السلام عليكم ومساكم الله بالخير
واستلم يابن هليل
سلام يابن هليل يارفيع المقام=وسلا م للي معك باالمنتدى حاضرين
اخيل البرق يم الشرق وينوض شام=واقول يالله تجينا بالمطر كل حين

حياك الله يالحكيم


والمعذرة عدلت العنوان لكي لا تتشابه العناوين لمحركات البحث


واستلم لا هنت



يامرحبا مرحبا ياللي ترد السلام=من فضل ربي ترانا كلنا طيبين
لا تخيل برق مقفي والخلايق نيام=ما تأخذ الا نصيبك كان عندك يقين

الله يبقيك وخذراحتك ماعندك مشكله
ياصاحبي كل شي فالزمن له نظام=ومن عادة الذيب ماياكل يكود السمين
حنا ندور حلال ولانحب الحرام=وانته تعرف العلوم وخل قلبك ذهين

صح لسانك



دامك تعرف السوالف لا تخيل الغمام=تعش من خيرك اللي بالصحن باليمين
إسجد وكبر وصل الخمس خلف الامام=حتى يجيلك علامة سجدة(ن)بالجبين

صحت السنتكم وبيض الله وجيهكم

[oem= font="simplified arabic,5,green,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الله الله صح بدنك
حنانصلي ومن صلى يعرف الصيام=من جحر واحدمايلدغ مومن (ن)مرتين
المشكله غلطة الماموم بين الانام=غلق صلاته وامامه دوبه بركعتين[/poem]

الليل الليل



ياللي تصلي صلاتك صل خلف المقام=لا تمد يدك بجحر(ن)والحيايا دفين
واللي يقدم إمام ما يصلي تمام=صلاتهم باطله ما تنحسب للثنين

اللي يجيب العشا وشلون ينسى اليدام=ياكل ويشرب وخلق الله معه صايمين
الياتقدم واذن للصلاه اواقام=وش لون تحكم وتبطل سنة المسلمين

خلك معي بالسنام إن كان تبغا السنام=لا تردها ياعميلي للنحر والبطين
ودك تصلي صلاة بلا وضو يا غلام=لا تصلي الا صلاة ثابته بنص دين

طيب طيب
ان اعرف الصقر مايشبه فروخ الحمام=والذيب ياصاحبي مايشبه اباالحصين
انامعك كان جبت البندقه والحزام=اللي تخلي عضام الخصم مثل الطحين

روح زمان البنادق يوم وقت الخصام=اليوم حرب النجوم تروع الغافلين
لكن هيا نتخاوى والهمام الهمام=اليا صملتوا ترانا ياولد صاملين

الله الله



صحت الالسن



مبدعين واصلوا لا هنتم

الله الله

ابشر بعزك وعلمك وافي (ن)بالتمام=اليامشيتو مشانا والمواقف تبين
وش رايكم فالكلام اللي يجيب الكلام=اما تجي من حسن ولا تجي من حسين

التغطيه عندك وتصبح على خير ولنالقاء ان شاء الله

شكرانجم العرب اسعدنا مرورك

بيض الله وجيهكم على هذا القاف

الطيب

وجهك ابيض اخوي متعب الاعنه

الله يعطيك الف عافية


النوم سلطان وتصبح على خير



عساك سالم وغانم يا جزيل العلام=الرجل يحمي لزومه لو حمله رزين
يازين بعض الأنام وشين بعض الأنام=الدين يابو صمايل ما يغلق بدين