المحاورة التي جرت في يوم الثلاثاء ليلة الاربعاء

بتاريخ (2 / 3 / 1431 هــ ) ( 17 / 2/ 2010 م )

بين الشعار الكبار العمالقة هما

1 ) راع الصدق

2 ) بن هليل

اليكم المحاورة

بن هليل


يقولون الجبل شامخ وأنا قول الجبل راسي=لكنه ما منع شاهين لا حلق على راسه

وأنا لو الزمه بنسفه لين يصير متواسي=ياراع الصدق باسي بالفكر أشد من باسه

راع الصدق


صحيح ان الجبل راسي صحيح ان الجبل قاسي= على الارض متواسي يارفيقي ثابت(ن) ساسه

تقدم واحتزم ياصاحبي بالدرع والطاسي= وشن الحرب فوقه واقرع طبوله مع اجراسه

بن هليل


يحسب إني تركت المملكة من غير حراسي=جنود المملكة لحدودها ماتنام حراسه

يقولون العرب السيف ماهو صنعة الفاسي=غزير البحر ما ينقصه طرقي شرب في طاسه


راع الصدق


اقول انك سواة امن الطرق بالحيل حساسي= ورب البيت معطيك الذكا وشعور حساسه

ترى اللي ساكن(ن) في فاس يطلق فوقه الفاسي= والا يااللي نويت البحر قيسه واعرف قياسه

بن هليل


ياراع الصدق ليش الزير وده ذبح جساسي=يشب الحرب شرق وغرب والأعراق دساسه

ترى ما كل ما يلمع يشابه لمعة الماسي=لو البلور يغلا كان قلت قيمة الماسه

راع الصدق


عشان الناقه القشرا ذبحها نجس الانجاسي= وصارت مشكله وحلولها بالحيل منحاسه

على ريح المطر بدو الشمال تدز عساسي= وعلمه صار مثل الصك قالوا قال عساسه

بن هليل


أنا للحرب والم يافتى جيشي ومتراسي=وبقصف قوة الخصم الشقي واهد متراسه

يقولون المقنع ما يبان الوجه والراسي=وأنا اقول المقنع ينعرف من ريحة أنفاسه

راع الصدق


مريكا دولة(ن) عظمى لها هيبه مع الناسي= ليا منه ذكرها الخصم فز وزاد وسواسه

الا ياراعي المحماس جا للبن حماسي= مصير البن يحمس فوق نار بوسط محماسه

بن هليل


أنا ماهمني بالوقت لا عاري ولا كاسي=لو إنه يطلع المريخ في مركبة ناسه

ياراع الصدق لا تلحق يدينك كهرب الماسي=تعوذ من بليس وهاك شربة مي بالكاسه

راع الصدق


يبا ياتيك مع دربه شماس وبعد شماسي= وقريب تجيك ياذيبان فالمجلاس شماسه

انا ماداني اللي مع ربوعه دوم بلاسي= اعوذ بربنا المعبود وادحر كل بلاسه

بن هليل


ترى النحال لا حصل عرام يجيب منخاسي=وهذي عدة النحال دوم يشيل منخاسه

ياراع الصدق لا توقد حرائق روس الأطعاسي=ليا شبت حريقه تكره الدخان وعماسه

راع الصدق


انا اقول ان بنكي مايساوي بنك الافلاسي= ربح بنك الرياض وساب بكره يعلن فلاسه

الا يابن هليل عافيه خارج من الباسي= ترانا مسلمين ولانحب البغض واوقاسه

بن هليل


ترى منهو غرس في غير داره خاب مغراسي=وراع الصدق دايم ما يخيب نبت مغراسه

ليا خسرت بنوك الكفر بنك الدين نوماسي=وراع الدين دايم طيب(ن)قوله ومجلاسه

راع الصدق


الا يابن هليل قدوتي فالعلم نبراسي= ولا خابو رجال (ن)يقتدون بنور نبراسه

احد يلبس ثياب البز واحد(ن) يلبس اللاسي= واحد يعجب ببزه واحد يعجب من لبس لاسه

مشكووور على التنسيق الرائع

وصحت السنت الشعار

الله يعطيك ويعطيهم العافية

تقبل تحياااااااااااتي الخاااااااااااااصة

الزعيم

لا شكر على واجب وهذه اقل شي نقدمه لهم

والله يقويهم ويارب ماننحرم من شوفتهم

مشكور على الرد الجميل المميز

تقبل تحيااااتي الخاااصه

صقر عتيبة

الله يعطيكم الف عافية



محاورة رائعة

الله الله


صحت السنكم ومشكور على التنسيق