المحاورة التي جرت في يوم الاربعاء ليلة الخميس

بتاريخ (17 / 3 / 1431 هــ ) ( 3 / 3 / 2010 م )

بين الشاعرين الكبيرين هما

1 ) بن هليل

2 ) قايد الفوج

اليكم المحاورة

بن هليل


قايد الفوج بنرقيه رتبة لوا=ثم نعفيه من منصبه حسب النظام

ون شكى من وجيعه عندنا له دوا=ون تعذر علاجه ياعسى للرحام

قايد الفوج


كلنا فالهواء يابن هليل سوا = بادع القاف لا تبدع بغير السلام

ذيب ياللي على المرقاب قام وعوا = تعرف اللي جنوبه صلب وقت الزحام

بن هليل


من ورد للعدود الصافيات إرتوى=وإن ورد غيل موبي راح عند الشمام

لا تسمع لمنهو بالأذاني دوى=والتحية تبا تقطع صلاة الإمام

قايد الفوج


ما تنفست غير الصافي من الهوا = وان تكلمت اجيب امثال خير الكلام

الضعيّف ضعيّف لو اشيله هوى = مار شوف الرعيه و انت راع الحسام

بن هليل


العرب بالجزيرة شافت المحتوى=المراسل يقول الخلق راحت عدام

من يذكي ذبيحة يحتزم للشوى=لا يوفر لحمها والشحم والعظام

قايد الفوج


المراسل رفيع الراس و المستوى = مار وسط الجزيرة ناس تهوى الظلام

يا وجودي على لزمة لعين الثوى = مير ما يحمل اللي يحتزم بالحزام

بن هليل


الصقر ياعميل الخير ما ينشوى=لو بعض العرب يحسبه فرخ الحمام

شفتكم لازمين البس وأسمع صوى=خنقة البس يامسلم تراها حرام

قايد الفوج


ابشر ان السقيم ابن السقيم انكوى = يا يزول المرض والا يزيد السقام

احسب انه سليم الدرب واثره غوى = مير ابنصحك عندك لا يقيم وينام

بن هليل


دابنا اللي علاكم بالجرين التوى=سم نابه يصحي للرقود النيام

أكل تمرتكم الحلوة ورمى النوى=ويش ودك تسوي فيه ياذا الغلام

قايد الفوج


دابكم من بعد مالفكم وانطوى = ما هقيته يعوّد للرجال الحشام

بسّةٍ جالها وسط الغداري مواء = لفت ذنيبها والناس تنظر حيام

بن هليل


بعد بين حصيله والثياب الطوى=قضها بالحراج البايره ما تسام

نجمة الصبح بانت والجنوبي غوى=والحمول الثقيله باقيه بالسنام

قايد الفوج


يا حسين السجايا لا تدور خوى = دف ولد الحرامي خلف وادي جهام

اربعميه وميّه وافردوها سوى = بيّنه ما تبا توضيح يابن الكرام

صحت الالسن .. بدعه رااائعة بصراحه

ولاهي غريبة عليكم ..

ويعطكيم العافية


كل الود
..

قايد الفوج وابن هليل انتما لستما بشاعرين بل مبدعين بكل ماتحمله الكلمه من معنى لكما مني كل الحب والتقدير والاحترام

يا سلام عليكم مبدعين كلكم


لكم التحية

تقبلوا مروري واعجابي


ودمتم بهذا التميز والابداع

صحت الالسن والابدان محاورة رائعة

صحت السنتكم


مبدعين مبدعين


لكم التحية

صح السنتكم


مبدعين الله يعطيكم العافية

صحت الالسن


ابداع رائع بيض الله وجيهكم

يا سلام عليكم



محاورة رائعة



صحت الالسن والابدان