غريب الحزن ياقلبي بنى في داخلك تمثال


واصبح خافقك يحمل جروحٍ آآه مجنونه
جروحٍ تنطري وجروح ما تطرأ ولا تنقال


وهمٍ يسكن بذاتك وذاتك منه مسجونه
تعال وبعثر الخافي تعال وحرك الزلزال


وانا لك صاحبٍ وافي وقلبك حيل ما أخونه
تعال وقول للعالم بداية قصتك والحال


تعال اكتب قصيدة حزن من اعماق مدفونه
أبي يحكي بها الشايب أبي يحكي بها الاطفال


من أول جرح لاقيته بخنجر حيل مسنونه
من إللي خان في حبك وكسّر داخلك آمال


رمى سهمه ولا قصر رمى سهمه على هونه
جرحك وخالف اظنونك وجرحه بالحشا ما زال


كفايه صاحت أضلاعك من افعاله يلومونه
علامك اتركه وانسى ترى برج المحبه مال


وانا خايف بعد فترة يطيح ولا يشيلونه
تعال نشوف ثاني جرح غنى للحزن موال


جعلك بحيرتك واقف وتخفي ادموع مكنونه
كشف لك عن قسى الدنيا وكيف تذلل الرجال


بدل ما ينطق بقوله يقول اللي يقولونه
وعدك وخالف بوعده ولا برر ولا هو قال


سبب واحد ويشفع له وانا حاضر وممنونه
تركك بصدمة الواقع صداها جابلك اهبال


وزاد الجرح في جوفك عسى الله يكون في عونه
خلاص الحين ياقلبي ترى درب العنا قد طال


لزوم نساير الواقع ويصبح لوننا لونه
أحس ان الحزن انتا واحس اني انا إظلال


وهذا همّنا اسمع عصافيرٍ يغنونه

يا سلام عليك يا بشاير


اختيار راقي وذوق ادبي مميز

راقت لي

الله لا يحرمنا منك

اسعدنى مرورك اخوى
ويسلموا ع الرد الرائع المشجع
لا خلا ولا عدم .........

راق اللى كثيرا
مشكووووووره يابعدي
والله يعطيك الف عافيه
ولا تجيك ضيقه