دوروا لي شاعر(ن) ياخذ ويعطي فالمعاني= مايكل ولايمل ويضبط حروف القوافي

يحسب حساب الدقايق يحسب حساب الثواني= مايبيح بالسدود ولايبين كل خافي

حياك الله يا راع الصدق



جيت لوني على قول المثل حيل متواني=والسوالف يا عميلي كلها والله عوافي
مار هات العلم يا رجال وحساب الزماني=دام جوك يا رفيقي رائق والبال صافي

صح لسانك مليون يابو حازم رد مبدع حقيقة

راع الصدق


ابن هليل


صحت السنتكم

صحت الالسن


واصلوا الابداع

راع الصدق


بن هليل


بيض الله وجيهكم


على البدع والرد الطيب



جزاكم الله خير


والقوة

اشكر الاخوان المتابعين لهم مني كل التقدير والاحترام

صحت الالسن والابدان
ويعطيكم العافيه

شد حيلك يارفيقي وانحر سهيل اليماني= ياشعيل اشتال حملك لايجي فيه انجعافي

العرب حطوك قاضي والخبر جاكم وجاني= وانت مايحتاج فاالميقاف رجال(ن) سنافي

المعذرة على التأخر



لا توصيني على دربي خفا والا بياني=رمينا ماهو بلا زمن ولا بالميقاف هافي
الأمانه حملها ثقيل مير المودماني=من قديم الوقت شايلها وأنا بالعرف وافي

اشهد انك من رجال العرف كيال الوزاني=في مجال العرف والا الحرب عزوتك الرهافي

قاضيين النار تلهمهم وواحد فالجناني= في هذاك الوقت مافاد الندم والا الحسافي

الله الله



ما عليكم زود يا راع السمينه والسماني=أنت دايم في يميني الحذر تقعد خلافي
الله المعبود واحد مالنا معبود ثاني=يا خشير القوم حذرا لا تذكون العجافي

انت عضدي في نهار (ن) فيه روغات الذهاني = صفنا دايم قوي ولايجي فيه انحرافي

والله اني ماغزيت الا بمصقول (ن) يماني= مار انا خايف من اللي يستعي قبل الطوافي

الله الله



لا تصيح يارفيقي قبل ما يحين الأواني=أنت في نعمه كبيره مكتسي منته بحافي
دام بحزامك رصاص ودام بيمينك سناني=لا تخاف وشد حيلك لا تلحف باللحافي

كلها حشمه لواحد في مواقيفه نخاني= اعرف ثقال العلوم ولا اتجه يم الخفافي


الغليبه في مجال السبق تحسب شي ثاني= وانت تعرف يارفيقي هرجة الناس الضعافي

الله الله

عدل ثاني



من نخاكم يازميلي قبل ما جاكم دعاني=والقضيه كلها فنجال دله من مصافي
لا تسمع للهروج ولا تماري بالرهاني=المشارك بالمواقف للنشاما شيء كافي

ماقصرت يابو حازم والله انا استفدنا الشي الكثير من مجاراتك ياالغالي والختام عند لاهنت



اشهد انك جبتها والعلم ياالغالي كفاني= والمطر لو هو رشاش اخير من ذكر الجفافي

مار بعض الناس يابو زيد مصيوب بجناني= ياالله ارزقنا القناعه ياالهي والعفافي