ياعاشق ارحب على سمن ومضير= من عند راع الوفا والطايله

ننقشك لك الثوب من زري وحرير= واصحاك ترمي ببندق عايله

راع الصدق


صح لسانك وبنتظار زميلك

جعلك على العز ومن الله بخير
وتقــــول قــــولن يمثل قـــايله

ونحط لك حمل من تحته حصير
تسرح وتضوي وحملك شايله

صحت السنتكم


واصوا الله يعطيكم العافية




متابع

جاك الفرزدق تولم ياجرير= ماعاد عندك حبل ومحايله

مبروك ملفاك ياالورع الغرير= نذبح له ام العصيب الحايله

فواز الثبيتي

سعدنا بتواجدك ومتابعتك

فواز حياك الله ياالغالي وساعدني على عاشق ههههههههههه والخط لايختلف ههههههههههه

خــيل خيالك ونشا مـــن عصير
ولا شفت منه المسايل سايله

والـــورع روعك يالشيخ الكبيــر
يــــرسي كما الضلع منته زايله

ابو فواز انت تسد دون عشرة من شعار القوافل


وان لزم اللازم ابشر بعزك


عاشق الله يبارك فيك والشرف لي في متابعة محاوراتكم



لكن انتبه لا تخالف على راع الصدق ثم تنقلب القوافل كلها علااااك ههههههههههههه

الله يسعد ايامك ياسنايدي والقوافل يد وحده هههههههههههه

ههههههههههههههه
الله يسعد عينك اخوي فواز
ويخليك لعين ٍ ترجيك

والله يالغالي اني ماقصرت مع راع الصدق
ودامحله زلات في الأبيات الإولى والود ودي
انه يكون في احسن حالاته في هذه المحاوره
ويسرع بالرد شوي عشان تحمى المحاورة
ونستمتع :

العصر شفناك في وسط الغدير= والناس حولك وخلفك ظايله

الورع خله على هاك السرير= واللي تكيله عميلك كايله

المحاوره خيو مطلات جربا تحمل مايجيك هههههههههههههههه

حقيقة يا اخ عاشق يعلم الله انني اكن لك كل تقدير واحترام لكن العصر ماهو بعيد والجايات اكثر ياعيوني

طالت حبالي يبو حبلن قصيــر
مــــاضعت وانته تضيع القايــله

لا تعتـــزي ثــــم توقف ماتسير
وصــــم الصفا ماقـــدرت اتهايله

الله الله صحت السنتكم


الله الله صحت السنتكم

الله الله صحت السنتكم