاس
ترى البناخي من خواله والجزالة من جزيل=يا زينها لن جات تطرد للصلف والا العماس
يا راعي الصدق المعرفة ما تبا شاهد دليل=والحكم لا من ما ورد به نص يؤخذ بالقياس
المعرفة من يمنا والا مكاسب من هذيل=ترى الذهب سعره بهذا الوقت قارب للنحاس
والا سقية يا عميل الخير جاتك نص ليل=العافية يازينها والخوف لا صار إنتكاس
شد الحمول وشدها بحبال وإحذر لا تميل=وإثبت على ماقفك لا ترتاع من صوت الحساس
الشعر يا راع الصدق ماهو بضاعة تستكيل=الشعر في بعض المواقف مثل قدحات القباس
الشعر يبني له بيوت ويهدم بيوت ويزيل=وليا زرعته في قلوب أهل الهوى يغدي وناس
الشعر لوحات التجارب قبل ميعاد الرحيل=نرسم عليها ما نحس وما نشوفه بالحواس
يا راعي الصدق البحور عراض والمايج مهيل=هذا جوابي يا رفيقي يوم دقيت الجراس
الله يبيض وجه خالك وأنت ما كفك بخيل=تجزل ليا مديت والجزلة لناس دون ناس

مصافحة ملكية



صح لسانك وبيض الله وجهك


جزلة من جزل

صح لسانك واعتلا شانك



جزله من جزل بارك الله فيك

الله الله


صح لسانك يا مبدع


روعة ربي يسلمك

صح لسانك مليون ولا يكفون



ابداع وجزالة لله درك

رد على ماقدمه الاستاذ الفاضل ابن هليل من الشاعر / ابو مشعل


قدمت بن وزعفران وهيل ماهو زنجبيل= من معرفه والهام ماهو من تصنع واقتباس

مالله خلق فينا بخيل ولاذليل ولاكليل= واللوم فوق اللي عيونه مايفارقها النعاس

اللي تعرض ركب خلق الله وهو عابر سبيل= يحسب حسابه لايقرب خطوته خط التماس

كانه ثقيل الوزن لايطلع بعد دمه ثقيل= اكبر خطر على نزول الارض زود الاحتباس

يامتعب ركابك على درب الشقا ليلك طويل= اثر السلوك الله يعافينا يجي فيها التماس

طالع بعينك فالجدي وسهيل لاتجهل سهيل= لاتنحسب من بعد طبخك للشحم طباخ فاس
ترى الجمال جمال تعرف وصفها والفيل فيل= ميز بعقلك لايجي فالفكر شطحه والتباس

الله الله


صحت السنكم صوت وصدى


تقبلا التحية

بيض الله وجيهكم يا راع الصدق وأبو مشعل

رد كايف الله يعطيكم العافية والدعوة بنتسلى مع بعض

والقلوب صحاح عاد تحملوني هذي لحقة على الباعة

البدو ليا باعو حلالهم يحسبون البهم عشا وهذي البويتات تراها العشا


قدمت هيل وزعفران وخضكم جوف الصميل=والبيت يا راع الصدق ينهد كان بدون ساس
المعرفة يا صاحبي ماهي بضاعة للسبيل=بعض العرب لو تحسبه زيزوم فيده للفلاس
يا زارع الطلح المنيف وتحسبه يرجع نخيل=تبا الطلوح تجيب تمر وقمت تردم بالكياس
العيب لا خف العقل ما ينلقا عقلٍ(ن)بديل=قال المثل من لا يدوس القوم يا صاحي يداس
ريح وخلك بالمراح ولا تعرض للجفيل=ترى السلامة طيبة يا معتزي بخمسة خماس
كنثيل كانك تعرفه نايف على قمة طفيل=ياللي تحسب إن البشوت الدافية ملبوس لاس
الصيف نوخ وأنت قاطن لا تشد ولا تحيل=الظاهر إنه ما دواك الا نرقك بالدباس
ميزتها يا صاحبي لقيت عدلك فيه ميل=أنا أستحي لقول دور عقل في سوق النخاس
العقل نعمة والجهالة طبع في كل الجهيل=واللي مضرى باللحاسة ما يتوب عن اللحاس
الخاتمة عساك للجنة وشربك سلسبيل=ملبوسك إستبرق وزادك من عسل في جوف كاس

حي من عشا صح لسانك مدد ماهو عدد تقبل تقديري واعجابي

الله الله


فتل ونقض صوت وصدى


صحت الالسن

صح السنتكم ويديكم العافيه على هالابدااااااااااااااااااااااع في الوزون والقوافي

مصافحة ملكية



صح لسانك وبيض الله وجهك


جزلة من جزل

صح لسانك واعتلا شانك



جزله من جزل بارك الله فيك

الله الله


صح لسانك يا مبدع


روعة ربي يسلمك

صح لسانك مليون ولا يكفون



ابداع وجزالة لله درك

الله الله


صحت السنكم صوت وصدى


تقبلا التحية




صحت أبدانكم جميعا


سعدت بحضوركم وردودكم


لكم خالص تحيتي

حي من عشا صح لسانك مدد ماهو عدد تقبل تقديري واعجابي

الله الله


فتل ونقض صوت وصدى


صحت الالسن

صح السنتكم ويديكم العافيه على هالابدااااااااااااااااااااااع في الوزون والقوافي


صحت أبدانكم جميعا


سعدت بحضوركم وردودكم


لكم خالص تحيتي