انا الليله على غبة بحــر عايـم وانا السباح
وانا اللي من قديم الوقت رمعاتي قياسيه

ولا يبن هليل ويش معنــى قـــدحة القــداح
جنوب الدار يجحـــدها ويعبث في شماليه

صح لسان عاشق ذوق والله مانت بسيط ياعاشق ذوق بيض الله وجهك

عاشق ذوق

صح لسانك وبيض الله وجهك

ننتظر شاعرنا ابن هليل

عساكم عاى القوه

مــــــتابع

صح لسانك يا عاشق


وفي انتظار ابن هليل ليكتمل هذا الابداع



متاااااابع

مساكم الله بكل خير


المعذرة تأخرت لارتباطي بمناسبة

وتو ما رجعت الأن ولقيت هالبدعة

صح لسانك يا عاشق ذوق...بأخذ معك شوي ونكمل الباقي بكره ليا شاء الله

وكل مطرود ملحوق



تحذر ياصبي قبلك بهذا البحر طاح وراح=وموج البحر ما يرحم ولا يعرف لماويه

تريح وإذكر الله واكثر التسبيح بالمسباح=وخل الدار لا تشغل لبالك عنك محميه

بيض الله وجهك عاشق ذوق وبيض الله وجه ابن هليل على البدع المميز والرد المتميز تقبلا تحياتي بكل ود واحترام

الا ياصاحبي لن كان طاح مــن العــــرب وضاح
انا اغـــوص البحور وحنكتي حنـــكه سياسيه

انا مـــاجيت ابتسمع نصيحه منــــك يالنصاح
لفيت احسبك من قومن تشوش ونارها حيه

عاشق الذوق / بن هليل

صح السانكم على ها البدعه الجزله المميزة

متابع لكم .. وتقبلو تحيااااااااااتي الخاااااااااااااصه ..

صقر عتيبة

ليا كان ما تقبل نصيحة باح عقلك باح=أنا ماني مخاوي ناس بالسيات مبليه
أظنك صنعة ام قرين تبحث خنجر الذباح=تحفر لموتها بظلافها دام إنها حيه

الله الله



صحت السنتكم عساكم على القوة

انا ادري انك تــروع كل ماطرانا لك المــرواح
قدح زندك بقــدحة نار راوي مــن خبث نيه


وانا الليله نويت اغز السفينه واذبح الملاح
وباخذ مــن نقا واشوم عــن هاذي وهاذيه

حياك الله يا عاشق ذوق



ترى ثوب العري ما يستره يا صاحبي وشاح=وعين(ن)ما تناظر دربها لا بد معميه
ونبت الحنظلة يا صاحبي ماهو كما التفاح=لو الثنتين من نهر الصفا بالمي مرويه

تـــراها عنـــدك ومنكم وفي ثغــرك تغـــز ارماح
تشيل الثــوب في كفـــك وتلبس ثــوب عاريه


وانا الشاعر وانا القاتل وانا السابي وانا السفاح
وانا اللي لي على قمة سنام المجــد مــاريه

حياك الله

الذباح سرت



وكاد إنك مريض وقرر الدكتور صرف لقاح=لعاشق ذوق ويقول النتيجة ميه الميه

عسى ربي يتمم خير بالمقطار والمفساح=ليا ركب الدلج لعبتك يالعاب منهيه

عدلناها بربع وثمن يابن هليل جل من لا يسهو


عليك من النشاما شرهتن تهرجبها الفصاح
وتعمي فكـــــرك الحيره وحالك حال مـــرثيه

احد نازل واحد صاعد واحد هارب واحد نطاح
وانا بـبـداية المشـــــوار نـبهـت العليـــميــــه

الله الله





ياكبر الحوته اللي جابها الحوات للتمساح=وهذي مهنة الحوات والصنعة وراثيه

يا عاشق ذوق بعد إنك وقعت بمشرط الجراح=تصبر يا عميل الخير فوق الجرح والكيه

هـــــذاك انته ليا منـك طمعت ومخ فكــــرك زاح
تعــــود في ضميرك مــن يميني طعن شبـــريه


انـا لا حـميت الـوقفات جيـت بـماقفي ياصـــاح
اقف في ماقفن يحسب ضمن ناسن شقرديه

الله الله


باح سرت




أشوف القدر من حر السمايم يا زميلي فاح=غريبة ويش حمى قدركم ومسخن الميه
ترى منته بجايب من شراك وبيعك الأرباح=ليا خاشرت لك شلة حلنقيه حراميه


خلاص جاء ما كفا بيض الله وجهك

الله الله


باح سرت





خلاص جاء ما كفا بيض الله وجهك




صح لسانك يابن هليل
شاعر مافيك حيله

وبالنسبه لكلمة باح انا عدلتها

ولكن :تراني ماحسبت عليك :كلمة (حيه )جبتها
انت وهي ساريه

وكذالك ماحسبت عليك شطر مكسور

هذا الشطر ماهو على اللحن

((ليا كان ما تقبل نصيحة باح عقلك باح))
على كل حال استمتعنا باللعب معك ولونك
استعجلت في انهاء المحاورة رغم انها توها زانت

مشكور وبيض الله وجهك


حية الله يكفيك شرها


غير حيتك ....والشاعر ما تخفى عليه لو أنت دققت


والله يعطيك العافية

عاشق ذوق(لفيت احسبك من قومن تشوش ونارها حيه )




بن هليل
(تحفر لموتها بظلافهـا دام إنهـا حيـه)


ساريه يابن هليل :المقصد في المحاورة
بخصوص الساري واللي ماهو ساري :
المقصد الكلمه :ماتكرر :كماقف للبيت او الشطر
لكن لو جبت نفس الكلمه في الوسط او في بداية الشطر
عادي :اهم شيء ماتكرر نفس الكلمة في الماقف
وانت هنا كررت كلمة حيه في الماقف

وهذه محاوره ونظامها معروف يالغالي
ماهي شقر حتى تكرر نفس الكلمه بمعنى اخر

على كل حال ماعندك مشكله شاعر جزل ولا عليك كلام

مشكور ما قصرت الظاهر بتعلم على يدك

وانا عمك اخاف اقول يا ولدي تزعل


حية.....النفس


حية.....الداب


وحية....النار وهذا مجازي وليس حقيقي


ليا كان ما تعرف القصد من الكلمات لا تحاور وانا عمك

مشكور ما قصرت الظاهر بتعلم على يدك

وانا عمك اخاف اقول يا ولدي تزعل


حية.....النفس


حية.....الداب


وحية....النار وهذا مجازي وليس حقيقي


ليا كان ما تعرف القصد من الكلمات لا تحاور وانا عمك


ههههههههههههههه
مجازي :طيب طيب يابن هليل
اللي تشوفه ماعندك مشكله

صحت السنتكم


ما فيكم حيلة

نشكر :كل من نورنا واسعدنا
بمروره :ونعتذر لهم عن التأخير
في رد الجميل