ياسلام الله سلام(ن) من سليم النيه= مستعيذ من الرجيم بقدرة الرحما ني

ماتت الحيه وقلنا مات سم الحيه= باقي الجربا دواها عندي القطراني

يا ساتر يا ساتر


هجوم كاسح من أولها يا راع الصدق


أنا براقب سير المعركة عبر الاقمار الصناعية


صح لسانك وبنتظار من يبني والا يهد


متاااااااااااابع

راع الصدق


صح لسانك بدعة قوية



بنتظار من يرد

راع الصدق


صح لسانك على البدعة الراقية


وجدتها عند دخولي ولم أجد عليها رد

فالمعذرة لو كانت موجهة لغيري لا أعلم لكن برد ولو المقصود بها شاعر اخر ارجو تنبيهي

واستلم



بالنيابة مرحبا يابادع الرديه=من تعلق في حبال الله نجا يافلاني
ليا ذبحت الحية الرقطا تموت السيه=ياعسى الله يشفي المبلي ولا يبلاني

راع الصدق



بتال



صحت الالسن بدع كايف ورد وافي



متابع

الله الله


مبدعين واصلوا لا هنتوا ...........متااااااااااابع

الشاعر راع الصدق



أعتذر منك الان لظرف طارئي سوف أعود مساءا إن شاء الله


تقبل إتذراري

الليل الليل



صحت الالسن والابدان



بالصف

مرحبا بك مليوون يابتال الاقرع ومادام رديت الله محييك واستلم ياالغالي



الله يحييك بعد انك لفيت هنيه= الشحم مع مرحبا مع دلة الرسلاني

عرف بنفسك ومن وين الدير ونحيه= والله اني في حياتي مااعرف القرعاني

الله يبقيك ويبارك فيك



جيت ناصي ياعميلي حلة مبنيه=يازميلي ماني بظامي ولا جاعاني
يا عتابه ظن بالي عيونكم معميه=لو تفتش في جوابي يا ولد تلقاني

والله اني في حياتي ماعرف القرعاني

هههههههههههههههههه

الله

لو تفتش في جوابي ياولد تلقاني

الله الله


صحة الالسنه والقلووب

صح لسانكم جميع




على هالابداع





متاااااااااااابعين

راع الصدق .... بتال الاقرع

صحت السنتكم وبيض الله وجيهكم

ابــــــــداااااع رائــــــع

عساكم على القوه

الليل الايسري

مــــــتابع

واصلوا الليل الليل الصفوف لا تتعب



صحت السنتكم جميع

الشعار شعارنا للضيف يا الله حيه= دامت انك مارق الحله مع البيباني

نارنا ياللي لفيت الدار نار(ن) حيه= والرساله من طرفكم مالها عنواني

صح لسانك وينك الله يحييك تأخرت كنت بسري



استلم



البقا واجب لمثلك يا فتى عليه=المكان اللي مرقته ياولد يحماني
لا تسي الظن خلك دايم(ن)بنيه=هات علمك واطرحه في كفة الميزاني

العطيه وافيه وان صغرت لعطيه= وانت تبغا الثانيه مير استلم من داني

المعادي بالجنابي نصبره صبريه= مير ياالاقرع علاك مخيل الرباني

ايه ايه



يالعتيبي لا تجيب علومك الملويه=امش بالدرب السريع يسابقك حصاني
ويش جبتوا من غنايم غير ذا المنقيه=بكره تردونها معزا خليط وضاني

طيب طيب واستلم



جبتله علم الوفا لكن الاقرع عيه= قلت هاك الطيب قال ابغى الكلام الثاني

لاتقرب من حدود الديره المحميه= العتيبي من وراك يحدد النيباني

ايه ايه




في قديم الوقت كانت جنة مرضيه=إنطفت نار الرجال اللي تشد العاني
العرب تضحك من المصري مع المصريه=وأنت أشوفك قمت تقربهم تقول أخواني

البلا ياصاحبي فالعله المخفيه= مثل فعل الناقده في صلبة العيداني


من ضحك من علة الاصلع تجي بوخيه= مير االاصلع مايذم ليا لقي صلعاني

هههه


ايه ايه



قامت السوسة تنوش لحيتك ويديه=شفتها حولك ترفرف ببرق الجنحاني
وأنت يا ذيب السرا عينك تعاين فيه=ودك بشحم السمان وفطحة الخرفاني

باذن رب البيت ترجع صاغره مخزيه= لين تصبح مركمه في حومة الميداني


البعض يطرب ليا اوحا الفرقه النجديه= والبعض ينساق لاوحى تركي الميزاني

صح الله السنتكم جميعاً

محاورة رائعه ومميزه

الله يعطيكم العافية

تقبل أرق التحايا و أعذبها

الله الله

صح لسانك يا راع الصدق

صح لسانك يا بتال

جزلين والله

الله يبيض وجيهكم على الطاروق الرائع و المميز


البعض يطرب ليا اوحا الفرقه النجديـه = والبعض ينساق لاوحى تركي الميزانـي
البعض يطرب ليا اوحا الفرقه النجديـه = والبعض ينساق لاوحى تركي الميزانـي
البعض يطرب ليا اوحا الفرقه النجديـه = والبعض ينساق لاوحى تركي الميزانـي
البعض يطرب ليا اوحا الفرقه النجديـه = والبعض ينساق لاوحى تركي الميزانـي
البعض يطرب ليا اوحا الفرقه النجديـه = والبعض ينساق لاوحى تركي الميزانـي

ختمها الرحمن وختامها



أخر الدنيا تهد بيارك المطويه=مسلم بالأسم والافعال للنصراني
الحصون محصنه ياصاحبي مرعيه=والخطر قادم على ورعانك وورعاني

بيض الله وجيهكم

والله يعطيكم العافيه

صحت السنتكم جميعات مبدعين