عثمان الثبيتي

سلام ردية وفا تنصـا عريبيـن النسـب
والطيبين اللي مثل معجب نحـب علومهـا
الليل يامعجب وياما فالزمان مـن العجـب
مار الذهب سلعه ثمينه مااحد يبخس سومها


معجب العتيبي
يامرحبا ترحيبـةٍ جاتـك علـى حسـب الطلـب
لاهل الوفـا واهـل الوفـا ماتختلـف بسلومهـا
خلك مع اصحاب الرتب تصبح من اصحاب الرتب
وابعد عن اصحاب الوجيـه العابسـه ورقومهـا


عثمان الثبيتي

راع الوفا يااهل الوفا في سد دقني والشنـب
وانا زبـون الوافيـه والطايـلات ارومهـا
انا من اهل العرف وادري عن قوانين العرب
نقـدر العقـال والجهـال ماحـد يلومـهـا



معجب العتيبي

وانا ماقول الا نعم وتسد في وقت النشب
لو ان بعض الناس مايعجبك كثر حلومها
ياصاحبي عثمان مابه شي ماجاله سبب
فتش وتلقا البينه فدروجهـا وختومهـا


عثمان الثبيتي

تقـول وانـا اقـول والدنيـا مراقبهـا تعـب
يصبح ويمسي بين سجـة فرحهـا وهمومهـا
النـار ماتاكـل يكـود مسيلمـه وابـو لهـب
وروحي وروحك ياعسى الفردوس من مقسومها



معجب العتيبي

هذي قديمه فالمجالس والمكاتب والكتب
لكن دور غيرها واحرص برفع سهومها
اللي يعرف الحق عمره في كلامه ماكذب
واللي جهل دنياه ماتعطيه غير سمومها


عثمان الثبيتي

وردانك اللي كاد قبل العام يفجرهـا الغضـب
واليوم راجع عنـد تـال القـوم ياقيدومهـا
بعض العرب يمشي بسرعه لين ياكل له مطب
وبعض العرب ماتستريح الا بفرك خشومهـا



معجب العتيبي

الخطه اللي كتبها بين تـرا ماتنشطـب
يالشاعر اللي تحسب انك فالبلد زيزومها
الاوله والثانيه ماهيب طبع اهل الحسب
يااصحابنا اللي تعرفون البينه من يومها

يعطيك الف عافية


محاورة جميلة نقض وفتل


دمت بالف خير

صح لسان عثمان

وصح لسان معجب


درر بمعنى الكلمه

اشكرك يا راع الصدق على الانتقاء الرائع

اشكر كل من مر على المحاوره القيمه واشاد بها

مشكور على ما نقلت


محاورة جميلة


صحت الالسن والابدان

مشكور



على المحاوره الجميله


يعطيك الف عافيه

تسلم يابووسام على النقل المميز وصحت السنت الشاعرين

فتل ونقض من نوع فريد سلمت على النقل المميز

صح لسان عثمان

وصح لسان معجب


درر بمعنى الكلمه

اشكرك يا راع الصدق على النقل الرائع

وا لاختيار المميز ..لك التحيه

شعراء غنيين عن التعريف


محاورة رائعه


لاهنت يابو فواز


ودي وتقديري يابناخي