بسم الله الرحمن الرحيم

المقدمة


الليلة اللية ترى نورها غير=ليلة فريدة بين كل الليالي

قايد الفوج محيا بك إنتظرتك تبدع لكنك توخرت

هذا الطاروق كان ناسبك والا غير


الله الله



قايد الفوج بنرقيه رتبة لوا=ثم نعفيه من منصبه حسب النظام
ون شكى من وجيعه عندنا له دوا=ون تعذر علاجه ياعسى للرحام

يا سلام ياسلام


الليل الليل


وين قايد الفوج

بارك الله فيك ياشيخنا الفاضل بدعه مميزه من شاعر مميز وننتظر شاعر ثبيت المبدع قايد الفوج

ليكتمل الابداع ونحن متابعون للمتعة والفائده شكرا لكما مقدما

البقاء يابن هليل

انا انتظرك وانت تنتظرني . ههه لكن صح لسانك واستلم



كلنا فالهواء يابن هليل سوا = بادع القاف لا تبدع بغير السلام
ذيب ياللي على المرقاب قام وعوا = تعرف اللي جنوبه صلب وقت الزحام


عفواً

... تعديل ...

الله الله



من ورد للعدود الصافيات إرتوى=وإن ورد غيل موبي راح عند الشمام
لا تسمع لمنهو بالأذاني دوى=والتحية تبا تقطع صلاة الإمام

بن هليل / قايد لفوج

صح السانكم محاورة جزله من رياجيل جزلين

متااابع لكم .. تقبلو تحيااااااااااتي الخااااااااااصه

صقر عتيبة

الله الله


مبدعين صحت الالسن


لكم التحية

هههه

ما تنفست غير الصافي من الهوا = وان تكلمت اجيب امثال خير الكلام
الضعيّف ضعيّف لو اشيله هوى = مار شوف الرعيه و انت راع الحسام

الله الله



العرب بالجزيرة شافت المحتوى=المراسل يقول الخلق راحت عدام
من يذكي ذبيحة يحتزم للشوى=لا يوفر لحمها والشحم والعظام

المراسل رفيع الراس و المستوى = مار وسط الجزيرة ناس تهوى الظلام
يا وجودي على لزمة لعين الثوى = مير ما يحمل اللي يحتزم بالحزام

ههههه لله درك



الصقر ياعميل الخير ما ينشوى=لو بعض العرب يحسبه فرخ الحمام
شفتكم لازمين البس وأسمع صوى=خنقة البس يامسلم تراها حرام

الله على بدع الامثال والقيفان الي يلحنها كل من له باع طويل في هذا المجال الشيق الذي يرمز لكل معنى برمزيه معينه يستمتع في البحث عن معناه متتذوق هذا اللون الجميل من الشعر العربي

وبيض اللــــــــــــــــــــــــــــــــــــه وجيهكم يا جماعه..


منـــــــــــــــــــــــــــــــــــابع ..
تقبلو تحياتي وخالص امنياتي...

ههههه

صح لسانك


ابشر ان السقيم ابن السقيم انكوى = يا يزول المرض والا يزيد السقام
احسب انه سليم الدرب واثره غوى = مير ابنصحك عندك لا يقيم وينام

الله على بدع الامثال والقيفان الي يلحنها كل من له باع طويل في هذا المجال الشيق الذي يرمز لكل معنى برمزيه معينه يستمتع في البحث عن معناه متتذوق هذا اللون الجميل من الشعر العربي

وبيض اللــــــــــــــــــــــــــــــــــــه وجيهكم يا جماعه..


منـــــــــــــــــــــــــــــــــــابع ..
تقبلو تحياتي وخالص امنياتي...

شهادتك فخر وتاج على الرؤوس

تشرفنا متابعتك

و وجهك ابيض يا ابو عبدالرحمن

الله الله



دابنا اللي علاكم بالجرين التوى=سم نابه يصحي للرقود النيام
أكل تمرتكم الحلوة ورمى النوى=ويش ودك تسوي فيه ياذا الغلام

يا سلام عليكم يا مبدعين


صحت الالسن



متابع

دابكم من بعد مالفكم وانطوى = ما هقيته يعوّد للرجال الحشام
بسّةٍ جالها وسط الغداري مواء = لفت ذنيبها والناس تنظر حيام

صح لسانك



بعد بين حصيله والثياب الطوى=قضها بالحراج البايره ما تسام
نجمة الصبح بانت والجنوبي غوى=والحمول الثقيله باقيه بالسنام

اسلم اسلم



يا حسين السجايا لا تدور خوى = دف ولد الحرامي خلف وادي جهام
اربعميه وميّه وافردوها سوى = بيّنه ما تبا توضيح يابن الكرام

ياسلام على المعنى السامي وجزالة الالفاظ متابع بشده

المستشار

راع الصدق

متابعتكم شرف لنا


صحت ابدانكم


لا عدمناكم

الله الله


مبدعين بيض الله وجيهكم محاورة راقية

بن هليل

قايد الفوج


بيض الله وجيهكم وصحت السنتكم على

هذه المحاوره الجزله والقويه بمعانيها

فعلا قمة المتعه والابداع لقد اتحفتونا

بهذه الرائعه من روائعكم المعتاده

الله يعطيكم الف عافيه والى الامام

احبتي وفقكم الله ...لكم التحيه

والتقديــــــــــــــــــــــــــر

دليل القوافل
ابن عميش


اشكركم على حضوركم المتميز


اتحفتونا بمشاركتكم

بيض الله وجيهكم

وصحت ألسنتكم


جزالة من اهل الجزالة


تقبلوا مروري واعجابي


ولكم جل التقدير والاحترام