السلام عليكم .

ماعليش شكلي اشغلتكم في القصايد << عضو جديد وطاف هههه


اللي حدني على هالقصيده قريت خاطره <<< مايواطن شي اسمه خواطر

وكان اسم الخاطره (لا تستفز الجرح) وكانت الخاطره تتكلم عن وحده تحب واحد وتترجاه يرجع له

تخيلت ان هالبنت تقصدني <<<< تكفا ياقيس

الزبده كتبت هالقصيده وبس




لاتستفز الجـرح وانـت السبايـب=لاتعتـذر والقلـب بيـدك ذبحـتـه
خـلاص يكفـي ماتفيـد الطلايـب=ماعد لك عنـدي وقلبـي نصحتـه
الحب مع مثلـك يجيـب المصايـب=وان كان ماتدري فانا لـك شرحتـه
الحب مثل العشب وانـت الهبايـب=هبوب صيف وكل غصن(ن) طرحته
الله وكبـر يـوم كـنـا حبـايـب=ياما مـن الـزلات لجلـك دمحتـه
وياماسهرة الليـل دمعـي سرايـب=والياحضر طاريك عنـدي مدحتـه
واليوم عفت وخاطري منـك تايـب=كل الغلا من وسـط قلبـي مسحتـه
لاتستفـز الجـرح والـدم رايــب=لاتستفـزه وانـت حبـي فضحتـه

الاصهب

صح السانك قصيدة جميلة مميزة جزله

أعجبتني الحقيقة وتسلم يمينك

تقبل تحياتي الخاصه . ننتظر جديدك

صقر عتيبة

صح السانك وفالك المليون

تقبل تحياتي

صح لسانك ..ودام عطاءك ..

قصيده راااائع ..ماااااره عجبتني ....

الله يديم السعاده عليك ..

أرق التحـــــايـــ شوق القصيم ـــــــا ..

صح لسانك وبيض الله وجهك

قصيده رائعه وفي غاية الجمال

والابداع اوقفتني كثيرا واعجابا

تقبل تحيتي وتقديري

صح لسانك مدد


وافية من وافي لا هنت


لك التحية

صح لسانك مليون ولا يكفون


وافية راقت لي

صحّ لسانك أخوي الاصهب
قصيدة وافية ومن راس وافي
تقبل تواضع مروري

صقر عتيبه صح بدنك ياحيي والله يخليك ذخر يالامير


نحم سهيل صح بدنك اخوي اشكرك على مرورك


شوق القصيم صح بدنك اختي اعجابك تاج على القصيده طال عمرك


ابن عميش ياحيي انت صح بدنك والله اني افرح اذا شفتك وانا ماعرفك يالامير


نجم العرب صح بدنك اخوي وبيض الله وجهك


القناص صح بدنك ياحيي اشكرك على مرورك


ابو ناصر قسم بالله تراك مثل ابن عميش افرح فيك وانا ماعرفك صح بدنك ياحيي


ــــــــــــــــــــــــــــــــــــــــــــــــــ ـــــــــــ

عاد بقولكم شي من هالقصيده عرفت انه قلوبكم خضر ههههههههههههه

تدرون وشلون عرفت على شاني منزل قبل هالقصيده قصيدتين ماشفت اللي شفته في هالقصيده

الي درجة اني قلت ياولد هالمنتدى مايصلح لك مافيه تفاعل

وهالحين لا والله ابشرو بالي يبي يخلي قلوبكم تشقق

صح الله لساااااااااااانك

قصيده رائعه وجميله

القلوب الطيبه تتفاعل مع الطيب

ولا تستعجل في الحكم على القلوب

تقبل تحيااااااااااااااتي الخاااااااااااصة

الزعيم صح بدنك ياحيي لا خلاص هالحين عرفت الطبخه خلاص

عرفت وش اللي يخليهم يجون على كفرين

صح لسانك للرضا


قصيدة وافية

دليل القوافل صح بدنك اخوي

عاد بقولكم شي من هالقصيده عرفت انه قلوبكم خضر ههههههههههههه

تدرون وشلون عرفت على شاني منزل قبل هالقصيده قصيدتين ماشفت اللي شفته في هالقصيده

الي درجة اني قلت ياولد هالمنتدى مايصلح لك مافيه تفاعل

وهالحين لا والله ابشرو بالي يبي يخلي قلوبكم تشقق

الشاعر الكريم الأصهب
جميل جداً انك تعرف ما ذا تكتب ولمن تكتب لأن في ذالك فن إمتاع القارئ
وقد وجدتك تُتقنه ولك اسلوب مميز في النبذة اللتي تسطرها قبل القصيده
تجعل روحك الطيبة المرحة تطغي في زوايا صفحاتك وعلى كل قصيدك
صح لسانك ونثار شكري يتساقط من بين الحروف لك شاعرنا الأصهب

عبير الشوق ياهلا والله وام هلا اول شي صح بدنك

وبعدين ياحيي بذمتي مرورك حلو الله يخليك