قصيدة غزليه فكاهيه

"اضحكتني وحبيت احطها لكم "










حبيبتي تشرب علـى الريـق ببسـي
واليا تعشّت ماكلـت غيـر كتكـات
حبيبتي حطّت علـى العيـن ورْسـي
وماتلبس الا مـن جديـد الموديـلات
نحيفة(ن) عـن كـل عـذرا تنّسـي
في حسنهـا قـد كلْبشتْنـي كلبشـات
احبهـا بـس الـعـرب ماتحـسّـي
والله يعيـن المبتـلـي بالطـويـلات
ياونتّـي ونّـات ســوّاق تكـسـي
زل النهار وماحصـل لـه ريـالات
والا مريض(ن) علّتـه شـي نفسـي
مافاد بـه كـي العـرب والقـراءات
لاشفتهـا كنّـي مصـاب(ن) بمسّـي
مثل المهبّـل قمـت اقطّـع إشـارات
وليا حكت كنّي من النـاس خرسـي
أطرش .. خرس .. لو دوّسنّه تريلات
فيها حلا الأسبان وعطـر الفرنسـي
وفيها دلـع لبنـان وعـز الإمـارات
حلوه مثل طعم الكـرز والجالكسـي
مخلوط بالسكّر معه خمـس تمـرات
لاقلت : شكراً ، قالت البنت : مرسي
بنت الأفندي ناظـرت لـي بغمـزات
يجلدني الاستـاذ لااهملـت درسـي
مايـدري أنـي واقـع(ن) بالبنيّـات
ابكي واقول ان البلا كـان ضرسـي
يااستـاذ تكفـى لاتنقّـص علامـات
انا وقعت اليوم مـن فـوق كرسـي
ولاحصل لي مـن حبيبـي زيـارات
قالت: أنا ليلى ، وبسمّيـك : قيسـي
عطني شعر واعطيك ضحكه وبسمات
قالت: تجي لابـوي ثـمّ(ن) تمسّـي
بس المهـر تاقـف عليّـا خفـارات!
قلت: اسمحي لي واعلنـي بـالmbc
تلقيـن غيـري يابنـيّـه حـثـالات
يشهد علـى ماقـول بيتـر وعبسـي
ونحّول ونامق بالرسـم والحراكـات
اليا حضرتوا يالربـع يـوم عرسـي
عانيّتـي منكـم كراتيـن كتـكـات

منقول لا اعرف شاعرها

يا حليلها


موديل 2011 حبيبته

ابيات حلوة رغم مافيها من سخرية

الحر /تسلم ع اللإختيار الفكاهي الرائع
دمت بحفظ الر حمن

سلم ذوقك



حبيبة رائعه


ختيار فكاهي رائع

صح لسآنك ملآيين وِلآيكفوِن

قصيده في قمة الرِوِعه وِلوِإن فيها رد بول


اطرِبتنا بهالرِآئعه لآهنت

يعطيك الف عافية



اختيار حلو



تقبل التقدير

حلووووووووووة



لك الود