قصيده متواضعه مسندها لأخي /معدّي المرقاب الذي لاعرف منه ألاّ لقبه فقط(معدّي المرقاب)

.
.
.
.
.
.

يامعدّي المرقاب عدّ المراقيب=مادامت العليا هواك وهوايه!!
ميعادي وميعادك بمرقب الذيب=ومادمت قبلي ماتلفت ورايه!!
أنت الخوي اللّي على العزّ والطيب=ياليت مثلك لو ربع خويايه!!
ماهو بنقص..وقصرةً فالأصاحيب=لكن وين اللّي سواة المرايه؟!
ايعد مابك من جميع العذاريب=مايتركك بين العذاريب تايه!!
ويحْدَاك عن سكَّة هل الشك والرَّيب=حتى تعوّد عن طريق الغوايه!!
ياطوال الأيدي/ياطوال الأشانيب=الطول والله//طالة ً فالهدايه!!
ولو تؤخذ الجنّه برؤس المشاعيب=كان أصبحت لأبو جهل فالبدايه!!
يارب عفوك/وأعفْ ياعالم الغيب=عفوك وغفرانك مناي ورجايه!!
وأنا بنادم وأخطي أحيان وأصيب=وأعرف صوابي//وأعترف في خطايه!!
شاعر ولا يصرا قصيدي من العيب=وذنوبي أكبر من ضلاعين سايه!!
ياما وصفت من البنات الرعابيب=وياما نسجت من الحقيقه روايه!!
مليت مُخّي من قصيد اللّواعيب=وقصايدي وصلت ثلاثين مايه!!
ياليتني يوم القوافي مهاذيب=ما أقول بيت / ألاّ وأغيّب لي آيه!!
يمدي حفظت كتاب ربّي بترتيب=لكن ما واحد عطاني وصايه!!
واليوم أوصّيكم بحفظ المواجيب=وعلى العلوم الغانمه يازملايه!!
والخاتمه مابه عن القبر تجّنيب=ويالله بحسن الخاتمه فالنهايه!!


:
:
:
:
:
عيضه بن معيوض الثبيتي

سلمت يداك ياابافيصل وصح لسانك مليون ولايكفون
تشرفت ان اكون اول من صافح هذه الدره لافض فوك

صح لسانك


وافية من وافي

نصائح قيمه من شاعر جزل لله درك ياابا فيصل تقبل اعجابي وتقديري

الشاعر عيضه الثبيتي

ما الشعر إلا أداة لحفظ ما أستفدناه من هذه الحياة ..

فهو أسهل في النقل . وأقرب إلى القلوب .

وقد قال رسول الله صلى الله عليه وسلم (إن من البيان لسحرا وإن من الشعر لحكمة )
بوركت اخي الكريم
جزاك الله خيرا على ما قدمت من نصيحه وأسأل الله لي ولكم حسن الخاتمه

صح لسانكـ يابو فيصل ..

وعساك ع القوة .. ودوم بإنتظار جديدكـ

دمت بخير

..

صح لسانك يا ابا فيصل


ابداع معهود منك


جزلة من جزل


تقبل تحيتي

عيضه


صح لسانك جزلة من شاعر جزل


لك خالص الود

صح لسانك



وافية من وافي

الله الله


صح لسانك وسلم بنانك



تقبل مروري

صح لسانك ياراع الجزلات



تقبل التحية

الشاعر (عيضة الثبيتي)

أنت شاعر متمكن

ياليتنـي يـوم القـوافـي مهـاذيـب
ما أقول بيت / ألاّ وأغيّب لـي آيـه!!
يمدي حفظـت كتـاب ربّـي بترتيـب
لكـن مـا واحـد عطانـي وصايـه!!


لا أحد يقول مثل هذا الإبداع إلا (عيضة)

أشكرك على هذه القصيدة الشامخة

ولك جل تقديري واحترامي