مساء الخير للجميع

حياك الله اخوي بتال الاقرع بعد غيبه طويله والله انا فرحنا بك الليله يوم لفيت ولكن استلم لاهنت



بعد قريت الرساله قلت ياربي تحييه= بتال الاقرع لفانا بعد ماطول مغيبه

الكيف والم ويقفاه الطلي من عند راعيه= بالعافيه مد يدك ونوش وصله من عصيبه

صح لسانك يابوفوازوباتنتظار بتال وصح لسانه مقدما

صح بدنك ياالحكيم ومتابعتك مدعاة للفخر والاعتزاز لك تقديري وشكري

بعد قريت الرساله قلـت ياربـي تحييـه
بتال الاقرع لفانـا بعـد ماطـول مغيبـه
الكيف والم ويقفاه الطلي من عند راعيه
بالعافيه مد يدك ونوش وصله من عصيبه




صح لسانك يابو فواز


الليل الليل يابتال



متاااااااااااااااااااااااااااااااااااااااااااااااب ع بشغف

صح السانك ياراع الصدق

وتقبل تحياتي

اشكر الاخوان الذين مروا على البدعه لهم مني كل التقدير والاحترام

المعذرة يالربع إنتظرت ما احد رد قلت يمكن العرب تابوا عن الشعر


لكن دام بدعت استلم



دام البقا يالمرحب والردد زلت حراويه=يا راعي الصدق وأنته خابرك قايد كتيبه
مكثور خيرك طليك يا عميل الخير مابيه=إن كان تخبر جليبه جيتكم بشري جليبه

صح السانكم . بدعه جزله من رياجيل جزلين

متابع لكم . وفالكم سيف المعنى

تقبلو تحيااااااتي الخاااصه

صقر عتيبة

صحت الالسن

وبيض الله وجيهكم



يا بتال الاقرع

وشلون تقول ماحد رد .. و الشاعر اللي بدع يناديك انت ؟؟ هههه

غدابك الكبر الظاهر ههه

حياك وننتظر مواصلة ابداعكم

صح لسانكم



شعار مبدعين



يعطيكم الف عافيه

بيض الله وجهك يبتال الاقرع على الرد الثمين وبيض الله وجه من مر على المتصفح لكم مني كل التقدير والمحبه

الظاهر انك كبير السن والا المكر قافيه= غديت بين السباع اللي مخالبها عطيبه

مقداركم عندنا غالي وضيف العز نغليه= والواجبه مدة اهل الطيب مافيها غريبه