سلام رديه تقص الدرب وتذاري النسيم= وتقلط على حضرة ثبيت وترتكي فوق الشداد


جوكم بني مسعود والبارق على حضرة زعيم= واللي يقف في وجه بارقنا يبشر بالهجاد

يامرحبا ترحيبة زانه ومعناها سليم= حنا ثبيت اللي يعاندنا نمد اله العناد

البرق لو انه برق وارعد نقول الله كريم= انتم تخبطون السمر والا تخبطون الكتاد

دام البقا بك من صطر وانته من رجال وحشيم= مادام جيت ونبت هبي يانسانيس البراد


الله كريم وعند رب البيت مفتاح النعيم= مار الصواقع ماتوقع غار في روس المهاد

انته حديد وجار واقدرك يالرجل الفهيم= والديره اللي دوب جاها الصيف نلقاها براد


بعض العرب مما بحاله لايبات ولايقيم= مار الحيايا الرقط تلقاها تحت في العراد

انته تقدرني وانا اقدرك ياهذا الزعيم= وانته ديارك ياجودي راعي بها شهب الجراد


يالشاعر اللي قرم بعض احين والاخرى قريم= ماعندنا في دارنا غار المهند فالغماد

اظن حظك مارما بك زين والجوزه عقيم= عساك تسلم لاتولاك السكا كين الحداد


انتم هذيل اهل العسل والسمن فالهجر القديم= هذا الكلام اللي نقوله واسمع العلم الوكاد

لا والله الا طحت فاللي تنثني قدم الخصيم= لكن بكره نرسل القوه علاكم والعتاد


ياعابد احذر لايجي ياصاحبي فالجو غيم= بعدين تبلش ماتشب النار من خشم الزناد

انته سوات اللي يشب النار في جوف الهشيم= الله يرحمكم بخير وعند خلاق العباد


حنا ترانا ماتحزمنا ولا شفنا البريم= وانا تراني مااعرف الاهلي ولا ابغى الاتحاد

ماقصرت ياالمسعودي بيض الله وجهك وحتامها مسك

صحت الالسن


محاورة جزلة واصلوا لا هنتم

الله على الابداع يا عابد

المسعودي صح لسانك

عابد صح لسانك


وطول الله عمرك


مشكورين

صحت الالسن وبيض الله الوجيه



محاورة فتل ونقض من الطراز الاول




لله دركم


تقبلوا مروري واعجابي


ودمتي بهذا التميز والابداع