بعد شوطين فالميدان ازيد الحق علاكم شوط= ولن زاد الامر زدنا علاكم والرجال شهود

انا عندي دوى المجنون كيه مع طرفها سوط= ومنها يسلم الجني وتوبه ماعلاه يعود

المسعودي




صح لسانك وبيض الله وجهك



بدعة رائعة لا هنت



وبنتظار الشيخ عابد ليكمل الابداع

والا ياشاعر الهذلان فيك من الشروط شروط=علاك من الشروط شروط ياحاوي ويامردود

انا حققت فالموضوع فيك من الخيوط خيوط= وانا خابرك ذيب مايداني ريحة البارود

صح بدنك يابن هليل وكل من تابعنا

والا ياشاعر الثبتان تبغى نجمتين ونوط= كمنك من عزاز القوم تفزع فاالليال السود

خيوطك ردها للي تراوح فاخر المربوط= وانا من لابة(ن) يوم الملاقا يقدحون زنود

انا خابر هذيل اهل المناحي تاكل الشرموط= وحنا ياوسيع المعرفه نشرب حليب القود


نسوق البل قدام الظعينه والفرس مربوط= لكن الله يمسيكم بخيره يابني مسعود

صحت السنتكم وبيض الله وجيهكم

وانا عندي خبر فاهل القرايا تاكل اللعموط= تليم فوقه عتيبه وتمعس مثل معس الدود

تسوقون الضعينه والفرس في ناحره ملبوط= من كفوف الرجال اللي على وضح النقا المجرود

انا مابغى عسلكم حيث مابيت العسل مصفوط= تريح بين ربعك لاتعنى والعدو مقرود

عشاكم فوقه الملح الكثير ورزكم ممهوط= احد منكم صحا والثلث الاخر فالمسيد رقود

انا خابر عتيبه كلهم مافيهم المضبوط= احد منهم يجر السمسميه واحد فوق الود


عشانا ياطويل العمر مانخلط علاه القوط= ترانا ناكل الفطحه ولا ناكل من العجرود

الله الله



وش ذا المصامخ الحامي


صحت السنتكم

اظنك ماتعشيت العشى من قدرك المظغوط=لكن اضحك وانا اضحك بك وهبي ياهبوب النود


عسى ربي يشيل العزوه اللي رزقها مغطوط= ترى ربي رمابك في علوم دربهامسدود

انا مااكل من قدور الهنود اللي تموطه موط= عشايه حافظه مايقربه هندي ولا مقرود

ضربك مغاط عامر لين جاك الشر ياممغوط= وانا خابر عتيبه فالمواقف ماوراهم فود

دخيلك لاتنوش الحاجه الي جلدها مجلوط= وحنا عتيبه الهيلا ودايم عسكر ابن سعود


انا ابمغطك وابا اجيبلك من عند الفقيه صعوط= علاجك جبته اليومه لقيته عند ابن دايود

انا مااقرب ولاني من رجال(ن) عقلها مفروط= ولاني مثل من ياكل عنب ويجربع العنقود


مغطك الناقر اللي مادواه الشب والشلهوط= والا ياشين حظك لو تنوشك درمة الجلمود

انا ماني بجوز العاهر اللي بطنها محقوط= علاها شارة حمرا وشوفتها تغث الفود


انا ابغبط الشاعر واقله دوك ياالمغبوط= علومك لاتنزلها نبيها فالطلوع سنود

وانا ماني بجوز الماعر اللي راسها قرفوط= ماغير الريش والجنحان وافالك من المنقود

ليا غبطت تلقا الصيده اللي راسها مرطوط= علاكم بالعوافي واشرب الما من غزير عدود

عساكم ماتشمون الهوى يااهل الجبل صابوط= لكن ان كان باليك الهوى فاصحا تكب نجود


ترى موترك ياسواق عان سرندله مفروط= اخذته كاش والا بالشهر تدفع علاه قصود

يا سلام عليكم شعار مبدعين صحت الالسن

سرى ليل الطرب والليل يالاقط وياملقوط= واحد يرقى الجبل واحد على سفح الجبل ممدود

ترى من ضيع وصاة الابو سموه بالمنقوط= عسى ربي يعوض مابذلته معك من مجهود

دخيلك لاتشلمطها واقلك روح ياشلموط= وردنا مالقينا الاالنضابه غاية المقصود

لكن الذيب ولد الذيب مايسري مع البطبوط= تقطع في جذوع الطلح وتنبرش هشيم العود

تشعبط في وانا اقول وخر ياهذا الشعبوط=اعلمك عربي وانته تراطن مثل رطن زيود


انا ماني بطير انا يميني فالشبب محطوط= مرار اقول ثلب ومر اقلك حاشي(ن) مفرود

انا خابرك مسعودي ولا انته من قبيلة حوط= وفيه ثياب ملتفه وفيه ثياب محروده

انا خابرك متعني ولاانته فالعرب مبسوط= وراع الضان مع ضانه وراع الذود مع ذوده

وانا خابرك فثبيت العريقه ماانت من غطغوط= من رجال الوفا واهل الكرم واهل النبا والجود


احد زارط بها الدنيا واحد في دنيته مزروط= واحد فرحان واحدن يالثبيتي فالزمن ملهود

تصبحون على خير واستروا ماواجهتوا

الله الله صح السانكم يا

عابد الثبيتي / و / المسعودي

بدعه جزله من رياجيل جزلين .. محاورة نارية الحقيقة ..

متااااابع لكم .. تقبلو تحيااااااااااتي الخاااااااصه

صقر عتيبة

صح لسانك يا المسعودي

صح لسانك يا عابد


محاورة قويه بصراحه

مصامخ و مصافق الله يكفي شره هههه


مشكورين