مساكم الله بالخير

الحقيقة كثيرا ما امر على المنتدى ولم اجد محاورات جديدة
الا اني هذا اليوم وجدت محاورة قيمة بين الشاعرين عثمان الثبيتي ويبدو انه شاعر متمكن
وشاعرنا المعروف بن هليل وهذا ما دفعني لطلب راع الصدق باعتبار انه سبق لي محاورته
وعلى امل ان اتشرف بمحاورة الاخرين اذا كان لديهم الرغبة



لقيت لي بالمنتدى جرة سبع يطرد لسبع=
مدري فصيلة وحدة والا نمر يغز ضبع=
وأنا على صوت الونس جيت أتصيدها يا ربع=
نويت احط هذا فوق هذا وأكسب الجوله=



على راع الصدق مني سلام وربنا الستار=سلام إن كان سلم وإن تمرد ذبحته عندي
ياراع البندق اللي كل ما ثارت تقابس نار=وأنا مدري صناعة روسيا والا من الهندي

الله الله


بدع رائع وليس بمستغرب

وين شاعرنا راع الصدق الليل

صح لسانك


وينك يا راع الصدق


الليل

بدع راقي وجزالة معهودة


بنتظار رد الصدق وصحت الالسن

احرص على نفسك لاتاكلك السباع الضاريات=
وانته ماتقوى ضرب مخلاب السباع العاويات=
واللي تنوشه عزي لحاله مايهنا بالمبات=
وانا نويت اعطيك درس (ن) ياالاقيرع واكسب الجوله=

على بتال مني مرحبا حيثه من الشعار= وانا من دون حالي ياالاقيرع ماضعف زندي

ترى من ناشته مايمسي الا في يد القبار=ولاهي في يد الهندي ولاهي في يد السندي

الله يقلع من دبل كبدي غثاه الله يشيله=
مدري خلل بالعقل والا طبع في هذا الفصيله=
يا شينها لا قل معقول الفتى ضيع حصيله=
اليا قلعه الله وكادٍ(ن)أكسب الجوله=




تقوله يا عميلي وأنت لا فني ولا بيطار=تمنى للقيادة وأنت توك رتبتك جندي
علاك مخيله والرعد يرعد واليدين قصار=لكن إسمع كلامي كثر من الفول والمندي

وش جاك حتى تشتمت وتصيح يامال الغنيمه=
لاتظلم العقال مايدعي على العقال ياكود العقيمه=
ان كان جاك خلاف عدل واسمع اشوار الحكيمه=
تطيب نفسك ياالاقيرع واكسب الجوله=

تقوله وانت ماجبت الذهب واللول والمحار= ولاانته مثل ابوتمام والا ابو البقا الرندي

سمعنا صوت رعاد المخيله مار ماش امطار= لكن اشتال جرة فولكم ياهيه باشندي

يارعي الصدق المصيبة يوم تجهل بالمصيبه=
لكن راع الصدق ظني راضي بهذا الغليبه=
أخر زمان الناس ماتعطي سنع والا تجيبه=
اضرب براسك في صفاتك وأكسب الجوله=




أنا ماهمني يا ياصاحبي كبتن ولا طيار=أغوص بحور وأجذب كل غالي واسر يا فندي
ليا دن الرعد تغرق ثيابك كشحة القطار=كمنك ما معك سيفٍ(ن)حداري ما لها سندي

بتال الاقرع


راع الصدق


بيض الله وجيهكما وصحت السنتكما ابدعتما واجزلتما


لله ركما تقبلا خالص تحيتي

يا سلام عليكم


صحت السنكم جميعا

وينكم
متابع محتمس ^_^
صح لسانكما

خلك على درب السنع واحذر تزل ابك القدم=
لاتتهمني بالجهل و البني خير من الهدم=

بتال هذي هرجته ماقالها الامن عدم=

لكن اقل اصلح علومك ياعميلي اكسب الجوله=

ترى بتال بارود (ن)ليا ناش الفتيله ثار= ماغير يلوكها سواة من جا من روا البندي

اعرف اللي غرق لا احتكت الانظار باالانظار= ليا ظكوه خلق الله قعد فالدرب معلندي

صح لسانك والله يعطيك العافية غط وختمها الرحمن

أنا على درب السنع أمشي وأحيد بالرخوم=
وإن كان وصلت للخشم يعنك بفرك للخشوم=
أقول وأفعل يوم مثلك ما يسدك في لزوم=
أنا علوم كلها مدروسة وأكسب الجوله=

يا راع البندق اللي رميها كله بدون عيار=لكن بعض العرب وجه على ما قيل ما يندي
صدق من قال راع الصدق عقله مثل عقل الكار=وأنا اللي كنت أحسبه بالرزانه يشبه الكندي

هههههههههههههههههههههههههههههههههههههههههههههههه



اهب ياعنتر زمانه اثر الك قول وفعل=
مانته بفارك خشم خصم ولامزعزع لك جبل=
تقول ذيب الن وصفك نعرفه وصف الثعل=
لكن هيد وريح الاعصاب مانته كاسب الجوله=

ترى حيلتك معروفه نعرف حيلك ياالمكار= ليا مريت نار تقول انا شبيت واقندي

تراك اقرع وحجم الراس عندي كبر راس الفار= على بند الاجور تعيش واركن في هذا البندي

بيض الله وجهك يابتال الاقرع وتشرفنا بمجاراتك والاستفاده من خبراتك الله يعطيك العافيه

صحت الالسن والابدان




ابداع يستحق الاشادة


تقبلوا التحية

يا سلام


مصافق مو بسهل


صحت الالسن