هذه اول بدعة ومشاركه لي مع الرجال الوافيه ارجو ان تنال اعجابهم واستمر معهم على العلم الغانم فالضيف كما يقال اما رفع سمعتك والا هرج فيك فانا ان شاء الله من الذين يحسنون الصنيع
ولاني من الذين يقال عنهم الضيف شقص من الجن فاليكم البدعه وانا توني عليمي هههههه

سلام رديه لها بصمات بصدور الرجال= من طيبها لاهل الوفا والمعرفه رديتها

الطيب اللي ينتصيها ينتصيني بالدلال= حتى نقله والنعم لاهل الكرم وفيتها

المسعودي


صح لسانك اخوي ما ني بشاعر لكن مرحب وبنتظار الشعار

حياك الباري ورفع قدرك في الجنه ام الانهار والثماري وجعلني جارك وجعلك جاري

الله محييك بين الرجال في منتدى الملوك



يامــرحبا ترحيبت ٍفيها مـــن اخصالك خصال
تــرحيبت ٍ بالضيف صيته مـــن كرامة صيتها

مــن عندنا مــابه دلال الا لجل بنت الحلال
وانته رجل ياصاحبي شيمتك ويــن اغديتها

المسعودي / عاشق ذوق

صح السانكم على الطاروق الجميل في عز الظهر متابع لكم

ومتجه يم الصف .. تقبلووو تحياااااااااتي الخاااااااصه ..

صقر عتيبة

دام البقا بك يامرحب عد همال الخيال= من مد لي يمنا الوفا يمناي اله مديتها

هذي علومك ردها باالله دخيلك ماتقال= لاتتهمني بالردى والعين مالديتها

صقر عتيبه لك تحيتي واحترامي ياالطيب

مدام يالصاحب حظرت ومشربك صافن زلال
مديتلك يمنى ويمينك مـــن فخـــــــر حييتها

الشطر به كلمه تثير اعصاب مكرمت السبال
لا تزعلك منــــــي نصيــحه واعتبـــر ماوحيتها

ياعاشق ذوق صح لسانك عدد(خصالك خصال) ههههههههههههههههههههههههههههههههه

صح بدنك يالمسعودي وتدوم
هالضحكه العريضه :وانشوفك
من شعار المنتدى

جبت الحصاه الهينه ياهيه من روس الجبال= وتقول انا فوق العرب من حنكتي دربيتها


الناس منتبهه لاتحسب فالبلد ناس(ن) غفال= لكن من باب الحيا ياالاجودي مشيتها

اقـــولها واطـــولها واقـــوم بحمولــن ثقال
وانته تجــمعها وتجهل لغـــزها واخطيتها

ماجبتها ماجبتها منك انت جايبها عجال
بعـد ورطت ابها بلشت ولقمتك غصيتها

انا ادري انك شايل اللي ياعويشق مايشال=انته غنيمه من غنايمنا بعد سويتها


مايضحك العقال بالدنيا يقع هرج الخبال= انا اجمع العربان فوقك وانت تخرب بيتها

ياعويشق فاهم الثنتين كلها لكن ماتمشي على بني مسعود هههههههههههههههههههههههههههه

قامت علومك كلها تثور مــن حـــدر الثفال
مـــاتعقل الجــهال مـهـما بالعــصـــى ربــيتها

والله مداني من حكاك الناس يلفينا حثال
لكن لاتكشف غطاك اللي عليك اضفيتها

ههههههههههههههههههههههه


لا تخطون على ضيفنا يالربع وعلى قولة منيع الشرطي الثبيتي رحمة الله عليه


ماتدري ان الضيف شقص من الجن====علمن يجينا به وعلم يوديه


حياك الله ياضيف في حلة معازيبك


عاشق



المسعودي


صحت السنتكم وبيض الله وجيهكم

اجيك بعلوم الوفا وتقول ماجاني عدال =ياجاحد النعمه ضيوفك جوك ماعشيتها

انا ادري ان الولبه القشرا تحت في السيال= لكن لاحرمها الغدا وتروح ماغديتها

ياطامعن بجبال عود لا تعدي في الطوال
حنـــا عطيناك النصيحه وانت مــاهـاويتها

مدام ولبه ومتركي في شفا جرفن هيال
وش قربك من قــوتن تمـــوت ماقاويتها

اهدا يامال العافيه وشبك سريع الانفعال= انا اعمر البنيان وانته بالردى هديتها

تجيب لي صرف الهلل واعطيك ياالنشمي ريال= وانا ليا كبرت علاك المشكله سديتها

صح لسانكم جميع



يعطيكم العافية


على هالجزاله



متاااااااااابعين

الشاعر عاشق لك التحيه والاحترام غط البيوت وتشرفت بااللعب معك

لا تنشحن لا تنشحن واقولها من وســع بال
تبــنــي لكن الساس مايل يوم مـــاساويتها

انته قبل رد الجواب اخطيت في طرح السؤال
والحـــي منها تتـــــركه وتروح تحفــــر ميـــتها

مشكور :اخينا المسعودي
ينصحني بتغطية الأبيات : وهو يقصد
عدم كشف المعنى :ولكن :لا يوجد معنى
خفي في محاورتنا هذه :المعنى واضح للجميع
من البداية يامسعودي :على كل حال نشكرك
على النصيحه

الله الله


صحت السنتكم وبيض الله وجيهكم


وش ذا المحاورة اللي مع القيالة



الله يعطيكم العافية


لكم تحيتي

محاورة رائعة

صحت الالسن


عاشق هجومي ماشاء الله علاه هههههه

المسعودي مبدع بالبدع وبالردود لا عدمناك يالغالي


ننتظر المزيد من ابداعاتكم يا شعرائنا

اشكركم

بن هليل سعدنا بتواجدك

(((قائد الفوج)))

هههههههههههههه

لا تاخذ مادار في المحاورة على محمل الجد

القصه وما فيها :ان المسعودي جديد على المنتدى
ويقول انه عليمي في الشعر : وحبينا نكشف حقيقة
امره : بإستغلال كلمة دلال وهو يقصد بها دلال القهوة
فتضاهرنا بفهمها بمعنى اخر مطابق لنفس الكلمة
ولكن بمعنى اخر :وهو نوع من انواع الدلع يسمى دلال
ونجحنا في ذالك حينما اجبرنا المسعودي على الضهور
بثوبه الحقيقي في الشعر :واستمتعنا بالمحاورة معه
وابياته الجزلة واللتي قابلناها بالمثل رغم بساطة ووضوح المعنى
ههههههههه:فقط هذه هي قصة هذه المحاورة

ولكن لا ياخذ البعض فكره عن عاشق ذوق
بإنه شاعر هجومي :رغم اني اعشق المحاورة
الهجومية ولكن ليست من صفاتي اللعب الهجومي

تحياتي لك اخي قائد الفوج

عاشق

اللي صار بينكم وضح قدامي وقدام العموم

وانت ما شاء الله عليك نبيه

ولا طافتك الكلمه

وهالبيت اللي صاغه المسعودي كان من صياغة دكتور بالشعر بصراحه

لان جاء مثل السيف ابو حدين


اشكرك على الابداع واشكر المسعودي

وننتظر المزيد من ابداعاتكم