سلام رديه عدد ماهب نسناس النسيم= معطره بالمسك والريحان رفرف ياعلم

الصيف ركب واستوى ياصاحبي تمر القصيم= ياصقر هيا رف بالجنحان رفرف ياعلم

القصيم حر دور غيرها ههههههههه




يامرحبا ترحيبة بالشاعر الذرف الفهيم=وأعوذ بالله منك ياشيطان رفرف ياعلم
الصيف نوخ وأنت يارجال بحسابه عليم=خلك بدارك خوخ مع رمان رفرف يا علم

صح لسان بن هليل وراع الصدق واصلوا الابداع

صح بدنك ياسند الفهمي وحياك الله

دام البقا ياصاحبي واركب على الحر الهميم= وليا ركبته سم بالرحمن رفرف ياعلم


انت بدوي ماتعرف الا جنس طاده والحزيم= شوف التمر في ديرة القصمان رفرف ياعلم

كانك مجرب يا صحبي قول بالله العظيم=يا صاحبي جنب عن الديبان رفرف يا علم
السكري ما ينزرع بدياركم ياذا الغشيم=عيشتك دايم فتة القرصان رفرف يا علم

الله الله



صحت الالسن والابدان


واصلوا متابع

الله الله صح السانكم

يا بن هليل / ويا راع الصدق

بدعه جزله من رياجيل جزلين .. متابع لكم

تقبلو تحيااااااااتي الخاااااااااصه

صقر عتيبة

لاتستغش من العلوم يمين انا قصدي سليم= ابن البيوت وسيس السيسان رفرف ياعلم


ان لقيت الما والسماد يجيك منتوج(ن) طعيم=مير البلا مقروص فالاذان رفرف ياعلم

المسمدة ما نبيها نبا العثري هي اللي طعمها زين وينفع




أثر المطوع يا عرب ما ينقرب سم سقيم=مثل العمى يرمي بلا نيشان رفرف ياعلم
أحسبه بالمسجد يسوي حاجز دون الحريم=أثره سوسة تنخر العيدان رفرف يا علم

اقرب تشجع لاتخاف قرايته تطرد رجيم= وتلين الاعصاب والوردان رفرف ياعلم


انا يمام الكل وامشي بالصراط المستقيم= ما اخاطب الورعان والنسوان رفرف ياعلم

الله الله



الناس تطعن بالكبود وطعنكم تحت البريم=ذيب غبر ويخاتل الرعيان رفرف يا علم
بكره نبا نبلغ صليم بقصة بناخي صليم=تكهن بناخيها عن العربان رفرف يا علم

الطعن هين والبلا فااللي نزل روضة خريم= مع الصفوف يردد القيفان رفرف ياعلم


ماتت نميه مار يابو زيد ماماتت عقيم= جابت شيوخ لحضرة العقلان رفرف ياعلم

الله الله


أقول ما فيك حيله الله يخارج منك



الليل توك لا توخر ودنا نسكت بليم=ذي حزة الرحمن والسفطان رفرف ياعلم
لكن لا وصيك خلك ياولد دايم حشيم=إحذر يدينك تنخش الصدعان رفرف يا علم

الجو صافي مادخل ياصاحبي فالجو غيم= لكن حذرا تقرب العلمان رفرف ياعلم


انا ليا جبت الكلام اخش في قلب الصميم= واسرج خيول العز فالميدان رفرف ياعلم