قصيدة الأمير سعود بن عبدالله

قال النوى قطع الوصل بين الأحباب=ولا طال صار بسيرة الحب خلـَه
قلت العفو قلب من الحب منصاب=ما ينكر أحبابه على البعد لله.
الحب يا سيد المزايين غلاب =لك في خيالي هاجس ما يمله
أظم طيفك ضم من بين الأهداب=وأقول له سلم عليه بمحله
خلن خذاني لا تدرى ولا هاب =سلمت له روحي وأنا راضي له
جيشه عيون وخد ورموشه حراب=سيف الهوى من رمش عينه يسله
لا يحسب أني برخصه عقب ما غاب= طال المدى والا قصر وافي له
والعاشق اللي تخلفه بعض الاسباب = قله بري من كلمة الحب قله

مجاراة الشاعرة الراقية


ياميـر حرفـك ناهـيً حــد الاعـجـاب=مـثـل النـجـوم السـاهـرات المطـلّـه
ابياتك شعرك هيضـت هاجـسً تـاب=منـه انهمـل دمـع العـيـون المظـلّـه
واطلق محابيس الكلم سحر الالباب=وادار فــلــم الــذاكــره ثـــــم فــلّـــه
يــومً كــاس الـحــب بارمـاقـنـا ذاب=واروى بخـمـره خـافـقـي ثـــم بّـلــه
كـافـا عـيـونً هايـمـه فـيـه بـغـيـاب=ولا عـلــلّ غـيـابـه بـجــرمُ وأدلـــه!
ماخـاب ظنـي فيـه ولانــي بمـرتـاب=ياسـعـود ماجـانـي ولاجــاه زلّـــه؟!
ماتوب عن حبـه ولـو جادلـي شـاب=كـل المشاعـر مــن غـرامـه تجـلّـه
والحـب مايمحيـه شرهـات وعتـاب=لاصـار قلبـك بالهـوى مخـلـصً لــه

صح لسان الامير والشاعرة


ومشكور على النقل الراقي

يا سلام يا سلام


قصيدتين قمة الروعة


صحت الالسن

الحقيقة عجبتني الأبيات وعجبني الرد

لذا جاريت الشاعرة لأبياتها

وصحت السنهم


يا بنت نظم الشعر لا كان جذاب=يملك فؤاد وسامعه يستحله
يابنت شعرك فاق ما قالوا أشناب=ما هو ببعضه يريش العين كله
والحب لا منه ملك دم وأعصاب=كن الفؤاد من المتيم يتله
اما شرب من شهد في نشوته ذاب=والا ترك في داخل الروح عله
درب الوفا والود ماهو بينعاب=العيب يلحق عارية بالمجله
هذا جوابي دام للشعر كساب=ومن لا يقدر كلمته عجل طله

الله الله


صحت السن الجميع


الصراحة روعة كلها


لكم التحية

الله يعطيكم العافية جميعا



قصائد رائعة

صح لسانك ولسان من نقلت قصائده



لك خالص التحية