المحاورة التي جرت في يوم الاحد ليلة الاثنين

بتاريخ (6 / 3 / 1431 هــ ) ( 21 / 2/ 2010 م )

بين الشاعرين الكبيرين هما

1 ) مخلف الهقوات

2 ) بن هليل

اليكم المحاورة

مخلف الهقوات


هيه ياشعار يااللي تبحثون عن الجزاله= الكلام ليا ارتخى ماني وانا مخلف زبونه

شاعر السلمان وامثل رجال بكل حاله= والروى عده تباه الورد وان ضميو يجونه

بن هليل


شاعر السلمان ما رد السلام من الهباله=التحية من قصرها ياعرب لا تامنونه

البعير اللي نصانا ليش يعتب في عقاله=نوخوه ونادوا الجزار ياللي تنحرونه

مخلف الهقوات


ماكفاكم يوم ارده فوقكم في كل لاله= ردو المجنون لابعدين مخلف تنقدونه

مايفك عقاله الا من تسمت بالكحاله= مار بارك ياعميلي فوق هذيك الحنونه

بن هليل


ليا برك ثلب البقيلي لعنبو منهو حلاله=أدري إن البدو لا بغوا رحيل بيرحلونه

مار يامخلف دخيلك حط للأقشر رحاله=وإن تركته يا عميلي فالبدو ما يافرونه

مخلف الهقوات


من مبارك ثلبنا فزعتك ياالطيب عياله= الله يبارك لكم فالذر يااللي تقتنونه

البقيلي صامل الزندين كيفه من دلاله= مااستعار العرف مار الراس عزه من متونه

بن هليل


السليمي يحسبن المعرفة ببسي بقاله=كل ما مره عتيبي قام ترمش له عيونه

واجبي أنصحك قلط بالصحن بكره بداله=واحفظ المجنون بالشطيان لين تبرهنونه

مخلف الهقوات


السليمي تعرفونه من رياجيل الشكاله= من يمر بدون داعي حالفن لااكسر سنونه

ماش غار الثلب في نسله وتحسين السلاله= واعرف ان الدار من دونه رياجيل يحمونه

بن هليل


البقيلي من عماه يشيل سمه في شواله=يحسبن الملح سكر من هجفهم يقضمونه

مير أنا نويت بطحن حبته داخل ثفاله=إن بغاها بالرضا والا عتيبة يكتفونه

صحت الالسن والأبدان

محاورة رائعة


مشكور على التنسيق


لكم أطيب تحية