السلام عليكم ورحمة الله وبركاته

اطرح بين ايديكم هذه القصيده واتمنى بأن تنآل استحسانكم


البارحه ساهر(ن) من هم عيا يغيب = من قسوة الهم روح القلب ماغمضت
كل عام اقول السنه هذي بياتي نصيب = لكن شمس الطبيب الغايبه ماشرقت
وين المداوي لجرح القلب وين الطبيب = اللي يداوي جروحه من تحت لتحت
الناس ناموا وانا مانمت جرحي عطيب = من زود جرحي عيوني صاحيه ماغفت
القلب من جور همه صار يقنب قنيب = والروح عيت تنام من القهر ولولت
العين سالت من الاحزان مثل الشعيب = والجفن فوقه نبات احزان وقته نمت
مايروي النفس غير مزون عين الحبيب = اللي من مزونه اغصان الفواد اثمرت
الصاحب اللي ليا شفته جروحي تطيب = من طلته من سناه شموع حزني طفت
ليا اشرقت شمسه تفتح زهور القليب = وليا غربت الورود الساحره اذبلت
لا صار صاح الفواد بعيد ماهو قريب = الروح ماتهتني دام العروق انشفت
بسباب منه بعيد وهم عيا يغيب = الروح خلف الضلوع العوج منه عوت
جماعة البعد وهموم الزمان الغريب = هلت على تربة الخفاق حتى ارتوت
تشققت تربة الخافق واصبح صويب = وغاب البدر عن عيونه والنجوم اختفت
جنيت تمر النخل لكن ماني نقيب = عامل وقايه وايام الهنا مالفت
غابت مزون الشهاده ياعجب ياعجيب = كله من اسباب شمس الواسطه طلعت
يالله ياللي على الامه وخلقه رقيب = ترد صاف الينابع في فياض انضبت
يالله تغفر ذنوب القلب قبل المغيب = رحمتك ياللي بامره الجبال ثبتت

الله على الابداع وعلى التصور وعلى الخيال الجميل الراقي

أبيات لا يعلا عليهاااا درر الحقيقة سقطة في منتدانا الجميل

تقبل خالص تحيااااتي وتقديري

صقر عتيبة

الله الله



صح لسانك مليون ولا يكفون


لك خالص التحية

صــــــــح لسانك.

مايروي النفس غير مزون عين الحبيب
اللي من مزونه اغصان الفواد اثمرت
الصاحب اللي ليا شفته جروحي تطيب
من طلته من سناه شموع حزني طفت
ليا اشرقت شمسه تفتح زهور القليب
وليا غربت الورود الساحره اذبلت


كلمات في غاايه الروعه والجمال..

سلمت وسلمت يداك علئ ماكتبت وابدعت.

صح لسانك مدد


وافية من وافي


لك التحية

صح لسانك اخوي


قصيدة روعة سلم نبضك

صح لسانك


الله يعطيك الف عافية


لك تحيتي

صح لسانك يالذيب


رائعة


الله يعطيك العافية

صح لسانك


كفيت و وفيت


لك التقدير