مساء الخير للجميع

حبيت اطرح لغز بسيط عباره عن جس نبظ وبعدها نشوف وش يصلح من الألغاز

واللغز للشاعر/فهد الغرابي

يقول اللغز:

ياويش عذرا تشرب الماء على الجوع=من شان ترضي اصحابها لانصوها

تهرج ودايم صوتها للعرب نوع=وليا تغيير صوتها ما بغوها



بالتوفيق للجميع،،،

جميع الحقوق محفوظة لمنتديات القوافل العربية

يا هلا والله نورتناا يا وجودك يكفي

وهذه الغز اتوقع حله هو ...........

جاري التفكير

وان شاء الله الشعار يحلون الغز

ننتظرهم وبتوفيق

تقبل تحياااااااااتي الخااااااصه

صقر عتيبة

هلابك ياصقر عتيبة

واسعدني مرورك يابن العم


وبإنتظار الشعار

وللمعلوميه ترى اللغز حصري لمنتدى القوافل

اهلا وسهلا بك اخوي وجودك يكفي بين اخوانك واحبابك في القوافل العربيه ويعلم الله ان وجودك شرف لنا جميعا كما اشكرك على النقل المميز والتواصل الجميل فحياك الله وبياك نيابة عن اسرة القوافل
تقبل حبنا جميعا لك في الله

هلابك ياراع الصدق وبيض الله وجهك وانا اخوك والشرف لي طال عمرك بوجودي بينكم


لك ودي وتقديري

اهلا بك وانت الغالي والبعيد وها قد اقتربت ويقال عن العرب العزيز عندهم هو البعيد اذى قرب ووضعت رحالك بين اسطر القوافل وهم اهلك ودارك انشاء الله اما الغز سل استاذنا بن هليل يقال الغز في قلب الشاعر وانا اعرفه هو نجم ساطع بهذه اللغاز....لك مني كل الاحترام وتقدير

هلا بك يالجشعمي والله يعزك بطاعته وانا اخوك

اشكرك على مرورك وعلى كلامك الطيب والغير مستغرب منك ومن الناس إللي مثلك وشرواك


لك ودي واحترامي

اخوي وجودك يكفي عندي رمعه علها تكون هي ويش رايك فالكفكيره حقت الما ام الصافره

ارحب ياراع الصدق

الكفكيرة
والله وانا اخوك مدري وش معناها
لآهنت وانا اخوك وضحها لي أكثر يمن تكون نفس الإجابه والتسمة غير

راع الصدق والله جوابك ان شاء الله في محله وهو قريب للحل في نظري

وجودك يكفي

الكفكيرة / هو البراد الي يسخنون فيه الماء عشان يسون القهوة ولا الشاهي

وان شاء الله وفقت في الشرح وننتظر الاجابه

تقبلوووو تحيااااااااااتي الخاااااصه

صقر عتيبة

هلابك صقر عتيبة ولاهنت على الشرح يالغالي

وبناءآ على شرحك نقول

الكفكيرة مالك لوا... ياراع الصدق

اخي الغالي

اشكرك على هذا الطرح الجمل لهذا اللغز

من وجهة نظري ان حل هذا اللغز هو //


السيارة

والله اعلم لك تحيتي وتقديري

هلا بك يابن عميش

والسيارة مالك لوا... يالغالي

اخي الغالي ويش رايك فالشيشه او قربة الماء

بيض الله وجهك ياراع الصدق وصح لسانك وانا اخوك

جوابك صحيح

الجواب هو )الشيشة(


اشكر جميع من شارك

دمتم بخير ولكم ودي واحترامي

الله يعطيك الف عافية يا أبو فواز

مبروووووووك على حل الغز وننتظر وجودك يكفي بللغز جديد

تقبلوووو تحيااااااااااتي الخااااااااصه

صقر عتيبة

وجودك يكفينا

هلا ومرحبا واعذرني على كتابه نكك هكذا لانك ان شالله بتكون مكسب لنا جميعا

وصح لسانك على اللغز

وبيض الله وجهك يابو فواز على الحل يالغالي

ماهي غريبه منك

هلابك ياصقر عتيبة وتامر على الروح يابن العم

يدوم البقآ ياعادل الثبيتي وبيض الله وجهك وانا اخوك
وعسى ربي يقدرنا على تقديم الشي إللي يبييض الوجه معكم كلكم

تحيتي وتقديري للجميع

ابك الحل اثره

)( مقعد الرويس )(

هههه

لي يومين اعصر مخي ولا عرفته ههه

مشكور يا وجودك يكفيني


وننتظر المزيد من روائعك

هلا بك ياقايد الفوج


والجواب على قولتك ومثل ماقلت هههه


لك ودي واحترامي يالغالي